Takun 3
1
Esɛnlɔ o kpégo a hlɛn é mɛ gan é , nuɖiɖi eyi é hlɛn mɛ gan .
Galatitɔ xlonɔ lɛɛ ! E mɛ é ƒlumi étɔ ʔ
Kɛn yé ka Jesu do atisogaji ɖo ɔ mi okumɛ xié yé ɖé émɛ na mi ɖé
2
nu é i jlo ƒan a mi ɖé émɛ na ɔ wé : nu éxé sin lɔ zɔn bibayi lɛɛ eyi é zɔn Mawu lo na é yɛ kikɔlɔ wu mi , alo wɛn ɖagbɛ éxé mi sé mɔ ɖi ɔ nɛ ʔ
3
xlo jan mi jɔ etɔnɛ ʔ Mawu é yɛ na hwinhwlɔn mi , mi mɔ jɛ gbɛ mɛmɛyi zan ji ; tin ɔ , mi jlo a zé miɛ tété lɛɛ é hwinhwlɔn lo kpa ɛ nɛ ʔ
4
Nu é nɛ lɛɛ xa mi vɔvɔ nɛ ʔ nu e nɛ lɛɛ o kpégo a xami vɔvɔ é
5
Isɛn éxé mi bayi deji ɔ eyi é zɔ mawu lo na é yɛ kikɔ lɔ mi a lo jlɛ nu ɖe mi cincin ʔ
6
Etɔnɛ mawuxolɔ lɔxo do Ablaxamu go ɖo ; ƒan : E ɖinu na Mawu e mɔ kpɔn do é nu éxé é ɖi ɔ go mɔyi lo mɔ hwɛjijɔnɔ .
7
Hun mi bo yɔn ƒan mɛ éxé ɖinu lɛɛ eyi e yi ablaxamu e vi adodoé ɔ .
8
Mawuxoɔ mɔ lɔ ɖé bibɛ nugbɛn ƒan : Mɛ éxé e go wa mawu sɛntɔ lɛ la jinu na Mawu eyi yé lo zun hwɛjijɔ nɔ. Eyi ezɔn Mawu lo na okuɖiɖo Ablaxamu ƒan : la xo éɖɛ do mɛ éxé zɔn gbɛ ɔ mɛ lɛɛ tɛtɛ ji zɔn i ji .
9
Ablaxamu ɖinu na Mawu , Mawu mɔ xo éɖɛ deji . Etɔnɛ e la xo ɖɛ do mɛ éxé e la ɖinu ni lɛ ji Ablaxamu mɔɖé .
10
Mɛ éxé e la yin esɛn lo mɔ hlɛngan lɛ tɛtɛ go é ylan nugbɛn do , ɖo yé mɔ wlan do Mawuxo wéma ɔ ƒan : mɛ éxé go yin esɛn lɔ do gbesisɔ mɛ élé ɔ ye la do nugbɛn wi .
11
Mi mɔ okunu jɛ émɛ ƒan Mawu go mɔ gbɛtɔ lo mɔ hwɛjijɔnɔ do ésɛn éxé e yin ɔ wutu é ɖo Mawuxo ɔ lɔ ƒan : mɛ exé Mawu lo mɔ hwɛjijɔ nɔ do énu éxé eɖi ɔ la nɔ é gbɛ
12
Esɛn lɔ go ɖé nuɖiɖi e acɛ mɛ é : vɔ , kin Mawuxo ɔ lɔ ɖo ɔ : Mɛ éxé e la kpégo lo yin esɛn ɔ lɛ la nɔ egbɛ zɔn ésɛn ɔ mɛ .
13
Exé Jezu trɔzu mɛ éxé yé do nugbɛn do mi tinxwé ɔ , é hwlɛn mi ɖé ehwɛ exé mi hu zɔn ésɛnlɔ mɛ lɛ ɖo Mawuxowémaɔ lɔ ƒan : Mɛ éxé yé ka do otingo ɔ ye do nugbɛn wi .
14
Eɖé etɔnɛ na mmɛ éxé go wa mawu sɛntɔ lɛɛ e ƒé nɛ mɔ whlɛngan éxé okuɖiɖo mɛ Ablaxamu ɖe ɔ yi zɔ Jezu ji . Nu ɖé etɔnɛ na mɛtɛtɛ ni mɔ yɛ kikɔ éxé e akpa Mawu do na mɛ exé ɖinu lɛ ɔ yi .
15
Esɛn lɔ o kpégo a ɖuɔ nu éxé akpa Mawu do ɔ é
Nɔvi lɛɛ la yi nu éxé jɔ gasiagamɛ ɔ lokpo lo kplɔn nu mi ; nɛƒan mɛ lélé lƥɔ kɛn yéla zan anu lɛ ɖo ɖé e ku godo ɔ hu mɛti o kpégo a gbidi mɛ énɛ é .
16
Mawu do akpa na Ablaxamu gɔ e vi . Mawuxoɔ lɔ ƒan oyɔ gɔ i vikpɛlɛ nɛ lo blobu ƒan mɛ susu xo é nɔ lɔ sin . Mawuxoɔ lɔ ƒan oyɔ gɔ i vi nɛ lo ɖéxlɛ ƒan mɛ lokpo xo enɔlɔ , mɛ lɔ éyi é wa Jezu .
17
Nu éxé nɔ lɔ wé : Mawu mɔ zé okɔjɛwéma nɛhwlɛn ɖawan mɔ do okpa ƒan éyɛ la bayi déji
Isɛn éxé wé tɔn ɖé xwé 430 godo ɔ o kpégo a susu nu éxé e ɖé okɔjɛwéma enɛ mɛ lɛ é gbɔn akpa é Mawu do mɔwé yinu vɔvɔ é ɖo égo wa esɛn éyin ƒoto lo mɔ nu éxé é okpa e do na émɛ ɔ yi ɔ .
18
Hun nu ɖagbɛ nɛ lɛ go wa akpa éxé mawu do ɔ éxo
Vɔ akpa e mawu do na Ablaxamu ɔ eyi ezɔn e lo ɖé yɔn na ixlɛ .
19
AMUTU Elo do ESɛn lɔ ʔ
Amutu ele do esɛn lɔ ʔ yédo esɛn a lo ɖé ZinZan exé gbɔn vo na Mawu e jlo ɔ xlɛ E la ɖété kaka jɛ gan éxé mɛ ablaxamu e vi éxé yé do kpa na ɔ la wa ɔ
Mawu é wɛnsagun lɛ éyi e hɛn e sɛn l ɔ lowa zɔn mɛ lokpo ji .
20
ɖo akpa é Mawu do ɔ eyɔ lokponɔ e kan , o biɔ ƒan Mawu e wɛnsagun alo mɛ lélé ni ɖ̀é kunu na esɛn lɔ é .
21
Sɛn lɔ gbɛ akpa exé mawudo lɛ enɔ lɔ ʔ gblé ! nɛƒan e do sɛn lélé , esɛn ɔ mɔ hɛn ɔ é la na égbɛ jɔ egbɛ gbɛtɔlɛ ɔ , hun mɛtɛtɛ é la yin hwɛjijɔnɔ ɖé Mawu unkɔn zɔn esɛn mɛ .
22
Vɔ mawuxowéma ɔ lɔƒan gbɛtɔlɛ tɛtɛ é do susu ɖé hwɛ lɔ e acɛ gun . nɛ nu exé e akpa Mawu do ɔ ela na mɛ éxé ɖinu lɛɛ na nu éxé yé ɖi na Jezu ɔ go.
23
ƒoto nuɖiɖi e gan mɛ la su ɔ esɛn lɔ hɛn mi ɖi gan mɛnɔtɔ mɔ ɖé kaka lo jɛ gan éxé mawu lo ɖé nuɖiɖi enɛ yixlɛ mi ɖo ɔ .
24
Gan enɛ mɛ ɔ esɛn lɔ nɔ kplɔn mi gbɔn lo jɛ gan éxé mɛ Jesu wa do ɔ . nɛƒan Mawu ni lo mɔ mi lo mɔ hwɛ jijɔnɔ zɔn nu éxé mi ɖiɔ mɛ .
25
Tin éxé nuɖiɖi e gan mɛ lo wa ɔ , mi o gɔ ɖé mɛkplɔntɔ enɛ e acɛmɛ é .
26
ɖo mi ɛ mɛ tɛtɛ zu mawu vi ɖé Jezu Klisu mɛ zɔn nuɖiɖi mɛ .
27
Xonugbo ɔ ye do esin takun na mi zɔn Klisu mɛ . mi mɔ zé é jijɔ .
28
Tɛn ɔ mawusɛntɔ go ɖé vo na mɛ éxé go wa mawu sɛntɔ é , kan numiɔn go ɖé vo na mɛvɔvɔ é , Sunu go ɖe vo na yɔnsi é ɖo miɛ mɛ tɛtɛ e wa nu lokpo ɔ ɖé Jezu mɛ
29
nɛƒan mi yin Klisu etɔn , mi yin Ablaxamu e vi
nu mɛmɛyi éxé e a kpa mawudo na ablaxamu ɔ mi la mɔ yi .