¹ Klisu e ɖemi ɖe esɛn lɔ e kannu na mi lo jɛ miɖe si. Mi mɔ dɛ na mi ma lo zun kannumyɔn e. ² inyɔ Pɔlu e tɛngbe deji mɔnɔ lɔ nami fan nɛ mi jo miɖe do emɔ gbo ada na mi ɔ hun inu éxé Klisu wa na mi ɔ inu vɔvɔ nɛ. ³ Mɔ gɔ nɔ lɔna mi fan mɛlele gbo ada ɖikɛn Jwifulɛ esɛn lɔ ɖo ɔ hun, ni nyɔfan eyɛ ɖo wa nyi esɛn Jwifu lɛ etɔn tɛtɛ. ⁴ Myɛmɛ éxé jlo fan nɛyɛ nyi esɛn ɔ ma lo nyi exwɛ jijɔnɔ ɖe Mawu e unkɔn lɛ ɔ, mi nyɔ fan eyɛ gɔ Klisu klan , eyɛ mɔ din majɛna Klisu etɔn gbɔ. ⁵ Myɛlɛ ɔ, mi nɔ ɖokun Mawu fan Mawu la yi mi lo bayi ehwɛ jijɔnɔ, inu enɛ mi nɔ ɖokun zɔn gbigbɔ ɖedovo e nɔ wadɔn zɔn nuɖiɖimɛ ɔ e hinhlɔnji ; ⁶ ɖo nɛnyifan mi ɖe kpwɛ gɔ Klisu Yesu ɔ, ada kpigbo go wa nuti e ada magbo fe go wa nuti e. Inu éxé ɖe taji ewa nuɖiɖi éxé wadɔn gɔ wannyinyi ɔ. ⁷ Mi mɔnɔ sɔn unkɔn ganji san ha ? Emɛ we ɖomite fan na mi se tonu na xonugbo lɔ e ? ⁸ Inu enɛ éxé e lɔ na mi kaka mi mɔ yigbe na ɔ go lɛɖe Mawu éxé nɔ ylɔ mi ɔ kɛ e. ⁹ Kɛn emɔ lɔ ɖo ɔ, kpɔnɔfɔnnu vile e fɔn lofin éxé enya ɔ tɛtɛ. ¹⁰ Eɖe etɔnɛ co i mɔ ɖo jiɖiɖe do migo ɖe Aklunɔ mɛ fan myo su lin nubu zɔn éxé i lin lɔ go e; vɔɔ, emɛ éxé nɔ do hunnya hunnya mimɛ ɔ, nɛ tan nyi inu lele kpokpwenɔ, Mawu la dɔntoni. ¹¹ Nɔvilɛ, inyɔ nɛ gɔ nɔlɔ fan ada jɛ ela gbo dandan ɔ, amu aya e la gɔ kpo mɔnɔ dona ? ¹² Nɛ etɔnɛ mɔ bayi ɖo ɔ, wɛnɖagbɛ éxé nɔ jla emɔ lɔxo do Klisu éxé eka do otinsoga ji go ɔ, go kpego wa gɔ nyi ofɔklɛn na emɛti e. I jlo fan enɛ éxé nɔ do hunnya hunnya mi mɛ lɛ ɔ nɛ ma nyi ada lokpo nɔ ewa gbo e vɔ nɛ saa nɛkun na eɖe. ¹³ Nɔvilɛ, myɛlɛ ɔ, mi la nɔ miɖe si wutu Mawu lo ylɔ mi ; vɔ mi ma kpɔ fan mi mɔ ɖe miɖe si mɔ wanu éxé jlo mi lɛ e vɔ mi jɛ wannyi Mawu etɔn gun mɔ zun emɛsɛntɔ na miɖe. ¹⁴ ɖo nɛ e xo esɛn lɛ tɛtɛ do kpwɛ ɔ , inu éxé enɔ lɔ we: "nyiwan na i nɔvi ɖi oyɔ tete mɔɖe". ¹⁵ Mi cɔ miɖe e go wa etɔnɛ le ɔ, nɛ mi zan mi egbɛ ɖi gbekanliilɛ mɔɖe mɔ nɔ do fɔku miɖe , mɔ nɔ do tagba na miɖe ɔ , mila gunkun na miɖe. ¹⁶ Nɔ lɔ nami fan na mi jo miɖe do nɛ gbigbɔ ɖedovo ni xlɛ mɔ mi; mi ma wa mi ojlo lɛ e. ¹⁷ ɖO ojlo nyinylan gbɛtɔnlɛ cite do ojlo gbigbɔ tɔn lɛ ji. Etɔnɛ ke gbigbɔ ɖedovo tɔn lɛ cite do jlo nyinylan gbɛtɔ tɔn lɛ ji. egbɔnvo tɛtɛ na eɖe na eɖe na mi ma lo wa inu éxé jlo mi lɛ e. ¹⁸ Nɛ gbigbɔ ɖedovo nɔ xlɛ mɔmiɔ, esɛn lɔ gɔ ɖo acɛ do mi ji e. ¹⁹ Inu nyinyla éxé gbɛtɔ bayi lɛ goɖe nu gun e; eyɔ enyi: agalilɔ , nuxweɖuxweɖu bibayi, nu nyinylan bibayi, ²⁰ lɛgba sinsɛn, magiki bibayi, wangbɛna emɛ, jlɛwiwa, wu hwihwan, ma jijɛ, adɔn, inu dɔn gɔ emɛ, nyɔɖɔdido, igbe manɔ kpwɛ, ²¹ mɛnu jijlo, ahannumu, nuɖuzɛ jlɛgo gɔdo inu etɔnɛ ha lɛ. Nɔ lɔ nami tɛn ɖikɛn kɛn mɔ lɔ nami san ɔ fan gbɛtɔ etɔnɛ ha lɛ go na byɔ kɔsu ɖuto Mawu etɔn mɛ e. ²² Vɔɔ, inu exe gbigbɔ ɖedovo na emɛ ɔ, eyɔ ewa : wanyinyi, odɔmɛ kinkɔn, vivi mimɔ suwulu ɖiɖo, odɔmɛ jɔhun, ɖagbɛ wiwa, gbeji ninɔ, ²³ fifa, mɛteteji ɖuɖe, xonugbo ɔ, esɛn go gbɛ inu enɛlɛ e. ²⁴ Emɛ éxé wa klisu Yesu etɔnlɛ mɔ ka exwɛhuhu e ninɔmɛ éxé eɖo ɔ gɔdo e jlo lɛ tɛtɛ do otinsoga ji. ²⁵ Exé enyi fan gbigbɔ ɖedovo ena egbɛ jɔ egbɛ mi ɔ , a mi mɔ jo miɖe do ni nɛ ni xlɛ imɔ wu mi. ²⁶ A mi ma nyi go yi tɔ e ami ma nɔ do xomɛsin na miɖe e; mi nu ni ma nɔ byɔ kun na miɖe.