¹ Polu , iɖɔn watɔ Yesu Klisu etɔn zɔn ojlo Mawu etɔn mɛn nan emɛn ɖe do vo Mawu etɔn exe ɖe efɛso godo Yesu Klisu etɔn le : ² Majɛnan fɛnu gɔdo fifa Mawu etɔn gɔdo osintɔ Yesu disu etɔn nɛn nɔ gɔdo mi ! ³ Gigo nan Mawu , itɔ man mi osintɔ Yesu Klisu , exe do nan mi donan gbigbɔ mɛn tɔn tɛtɛ ɖe lɔn mɛn zɔn Klisu ji ⁴ zɔn eyɔ jiɔ Mawu can feto lo da egbɛ , ami lo nyi emɛn dhe dovo man ɖo ablɔ ɖe é unkɔn ⁵ emɔn da mi dawan gɔdo wan nyi nyi mi lo zun ivi exe Mawu zɔn Yesu Klisu disu ji gɔdo ojlo faa ⁶ nan kpi kpa gigo gɔdo fɛnu etɔn exe mimɔn yi zɔn wan nyi nan nɔn etɔn mɛn ⁷ Zɔn eyɔ mɛn ɔ , evɔ mi xɔ gɔdo ehun etɔn , eyi mi ewhɛ lɛ yi kɛ mi , zɔn dɔkun exe ɖe majɛnan fɛnu etɔn mɛn ⁸ exe Mawu man ɖo mi ji gɔdo nu nyi yɔn tɛtɛ , ⁹ Enan mi mɔn yɔn inuwhiwla exe ɖe ojlo etɔnmɛn zɔn nyɔnnan exe ɖe tito exe ebï eyɔ tete , ¹⁰ ni lo we yi do idɔn wiwa mɛn ɖe gan exe mɛn inutɛtɛ la wa cicɛ mɛn do , emɔn bɔinu tɛtɛ ɖe Llisu mɛn , inu exe ɖe jiwhle gɔdo whlangloji ¹¹ Zɔn eyɔ mi trɔ zun cinɔn dutɔ exe emɔn ɖa do awan ɖe gbeta mlɛn gɔ emɛn exe wa inu exe jloe lɛ etɔn ¹² ami lo sɛn gɔdo gigo xan lɛ , miɛ le exe mɔnn nyi emɛn mɔn yi mi jiɖiɖe yiɖo disu ji ¹³ Zɔn eyɔyi oke ɔ exe mi se ixo jɔxo lɔ , ewɛn ɖagbe mi whlɛgan lɔ etɔn mi ɖinu emɔn blamiɛlɛ gɔdo gbigbɔ ɖeɖovo exe okpagbe edo nan mi ¹⁴ eyɔ enyi enu exe eyi ɖawan nan mi cinɔn elo yi ewɛ yi kɛmi ɖe Mawu kɛ amiloji kpikpan xan lɛ ni ɖe egigo mɛ ¹⁵ Eyɔ enan yɔnfe ɔ ilo se ise mitɔn nan osintɔ Yesu gɔdo vivɛ sise emɛn ɖeɖovo lɛ etɔnɔ , ¹⁶ ifɔn mɔn ɖe eɖɛ mɛ tegbɛ do mi takun zɔn ekpɛ ɖido ¹⁷ nan Mawu osintɔ Yesu Klisu , itɔ gigo nɔn , ni nan gbigbɔ nunyinyɔn gɔdo ɖewlɛ etɔn nyɔn Mawu ¹⁸ ni xun mi jimɛn okun lɛ nan mi , nan milo nyɔn inu nɔntekpɔn exe de oyrɔ etɔn mɛn , dɔkun gigotɔn e cinɔn etɔn exe eyi ɖo awan nan emɛn ɖeɖovo lɛ , ¹⁹ Enɛn mɛn mila nyɔn acɛ exe nɔn wa odɔn ɖe miɛlɛ emɛn ɖo nu ɖiɖi ni lɛ. ²⁰ acɛ gbogban enɛn eɖe xlɛ mi gɔdo igan etɔn ɖe gan exe mɛn efɔn Klisu lo wa egbɛ , mɔn yi sinɔn awan ɖe e aɖusimɛn ɖe gbigbɔmɛ ²¹ Hi nɛn ɔ Klisu ugan u iga lɛ tɛtɛ ; e ugan u igan lɛ tɛtɛ ; e ugan u acɛkpikpa tɛtɛ , e ugan u inugo kpetɔ lɛ tɛtɛ , eyi inugo kpikpe gbɛtɔ etɔn tɛtɛ , eyi inugo kpikpe gbɛtɔ etɔn tɛtɛ , e ugan wi gbɛ ego wa egbɛ exe mɛn xɛdɛ e ugan u inu lɛ ɖe e , vɔ e ugan u inu ɖe egbɛ exe suan lɔ mɛ ²² Mawu yi inu tɛtɛ iɖo ecɛ Klisu etɔn mɛn , mɔn yi do agun lɔ nugbɛn emɔn zun iga gbo ²³ Agun Mawu etɔn ɔ enyi Klisu etɔn Klisu exe e kpacɛ na egbɛ lɔ tɛtɛ zɔn agun ji