¹ Ixwe owienɛ e godo ɔ, i lɛkɔ losɔn Jeluzalɛmu nyɔ gɔ Baanabasi fe, i kplan Titi fe. ² I sɔn xinɛ ɖo Mawu e ɖexlɔ fan iɖo wa sɔn. Exé isɔn, nyɔ gɔ ogun unkɔntɔ lɛ lokponɔ ebɔ, wɛnɖagbɛ i jla emɛ éxé go wa Jwifu lɛ le ɔ, i tin emɛ na eylɛ fe; Ɖo i go jlo fan idɔn éxé iwa san gɔdo inu éxé nɔ wa tɛn lɛ ni nyi inu vɔvɔ e. ³ Titu éxé gɔdo e zɔn ɔ, glɛnsinu nɛ, e go lɔ fan ada cɛn wa gbo dandan. ⁴ Klisu sɛntɔ enyikɔ jɛtɔ nɛhwlɛn lɛ mɔ zlɔn byɛ mimɛ lɔ jlo na gbo ada ni. Co e go gbo ni ɛ. Ejlo na ɖi dona miɖesi éxé miɖe ɖe kpwɛ exe miɖe ɖe Klisu Yesu mɛ ɔ; mɔjlo wa tlɔmi mimɔ gɔ tlɔzun kannumyɔn ma Jwifulɛ e walɔ. ⁵ Mi go lwɔn nɛ na okun xwixwe lokpo vɔvɔ e ; mi go bayi inu éxé enɔ din ɔ e; nɛ wɛnɖagbɛ xonugbotɔn ɔ ni lo nawan na mi. ⁶ Mɛ éxé emɔ lomɔ gbɛtɔ okun ɖeji enɛlɛ ɔ, inu éxé e nyi ɔ e go kan e, ɖo Mawu go ɖe mɛti dovo ɖe mɛti mɛ e, yɛ mɛ okun ɖeji enɛlɛ gɔ ze okplɔ yɔyɔ ti ikpe éxé mɔnɔ kplɔn emɛlɛ e. ⁷ Hugan wu etɔnɛ ɔ, emɔ fan Mawu yi wɛnɖagbɛ jijla emɛ éxé go wa Jwifulɛ e edɔn ido asi na, kɛn e yi wɛnɖagbɛ jijla JWIFU lɛ edɔn i do asi na Sefasi do ɔ. ⁸ Ɖo Mawu exe yi Sefasi lo ɖo emɛɖoloxlan na Jwifulɛ eyɔ eyi enyɔfe lo ɖo emɛɖoloxlan na emɛ éxé go nyi Jwifu lɛ e. ⁹ Jaki gɔ Sefasi gɔdo Jaan eyɔ emɔ lomɔ sosiɛn na ogun lɛ; éxé emɔ fan Mawu yi idɔn enɛ yi do asi na ena olɔ wu nyɔ gɔ banabasi mɔ lo ɖexlɛ fan idɔn lokpo lo mi nɔ wa. Enɛ ɔ, mimɛ tɛtɛ mɔ ɖo igbe kpwɛ nyɔ gɔ Banabasi mɔ sɔn emɛ éxé go nyi Jwifu lɛ kɛ, yɛlɛ mɔ sɔn emɛ exe nyi Jwifu lɛ kɛ. ¹⁰ Vɔɔ, e byɔ inu lokpo wu mi, e byɔ mi fan ami byɔ wamamɔnɔ éxé ɖe eyɛ ogunmɛ ɖe Jeluzalɛmu lɛ. Inu éxé mɔ nɔ jlo fan na bayi san ɔ wenɛ. ¹¹ Vɔɔ, éxé Sefasi wa antiɔci ɔ, e ɖe ofɔ nyinylan i mɔ gbɛnu ni ɖe mɛtɛtɛ e okunmɛ. ¹² Xonugbo , fetɔ emɛ éxé JAKI ɖo loxlanlɛ la lɛɖe Jeluzalɛmu lo wa ɔ, Sefasi ɖunu gɔdo emɛ éxé go nyi Jwifu lɛ ɔ, éxé ewa ɔ, emɔ jɛ ozɔga nɔ na emɛ éxé go wa Jwifu lɛ ji, gbɛ egɔ ɖunu gɔɖe é; ɖo enɔ hu cicwɔ na emɛ éxé lɔ fan ada jɛn ewa gbo na emɛ éxé go wa Jwifu lɛ e le ɔ. ¹³ Jwifu éxé kpolɛ fe cwɔ mɔ bɛ yemɛnu wiwa ɖi sefasi mɔɖe , kaka Banabasi fe mɔ cwɔ mɔ bɛ yɛmɛnu wiwa ɖi yɛlɛfe ha. ¹⁴ Exé imɔ fan nu éxé énɔ bayi go sɔgbe gɔ xonugbo éxé ɖe wɛnɖagbɛ ɔ mɛ e le ɔ, ilɔ na mɛ tɛtɛ okunmɛ fan: nɛ oyɔ emɛ éxé nyi Jwifu zangbɛ ɖi emɛ éxé go nyi Jwifu mɔɖe , gbɛ ogo bayi nu ɖi jwifu ha mɔɖe ɔ, amu owa kpego lolɔ na emɛ éxé go wa Jwifu fan nɛ zangbɛ ɖi JWIFU ɖo ? ¹⁵ myɛlɛ ɔ, Jwifuvi jiji mi nyi, mi go wa tobumɛtɔ éxé go jɛ Mawusɛngunlɛ e; ¹⁶ co mi mɔ nyɔ fan ego wa Moyizi sɛn lɛ nyi nyi Mawu lo mɔ exwɛjijɔnɔ e. Vɔɔ, nuɖiɖina Klisu Yesu ena Mawu lo mɔ exwɛjijɔnɔ. Enɛ ezɔn myɛlɛ fe lo ɖinu na Klisu Yesu, ma lo tlɔzun exwɛjijɔnɔ ɖo nuɖiɖi éxé mi ɖo na Klisu Yesu wutu; ego wa mi nyi esɛn wutu mi lo tlɔ zun exwɛjijɔnɔ e, ɖo Mawu go na mɔ mɛti lo mɔ exwɛ jijɔnɔ ɖo enyi esɛn lɛwutu e. ¹⁷ Vɔɔ, gan éxé mɛ mi nɔ ɖin fan ami nyi xwɛjijɔnɔ ɖe Mawu e nukɔn lo zɔn Klisu ji ɔ, nɛ ewe mɔ myɛlɛ fe lo mɔ exwɛhutɔɔ, enɛ lɔ wutu gonɛ e la lɔfan Klisu e dɔn mi do exwɛmɛ ? Gbeɖe kpɔn ! ¹⁸ Ɖo ela nyi esɛn lo nyi exwɛjijɔnɔ éxé igbɛ ɔ, nɛ gɔ jɛ gbeyinaji ɔ, hun ɖe nɔ ɖexlɛ fan igɔ tlɔzun esɛn gbatɔ wenɛ. ¹⁹ Ɖo ɖe esɛn ɔ mɔjiɔ, i mɔ ku, esɛn lɔ tete e hu, na lo nɔ egbɛ lo sɛn Mawu. E ka do otin soga ji gɔ Klisu. ²⁰ Egbɛ exé mɔ ɖe tɛn ɔ, nyɔ tete gonɛ e ɖegbɛ e . Klisu e ɖe gbɛ ɖe unmɛ. egbɛ éxé iɖe tɛn ɖe agba za mɛ ɔ, nuɖiɖi éxé i ɖo na Mawuvi exe nyi wan na ɔ , mɔ ku do un takun mɛ wutu lo ɖe egbɛ. ²¹ Go na hɔn majɛna Mawu etɔn ikplɛ e. Nɛ esɛn ɔ eyi ezɔn elo nyi exwɛjijɔnɔ ɖe Mawu e unkɔn, hun KLISI e ku do vɔvɔ wenɛ.