¹ Mawu, lo zɔn e odɔmɛ kinkɔn go ɔ, e yi idɔn enɛ ido olɔmɛ na mi; enɛ wutu ɔ awakanmɛ go na ku mi e. ² Yɛmɛnu exe mi wa lɛ gɔdo inyanu exe mi bayi lɛɛ, mi jodo, mi go yi bibi iɖo mukɔn lo wa nu e. Mi go do takun do na Mawu xo lɔ e; hugan wu etɔnɛ ɔ, mi lɔ xojɔxo lɔ kɔn awan na emɛ tɛtɛ, emɔ nyɔ ɛn, enɛ ɔ gbɛtɔ lɛ tɛtɛ mɔ ɖe e ayixa mɛ ɖe mawu e nukɔn fan idɔn enɛ watɔ mi nyi. ³ Nɛ nyi fan Mawu xo exe mi mɔ jla lɛɛ do zivlu ɔ, e mɛ exe nɔ dɔnnu lɛɛ jɛ e wa do zivluna, ⁴ e go ɖinu na e, ɖo awovi mɔ kun okun gbigbɔmɛ tɔn nɛ, ɖo inumɛsɛn gbɛ exe mɛ tɔn lɛ go lon nu nɔ e la lo mɔ kiklɛn exe lɔ xo do ewɛn Ɖagbɛ exe loxo do susu e Klisu etɔn nɛ e. Klisu lɔ nyi akpajlɛMawu etɔn tete lɔ. ⁵ Ɖe xojɔxo mɛ ɔ, mi go mɔ jla miɛlɛ tete lɛɛ è: Klisu Yesu mi mɔ jla fan eyɔ ewa mɛwlɛngantɔ, mɔ nɔ jla mi ɖefa e ɖɔn wa vi minyɔ do Yesu wutu. ⁶ Mawu exe lɔ fan : kinklɛn mitɔn ɖe zivlumɛ ɔ, eyɔ lokpo lɔ ke e bayi e kinklɛn kɔn ɖe mi ayixalɛ mɛ, nɛ na mi lo ɖo munyinyɔ kinklɛn etɔn exenyigigon MAWU etɔn ɔ, susu Mawu etɔn éxé mɔ kɔn ɖe Klisu e nyikɔ mɛ ɔ. ⁷ Vɔɔ, miɛlɛ emɛ éxé si dɔkun yeziza etɔn ɖe mɛlɛɛ, ekɔzɛn ha mi ha, nɛ lo mɔ fan: hihlɔn gbo éxé nɛ ɔ, MAWU etɔn nɛ ego wa mi tɔn e. ⁸ Adangbo emɛ, hamɛ hamɛ lɛɛ mɔ glɔ mɔ na mi vɔ ego kpe migo e. Mi gɔ nyɔ kɛ mila wa i mu ɖo e. Vɔ imu tɛtɛ go gɔnɛ. ⁹ Emɔ saya na mi vɔ, Mawu go jo mi do e , emɔ zi mi ɖo vɔ, mi go dɔn e. ¹⁰ I ku Yesu etɔn ɖe agbazamɛ na mi, mi mɔ nɔ sɔn gɔ di tɛgbɛ, nɛ egbɛ fe nɛ lo ɖe eɖe hlɛ ɖe mi agbaza mɛ. ¹¹ Ɖe mi egbɛ mɛ ɔ, enɔ sin ikudan na mi tɛgbɛdo Yesu wutu, nɛ egbɛ nɛ lo ɖe eɖe xlɛ ɖe mi agbaza ɖawan na iku lɔ mɛ. ¹² Lo zɔ é nɛ mɛ ɔ, iku lo mɔ wa edɔn ɖe mi mɛ, egbe lɔ fe mɔ nɔ wa idɔn ɖe mi mɛ. ¹³ Ɖo Mawuxo xoma lɔ fan: "i ɖinu, enɛ wutu i lo lɔ xo" ɖe nuɖiɖi ayixa lokpo lo mɛ e lɛ ɖe , mi ɖinu , enɛ wutu mi lo lɔ xo. ¹⁴ ƉE xojɔxo mɛ ɔ, mi nyɔ MAWU éxé fɔn hwɛngbantɔ Yesu ɖe iku lo wa egbɛ e gbɛɔ la fɔn miɛlɛ lo wa egbɛ gɔdo YESU? ma bayi miɛlɛ gɔdi mɔ wa e nukɔn. ¹⁵ Ɖagbɛ mitɔn wutu inu enɛ lɛ lo jɔ, enɛ wutu ɔ, emɛ exe ji Majɛna Mawu etɔn kɛ lɛɛ mɔ kɔn ɖo ɔ, la ɖo nukɔnsisɔn, nɛ e ɖɛ éxé emɛ susu la mɔ xo, na ekpɛ olido na MAWU ɔ la mɔ ɖo mukɔn sisɔn okunkingbe okunkingbe na susu Mawu etɔn. ¹⁶ Inu exe wutu awakanmɛ go kumi e we nɛ. Inu éxé mi nyi ɖe agbaza mɛ tlɛ mɔ gblele ɔ inu exe mi nyi ɖe weziza mɛ ɔ mɔ nukɔnsu tɔn okunkɛngbe okunkɛngbe. ¹⁷ Vivɛ vile exe mi mɔ nɔ na ganhixo vile ɔ bayi susu magɔn magɔn ɖawan na mi, e m ɔ tunfla susu éxé nɛ ɔ e taji hugan vivɛ éxé mi mɔ se tɛn. ¹⁸ Ɖo inu exe okun mɔ mɔ ji go nɛmi a yi de e, vɔ, inu exe okun gomɔ e ji mi ayixa lɛɛ ɖe, ɖo enu exe okun mɔ gan xixo vile e lo na a wan na. Vɔ, inu exe okun go mɔ e ɔ e na awan kaka lo sɔn.