¹ ozɔn otɔn gɔ ɔ gbe ɔ, dahwe nɛhwlɛn nɔ kplan nyɔ ɖe cana galile e awlangoji. yesu enɔ ɖe nyɔkplan tɛn xwe enɛ, ² e ylɔ yesu gɔ e ahwanvi lɛ yɛ lɛ fe mɔ sɔn tɛn xwe lɔ mɛ. ³ exe vɛɛn gɔ ɔ yesu enɔ we lɔ ni fan, ye o gɔ ɖo vɛɛn ti e yesu mɔ lɔ ni fan nyɔsi o wa oyɔ ewa lɔ nu exe la bayi ɔ na e. ⁴ gan exe mɛ la bayi nu do ɔ go wa gba e. ⁵ enɛ mɔ lɔ na nuɖuɖumatɔ lɛ fan mi bayi nu exe la zɔn mi lɛ tɛtɛ. ⁶ tɔzɛn exe yeyi kpɛn lo bayi ɔ atrokpo ɖe xin nɛ. mawuvi lɛ mɔ dun si do ye mɛ mɔ lo klan yeɖe. ⁷ tɔzɛn enɛ lɛ lokpo lokpo hɛn sin go kanle owe. yesu lɔ na nuɖuɖu matɔ lɛ fan: ⁸ mi dun sin juɔ zɛn e nɛ lɛ ye mɔ dun sin juɔ zɛn ɔ lɛ flefle. enɛ egodo ɔ, yesu fan mi bo din la na nuɖuɖu matɔ lɛ ega e mɔ la din ni. ⁹ nuɖuɖu matɔ lɛ ega ɖɔ sin exe mɔ trɔzun vɛɛn ɔ kpɔn gbɛ ego nyɔ xie vɛɛn enɛ lɛ ɖe e. mɛsɛtɔ exe la dun esin lowa lɛ eyi e nyɔ.e ga ɔ ylɔ osisunɔ ɔ, mɔ lɔ ni fan: ¹⁰ vɛɛn mɛmɛyi ɔ eyi e na mɛ lɛ jɛ unkɔn vɔ exe ahan mu mɛlɛ tɛɛn ɔ eyi ola ɖe vɛɛn mɛmɛyi ɔ tɛn. ¹¹ nu tantɛn exe yesu jlɛ ɔ wenɛ. ɖe cana galile e ahwlangoji. etɔnɛ yesu ɖe esusu xlɛ ɖo e ahwanvu lɛ mɔ ɖinu ni. ¹² Enɛ godo ɔ, yesu gɔ enɔ, gɔ enɔvi, gɔ e ahwanvi lɛ, we sɔn kafana mɔ nɔ xinɛ na azan vile. ¹³ exe paskwa e xwe exe mawusɛntɔ lɛ ɖuɔ e azan nɔ gogo ɔ, yesu sɔn jelusalɛmu. ¹⁴ emɔ mɛ nɛ hwlɛn ɖe sinsɛn xɔ mɛ emɔnɔ sa nyibu mɔ nɔ sa gbɔ mɔ nɔ sa hwannɛ, ixwa luɔ tɔ lɛ fe ɖe sinsɛn xɔ ɔ mɛ, mɔ ɖe awan sinɔ ɖe ye kplɔ lɛ kɔn. ¹⁵ Exe yesu mɔ etɔnɛ ɔ, eyi okan lo bayi oba mɔ nya yɛ mɛ tɛtɛ ɖe sinsɛn xɔ ɔ mɛ yelɛ gɔ ye kanlin lɛ. e hlɛn exwa luɔ tɔ lɛ e xwa, mɔ trɔ ye kplɔ lɛ. ¹⁶ elɔ na hwannɛ satɔ lɛ fan: mi bɛ mi nu lɛ mɔ tɔn ɖe xɔ ɔ mɛ . mi ma ze un tɔ osin lo zun ojɔ xɔ e. ¹⁷ Exe e ahwanvi lɛ mɔ etɔ nɛ ɔ, ye flin xo exe e wlan do mawuxoɔ mɛ ɔ: wanyiyi exe iɖo na i osin ɔ, wanyiyi ma ɖo jlɛ nɛ hwlɛn nɛ mɔ na akpakpa un. ¹⁸ tɛn ɔ mawu sɛn tɔ lɛ mɔ yi xo, mɔ kanse yesu fan tɛn ɔ amu ola jlɛ na mi mɔ lo ɖe xlɛ mi fan mawu eyi e na acɛ wi fan nɔ wanu zɔn etɔnɛ. ¹⁹ yesu mɔ yigbe nɛ fan mi gba sinsɛn xɔ ɔ, mɔ ze azɔn tɔn lo vɔ ɛ tun. mawusɛntɔ lɛ mɔ lɔ ni fan, xwe kanle atrokpo eyi ekɔ do te lo tun sinsɛnxɔ exe. ²⁰ Mawusɛntɔ ga lɛ mɔ lɔ, xwe kanle atrokpo eyi ekɔ lo tun xo exe oyɔ mɔ lɔ tɛn fan eyɛ la kɔ azan otɔn lo tun i, ²¹ tɛn ɔ sinsɛn xɔ exe xo yesu no lɔ nɛ gan enɛ mɛ ɔ, eyɔ tete e agbaza nɛ. eyi e wanu gan exe mɛ mawu lo we fɔn in ɖe ku ɔ, ²² e ahwanvi lɛ flin fan emɔ lɔ etɔ nɛ san emɔ ɖinu na mawuxo wema ɔ mɔ gɔ ɖi nu na xo exe yesu lɔ nɛ lɛ. ²³ gan exe mɛ yesu ɖe jeluzalɛmu paskwa gan mɛ ɔ, mɛ susu ɖinu ni, ɖo ye mɔ inu dakisa exe ejlɛ lɛ, ²⁴ gbɛ yesu ogan do yego e, ɖo enyɔ yɛ mɛ tɛtɛ ganji. ²⁵ e gɔ nyi fan eni lɔ xo ni do mɛti go e. ɖo eyɔ tete mɔ mɔ kunu jɛ inu exe ɖe gbɛtɔ lɛ odɔmɛ tɛtɛ go.