¹ Foto Mawu walo ɖo egbɛ, ɔ ixo lɔ mɔ ɖe emɔ ɖe gɔdo Mawu mɔ nyi Mawu. ² Ɖe bibɛ mɛ ɔ ixo lɔ mɔ ɖe gɔ Mawu. ³ Eyɔ ji ezɔn lo bayi inu tɛtɛ ɖe egbɛ lɔ mɛ. Inuti go nyi bibayi eyɔ mɛ voe. ⁴ Egbɛ ɖe eyɔ mɛ egbɛ lɔ mɔ na kiklɛn gbɛtɔ. ⁵ Kiklɛn lɔ mɔnɔ klɛn ɖe zuvlumɛ gbɛ zuvlu go kpego wa wa nuti nie. ⁶ Mawu ɖo mɛɖexwlɛn ɖo xlan e nyikɔ mɔnyi Jaan. ⁷ E wa we ɖeklun na kinklɛn lɔ nɛ mɛtɛtɛ ni lo ɖinu na kinklɛn lɔ lo zɔn e klun ɖiɖe mɛ ɔ. ⁸ Eyɔ tete gonɛ nyi kinklɛn lɔ e. Vɔ, ewa alo we ɖeklun na kinklɛn lɔ. ⁹ Kinklɛn enɛ ɔ enyi klinklɛn xonugbo exe wa gbɛtɔ lɛ mɛ mɔ klin do egbɛlɔmɛ mɔ klin do gbɛlɛ tɛtɛ ji. ¹⁰ Ixo lɔ mɔ ɖe egbɛ lɔ mɛ eji eyɔ e bayi egbɛ lɔ zɔn co gbɛtɔ lɛ go nyɔɛn e. ¹¹ Ewa emɛ lɛ kɛ gbɛ e mɛlɛ go yi e ¹² Eɖe etɔnɛ co mɛɖexwlɛn lɛ mɔ yi mɔ ɖinu ni. Emɔ na acɛ emɛ enɛ lɛ fan nɛlo tlɔzun Mawuvi, ¹³ Ego nyi ivi zɔn e hunmɛ e gbɛ ego nyi ivi zɔn ojlo agbaza tɔn mɛ e, gbɛ ego nyi ivi zɔn gbɛtɔ e jlo mɛ e , vɔ zɔn Mawu e wa itɔ nɛ. ¹⁴ Ixo lɔ tlɔzun gbɛtɔ mɔ we nɔ mimɛ. Mɔ we ɖe Majɛna gɔdo xonugbo yi xlɛ mi. Mi mɔmɔ e kikafu , kikafu éxé itɔ na évi akogo lokpo ɔ. ¹⁵ Jaan ɖeklun ni mɔ d'abobo fan: "emɛ éxé xo ilɔ na mi fan: 'mɛ lokpo ɖe godo na mɔ zwan emɛ enɛ hugan wu ɖo emɔ ɖe feto ilo jɔ'" ¹⁶ E nyɔnamɛ myɛ mɛtɛtɛ mɔ dɔkun éxé wa mitɔn yi ɖe. Mɔmɔ majɛna yi do majɛna ji. ¹⁷ Ɖo Moyizi ji Mawu zɔn lo na esɛn lɛɛ mi. Emɔ zɔn Yesu Klisu ji lo na Majɛna Gɔdo xonugbo wu mi. ¹⁸ Mɛti go mɔ Mawu kpɔn e vɔ ivi akogo lokpo éxé nyi Mawu mɔ ɖe ekɔnmɛ ɔ, eyɔ ewa mɔ we ɖe xlɛ. ¹⁹ Jwifuga éxé ɖe Jeruzalemu lɛɛ ɖo vɔsanu xwlemawutɔga lɛɛ fe gɔ levivi lɛɛ loxlan, fan nɛ kan se Jaan fan emɛ olɔkpa lohunkɔ onyi ja ? Emɔ kɛn se fan: exé ekan xo se wi ɔ Jaan go gbɛ . ²⁰ Elɔ tawun ɖe mɛ tɛtɛ okunmɛ fan: "inyɔ gonɛ Klisu é." ²¹ Emɔ kanse wi fan emɛ oyɔ eloko ? Eyɔ é nyi Eli lɔ? E mɔ kɛ nɛɛ; ǒ inyɔ gonɛ nyi Eli é. E mɔ gɔ kanse wi fan alo oyɔ iji Mawu lɔ xo zɔn ? E mɔ gɔ kɛnɛɛ fan oo. ²² E mɔ we kɛnse fan: "tɛn ɔ, emɛ omɔ nyi tutu ya ɖo mi ɖo wa sɔn lɛɛ ɖogbe na emɛ éxé ɖo mi loxlan lɛ, amu oyɔ tete nyi mɔ nyɔ tutu ya? " ²³ Jaan mɔ yigbe nɛ fan: "inyɔ enyi emɛ éxé nɔ d'abobo ɖe zogbe lo lɔ fan: "mi jla Mawu é mɔji ɖo, inu éxé Mawu é wɛndotɔ Ezayi lɔ wenɛ." ²⁴ Falizinu lɛɛ fe ɖe emɛ éxé eɖo loxlan Jaan kɛ lɛɛ mɛ. Emɔ kan xo éxé lɛɛ se wu Jaan: ²⁵ "Nɛ ogo nyi Klisu gbɛ ogo nyi Eli é, gbɛ ogo nyi Mawu e wɛn dotɔ lɛɔ, amu wutu olo we lɛ yɛwhesin na emɛ ? ²⁶ Jaan mɔ ɖo ego nɛ fannyɔ esin eyɔ nyɔ lo lɛɛ yɛhwesin na emɛ vɔ emɛ lokpo ɖe mi cɛncɛnmɛ gbɛ mi go nywɛn e. ²⁷ Emɛ enɛ enyi emɛ éxé ɖo godo na mɔ zwan ɔ. Gbɛ go nyi mɛti gbɔn wa lo tlɔ e ofɔkpakan tété fé é." ²⁸ Inu enɛ jɔ ɖe Betani ɖe Judɛntɔ lɔ egodo , hie Jaan lɛɛ yɛhwesin na emɛ ɖe ɔ. ²⁹ E okunkɛngbe ɔ Jaan mɔ Klisu kɛn zwan mɔ lɔ fan mɔ lɔ fan mi kpɔ lɛngbɔvu egbɛ lɔ etɔn exé yi ehwɛ yi kɛ gbɛtɔ ɔ we. ³⁰ Mɛ éxé xo ilɔ nami ɔ we fan eɖe godo na mɔ zwan. Emɛ enɛ hugan wu ɖo emɔ ɖe feto elo we jiwu ɔ emɛ lɔ wenɛ. Emɛ éxé enyi ɔ nyɔfe go nyɔ san e. ³¹ Nɛ Izlayɛlito lɔ ni lo nywɛn e wutu ilo yi esin lo lɛɛ yɛhwesin na emɛ. ³² Jaan eɖe klun fan: "imɔ eyɛ Mawu etɔn emɔ lɛɖe jihwle mɔ jɛté deji ɖi hɔnɛha mɔ ci eji. ³³ Emɛ éxé enyi ɔ nyɔfe go nyɔ san e vɔ emɛ éxé ɖo loxlan na yi esin lo lɛ mɔ lɔ na fan emɛ éxé ji ola mɔ yɛ Mawu etɔn la jɛte do mɔ ci eji ɔ, emɛ enɛ ewa yi gbigbɔ kinkɔn lo lɛ yehwesin na emɛ. ³⁴ Nyɔ tété emɔ inu éxé ejɔ lɛɛ tɛtɛ mɔ ɖeklun na fan eyɔ ewa Mawuvi." ³⁵ E okunkɛngbe ɔ, Jaan ɖe tɛnwe lokpo ɔ mɛ gɔdo e nukplɔnvi owe. ³⁶ Exé emɔ Yesu Klisu nɔ yan ɔ e fan mi kpɔn lingbɔvi Mawu etɔn we. ³⁷ Exé Jaan é awanvi owe se etɔnɛ ɔ, é jɛ Yesu gun. ³⁸ Yesu mɔ tlɔ kpannukɔ wi mɔ mɔ fan é jɛ éyɛ gun emɔ kan xo se wi fan amu mi nɔ ɖi eyɛlɛ fe mɔ kɛnse fan hɛ onɔ? Hlabi, Hlabi lɔ ogɔnmɛ enyi Cica, ³⁹ Yesu yigbe nɛ fan miwa amiwekpɔ hie inɔ ɔ, emɔ jɛ e gun mɔ na lɛ kpɔn hie enɔɔ. Emɔ nɔ gɔdi gbe enɛgbe hwelɛkɔ gɛn enɛmɛ etɔnɛ inu enɛlɛ nɔjɔ. ⁴⁰ Andle éxé nyi Simɔ Piyɛɛ e nɔvi ɔ, fe ɖe emɛ éxé se Jaan e xo mɔ jɛ Yesu gun lɛɛ mɛ. ⁴¹ Inu tantɛn éxé Andlee bayi ɔ, eyɔ enyi fan esɔn la mɔ enɔvi Simɔ mɔ lɔ fan: "Mi mɔ Yesu". ⁴² Andlee mɔ kplan e nɔvi simɔ lo sɔn Yesu kɛ. Yesu mɔ kpɔn Simɔ mɔ lɔ ni fan:"oyɔ enyi Simɔ Jaan evi vɔ ela nɔ ylwɛ fan Sefasi. Nyikɔ enɛ e tinmɛ enyi ekpɛn. ⁴³ E okunkɛn kɛn gbe Yesu sɔnu mɔnɔ sɔn Galilé . Ekpe filipu mɔ lɔni fan jɛ wun gun Filipu ɔ, ⁴⁴ Bɛtisayidanu nɛ ɖi Andlé gɔ Piyɛɛ ha. ⁴⁵ Filipu ɔ, la mɔ Natanayɛli mɔ lɔ ni fan emɛ éxé go Mɔyizi sɛn lɛɛ gɔdo Mawu e wɛndotɔ lɛɛ lɔ xodo ɔ, mi mɔ ɛn , Yesu Nazaleti tɔn, Jozɛfu evi ɔ nɛ. ⁴⁶ Natanayɛli mɔ kanxo wi fan inu mɛmɛyi lélé la kpego lo tɔn ɖé Nazalɛti ? Filipu mɔ lɔ ni fan "wa nɔ we kpɔn." ⁴⁷ Exé Yesu mɔ Natanayɛli zwan ɔ, elɔ dego fan: " Izlayɛvi adodowe lokpo wé, e go flu emɛé. ⁴⁸ Exé Natanayɛli se ixo exé yesu lɔ dego enɛ ɔ, Natanayɛli kan Yesu se fan amu ohɛnɖo lo nyɔ ? Yesu mɔ mɔni fan gan éxé mɛ omɔ ɖé viuntin lɔ gun ɖe hinnɛ ɔ, imɔ mɔɛn , feto Filipu lo ylwɛ. ⁴⁹ Natanayɛli mɔ yigbe na Yesu fan: "cica oyɔ eyi enyi Mawuvi xonugbo! Oyɔ enyi Izlayɛli Kɔsu xonugbo! ⁵⁰ Yesu mɔ yigbe ni fan éxé ilɔ nɛ fan i mɛ ɖe viuntin lɔ gun ɔ eyɔ wutu olo ɖinu na. Ogo mɔ nuti gba é. Ola gɔ mɔnu hugan inu éxé omɔ lɛ. ⁵¹ Yesu mɔ gɔ lɔ ni fan na lɔ xonugbo na mǐ ; mi la mɔ jihwle la hun wɛnzangun Mawu etɔn lɛɛ la ɖe jihwle sɔn mɔnɔ jɛte do nyɔ Mawuvi lɔji