¹ inyɔn Polu emɛn yi lo wlan Yesu Klisu etɔn , eme , yi lo whlan Mawu mitɔ exe fɔn ɛn ɖe emɛn kuku lɛmɛn etɔn . inyɔn enɔn whlan woman exe lo whlanmi. Go nyi emɛn yilo whlen gbɛtɔ lɛ etɔne , gbɛtɔ go nɛn yi u lo whlan e ² inyɔn fe gɔdo nɔnvi exe ɖe xie lɛ enɔn whlan woma exe lo whlan mi agun exe ɖe Galati gbeji tɛtɛ ³ Mawu mitɔ gɔdo mi osintɔ Yesu Klisu nɛn man majɛnan gɔdofifa u mi ⁴ Yesu Klisu enɛn lɔ eyɔ eyi egbɛ yinan domi egbɛ lɛ etakun , ni lo whlɛn migan ɖe egbɛ nyi nylan exe mɛn miɖe tɛn mɛn . kɛn mitɔ Mawu jlo ɖo mɔn we nɛn ⁵ Gigo nan Mawu ɖe manvɔ lo su manvɔ mɛn ! Ami! ⁶ Enyi nu lo kpaca u fan mi yau jo Mawu exe ylɔ mi zɔn maje nan exe mi mɔn yi zɔn yi zɔn Klisu e kuku gbla mɛn , mɔn xwedo enukplɔn emɛn ibu lɛ. ⁷ Gbɛ ego nyi fan exwenɖagbɛ ibu ɖe gonɛn ; vɔ emɛn de whlɛn lɛ enɔn do cicuɔ nan mi , mɔn dian xɛn ewɛndagbɛ Klisu etɔn inyi gu ɖe mimɛn ⁸ Vɔ a lɔ xo jɔxo nan mi , nɛn nyi fan emɛn ɖewhlɛn wa we do ewɛndagbɛ lele nan mi , emɔn tɔnro nan exe mi we lo nana miɔ , ni yi nudo Mawu etɔn. Egɔ lo nyi mi ɛlɛ tete lɛ can alo ewɛnzangun esɛxwɛ etɔn lɛ nɛn can ɔ , Mawu ni do nugbɛn wi . ⁹ Mimɔn lɔɛ nan mi isan vɔ gɔ lo vɔ lɔ nan mi tɛn fan nɛn nyi fan mɛn lele we do ewɛn nan mi tɔnvo nan mitɔn ɔ , Mawu ni do nugbɛn wi ¹⁰ Tɛn ɔ , o wa nu gbɛtɔ lɛ nɛn lo kafu u alo Mawu ni lo kafu u lo ɖyi ? alo lo dyi ajɔhun ɖe gbɛtɔ lɛ kɛ wa jɔhun ɖeɔ , igo kpego a gbɛ kpo nɔn nyi klisu sɛntɔ kaka jɛ egbe é ¹¹ un nɔvi lɛ ! alɔ nan mi fan : ewɛnɖogbe exe lo do nan miɔ gbɛtɔ lɛ gonɛn hɛn lo wae ¹² gbɛ , mitigonɛn lo nane , kenke emɛntigo kplɔn wenɛ , vɔ Yesu Klisu tete e hun i mɔn yi xlɛ ɔ ¹³ Gan exe mɛn iɖe Jwufu lɛ e sinsen menɔ , mise kɛn izan un egbɛ do ; mi nyɔn kɛn ido tagba nan agun Mawu etɔn ɖo , ido tagba ni tite ungbe ; mɔnhlɔn a lo su agunlɛ . ¹⁴ mi nyɔn kɛn i whedo Jwifu lɛ e sinsɛn ugan u unhagbɛ kpɔtɔɛ lɛ ɖo ; mi nyɔn kɛni wlibo nan mitɔ lɛ e hwɛndo mɛn nu lɛ ugan u un hagbɛ kpɔtue lɛ ɖo ¹⁵ Vɔ , e mɔn can inyɔn feto elo jiu , emɔn ylɔ nan a lo sɛn , ¹⁶ Ganxixo exe mɛn ejlo Mawu elo yi eyivi ixlɔɔ , alo gla ewɛnɖagbe exe lo xo do ivilogoɔ emɛn exe go nyi Jwifu lɛ ɔ , igo kan ixoti se u emɛntie ¹⁷ Gbɛ igo sɔn emɛn yi lo xlan tantɛn exe jɛ nu kɔn nan lɛ kɛ ɖe Jeluzalemu , vɔ izɔn tlele mɔn sɔn Alabii , enɛn e godo ɔ , ilɛkɛ wa Damasi ¹⁸ Iwhe otɔn egodo eyɔ i we sɔn Jeluzalemu , alola nyɔn emɛn exe eylɔ fan sefasi ; exe i sɔn ekɛ ɔ ibayi azan ofɔtɔn ¹⁹ Enɛn e godo ɔ i gɔ mɔn emɛn i lo xlantɔ tie , Jaki osintɔ Yesu enɔnvi lɔ jan imɔn ²⁰ inu exe lo wlan lo xlan mi ɔ ixo nugbo nɛn . Mawu e unkɔn we iɖe eye , go lo ɖu xosue ²¹ Enɛn e godoɔ isɔn sili gɔdo silisi gbeji tɛtɛ. ²² Gbɔn we nan gan enɛn mɛnɔ , emɛn exe ɖe agun Klisu etɔn mɛn ɖe jude lɛti go mɔnkpɔn gba e ²³ Ese kpo un fan emɛn exe do tagba nan mi san nɔn lɔ nan emɛn lɛ tɛnfan nɛn ɖo ni ɖiɖi nan Yesu . isan eyɔ nɔn nɛn siɛn takun mɛn , ni lo vakun nan emɛn exe ɖo nuɖiɖi nan Yesu lɛ . ²⁴ Emɔn kafu Mawu ɖo inyɔn wutu .