¹ Nɔvi lɛ Hwlɛngantɔ mitɔn Yesu Klisu é wiwa gɔdo bibɔ éxé mi na nɔ ɖ'ekɛ éxo ɔ, ela we lɔ na mi fan ganlɔ mɛ sɔgbe ; ² etɛn nyi mɛɖehwlɛn mɔ lɔ fan Mawu eyi edo esɛn zɔn unji, alo Ewɛn Ɖagbɛ jlatɔ lohwlɛn, alo emɔ lɔ na mi fan , mi mɔ wlan do xoma mɛ loxlan mi. Nɛ mise ixo enɛ lɛɛ ɔ mi nɔ do kinklɛn na mi ma nɔ yawu jo miɖée do nɛ mi ayi ni gba do ée, cicuwɔ ni ma hu mi e. ³ Mi ma yigbe n mɛti ni lo klɔmiɖu olɔkpa ti mɛ e, ɖo azan enɛ go wa feto gufɔn do emɛ go godo godo tɔn lɛ nɛ lo we yan e; e go na mɔ wa feto gbɛtɔ dida éxé kun ela dɔn lo sɔn ciclɔnmɛ, mɔ gukunna lɔla tɔn jɛ agba un gba e. ⁴ E go na yigbe gbɛtɔ lɛ ni lo sɛn inu éxé emɔ sɛn san e; e go na yigbe gbɛtɔ lɛ mɔ sɛn inu éxé eyi lo bayi mawu san ti e. E la kɔ eɖe jihwle na inu enɛ lɛ tɛtɛ, ma zɔn etɔnɛ gbɔn ma sinɔ awan ɖe nukplɔn xɔ Mawu etɔn mɛ, ma nɔ jla eɖe fan eyɛ nyi Mawu. ⁵ Mi gɔ nɔ flin fan gan éxé mɛ iɖe mikɛ ɔ, i nɔ ixo enɛ lɛ lɔ na mi tɔn ? ⁶ Eɖe etɔnɛ có, inu lohwlɛ mɔ ɖo inu enɛ lɛ te, mi mɔ nyɔ inulɔlɛ ganji. Enɛ wutu ɔ, gan éxé mɛ gbɛtɔ adanuwatɔ lɔ la tɔn jan e wa ho feto ni lo tɔn. ⁷ Adanu wiwa egan éxé ɖe inugɔ mɔ nɔwa idɔn. Vɔ feto inu enɛ lɛɛ la lo we jɔɔ, emɛ éxé hɛn gbɛtɔ adanuwatɔ lɔ dote jan e wa lɛgba. ⁸ Gan enɛ mɛ ɔ, gbɛtɔ adanuwatɔ lɔ la tɔn , Hwlɛngantɔ Yesu mɔ yi gbigbɔ éxé tɔn ɖe e kemɛ lo huí, mɔ yi kɔlɛlowa etɔn e kinklɛn lo gukun n'i. ⁹ Gbɛtɔ adanuwatɔ lɔ la wa gɔdo Satani e yigan, ma jlɛnu olɔkpa olɔkpa, ma bayi inu kpaca olɔkpa olɔkpa lɛ; vɔɔ, inu enɛ lɛ tí go nyi xojxo e. ¹⁰ E la wa inu nyinylan zɔn olɔkpa tɛtɛ mɛ, ma lo klɔ emɛ éxé la clɔn lɛ ɖu; e la clɔn, ɖo xojɔxo éxé la hwlɛngan lɔ e go ɖinu n'i e; gbɛ e go yi ewɛn lɔ fe gɔdo kandeji e , lo ɖo wannyinyi ti n'i e. ¹¹ Inu éxé wanu Mawu lo yi igan éxé dɔn emɛna elo wa ogɔjijɛenu loxlɛn wenɛ, enɛ ɔ, emɔ lo nɔ ɖo kandeji na awonɔxolɛ. ¹² Enɛ wutu ɔ, emɛ éxé godo nuɖiɖi na xojɔxolɔ lɛ, mɔ ɖo wannyinyi na inu masɔgbe wiwalɛ ɔ, e la ɖo kojo eyɛmɛ tɛtɛ. ¹³ Nɔvi lɛ, miɛlɛ emɛ éxé Mawu ɖo wannyinyi na lɛ ɔ, miɛlɛ ɖo wa nɔ do ekpɛ gan tɛtɛ mɛ na Mawu do mi takun. Ɖo Mawu ɖe mi ami lo nyi gbɛtɔ nukɔn nuɔn tɔn éxé ela hwlɛngan lɛ, zɔn gbigbɔ éxé na mi lo nyi etɔn lɔ gɔdo inuɖiɖi éxé mi ɖo na xojɔxo lɔ ji. ¹⁴ Inu enɛ lɔ ena Mawu lo ylɔ mi zɔn Ewɛn Ɖagbɛ éxé mi do mi lɔ mɛ, e ylɔ mi ami lo ɖo Kafu mi osintɔ Yesu Klisu etɔn. ¹⁵ Nɔvi lɛ, nɛnyifan eɖe etɔnɛ ɔ, mi hlɔn , mɔ hɛn inu éxé mi kplɔn mi lɛ do mi ayimɛ: éxé mi kplɔn mi zɔn ixo lilɔ mɛlɛ, alo éxé mi wlan loxlan mi lɛ. ¹⁶ Mi osinto Yesu Klisu tete gɔdo mi Mawu éxé ɖo wannyinyi nami , ni bayi ami nyi jidotɔ adodowe; ni na igan wu mi, ami lo bayi inu éxé nyi inu jijɔ, ɖe mi nuwiwa gɔdo mi xolilɔlɛ mɛ. ¹⁷ Mawu ena jidido magɔn magɔn gɔdo okunɖiɖo mɛmɛyi zɔn Majɛna etɔn mɛ.