¹ Hun, iɖo wa nɔ kafu unɖe , vɔɔ ego jɔ hun e. Co tɛn la lɔ ixo kun do gbigbɔmɛ nu mimɔ gɔdo inuɖexlɛ exe Mawuna lɔ go. ² Inyɔ Klisusɛntɔ ɖehwlɛn, e mɔ bayi ixwe owienɛ tɛn elo kwɛ lo sɔn jihwleexe hugan wu jihwle lɛ tɛtɛ lɔ; gonyɔ na agbaza etɔn ekɔ lo su alo klan etɔneyi lo sɔn e, Mawulo kponɔ. ³ Ɖe xojɔxomɛ ɔ, inyɔ fan emɛ enɛ ɔ sɛxwetomɛ ekɔɛ lo sɔn; gɔ nɔ vɔlɔna mi fan go nyɔ na agbazamɛ alo gbigbɔmɛ ekwɛ zɔn e, Mawu lokponɔ gee enyɔ ɛn. ⁴ Dahwe enɛse ixo ego kpego alɔ gɔdo ixo éxé ego ɖe gbe na gbɛtɔ fan ni lɔ ɖe xienɛ. ⁵ La kafu unɖe dahwe enɛ wutu , ego wa inyɔ tete wutu gonɛ e, enɛ ɔ mɔ lo kpego mɔ ɖei nugo makpe untɔn lɛ jɛ agba un gba. ⁶ Nɛnyifan ijlo a kafu unɖe nɛ ɔgola jɛ xixi e, iɖo a lɔ xojɔxo. Vɔɔ, go nyiwan na unɖe kafu e; ɖo go din fan mɛti ni ɖo susu do ungo hugan wu inu éxé emɔ fan nɔ bayi alo inu éxé ese i mɔ lɔ e. ⁷ Eɖe etɔnɛ co, nɛnyifan goyiyi ni ma lo jwɔ un egbɛ zizanmɛna inu gbo o gbo éxé Mawu mɔ hun xlɔ le ɔ, e do ozɔn nyinylan lohwlɛn loxlan, ɖi ewɛn zangun lɛgba etɔn ha, e mɔ we xo, e mɔ na imɔ bu imɔ na goyiyi nɛ ma lo jwɔ un egbɛzan mɛ e. ⁸ Jɔ otɔn ji iɖe kuku na Mawu na ni lo ɖiosɛ ɖe vivɛsise enɛ lɔ mɛ. ⁹ Mawu mɔ yigbe na fan: "Majɛna untɔn gɔdo olɔgɔ untɔn e hudo oɖo ɖogan éxémɛ igan gɔnɖe ɔ eyɔ inyɔ un gan ɖe eɖexlɛ tɛtɛ. Enɛ me ɔ, iɖe gbesisɔmɛalo yi igan maɖo untɔn lo kafu unɖe gɔ do unji tɛtɛ, na igan klisu etɔn nɛ lo cɔn olɔ unji. ¹⁰ Enɛ lo na igan maɖo untɔn na jijwɛ wu do klisu wutu. Nɛnyifan enɔ zɔn do klisu wutu ɔ, ena jijwɛ wu; adan nɔ gbo do klisu wutu ɔ, e na jijwɔ wu; aya gɔdo cicwɔ éxé e dona do klisu wutu lɛ ɔ, ana jijwɔ wu; ɖo gan exemɛ idin gan gbɔɔ, igan enɛ eyɔ igan wa na. ¹¹ Lo lɔ xo ɖi xixi ibɛ ha; vɔ miɛlɛ go e sɔn; miɛlɛ e ɖo wa nɔ unji. Ɖo nɛnyifan igo tlɛ nyi nuti can le ɔ,e go hwe hugan wu emɛ éxé mi nɔ lo mɔ enyi lo xlan go lɛ ti e. ¹² I wa idɔn exe ɖexlɛ fan inyi emɛ yi loxlan tɔ lɛ ɖe mi cɛncɛn gɔdo ohiyɔji sisɔn: inu walɔ enɛ lɛ e nyi ɖexlɛ olɔkpa olɔkpa lɛ, inujijlɛ olɔkpa olɔkpa lɛ gɔdo amliman nu olɔkpa olɔkpa éxé Mawu bayi zɔn unji lɛ. ¹³ Amu iwa na ogun kpɔtwɛ lɛ gbɛ i go wa na mi, nɛnyifan e gonyi agba kpin kpɛn éxéigo nyi na mi e ? O gɔ enɛ éxé ijɛ do mi ɔ, mi yi i kiɔ. ¹⁴ I nyɔ we gɔ ɖe gbesisɔ gɔ lo zuwan mi kɛ jɔ otɔn gɔ , i go do a nyi agban mɔ kpɛn mi e, miɛlɛ nɔ din. Ixwa mitɔn gonɛ lo din e. Ɖe xojɔxo mɛ ɔ, vikpɛ lɛ gonɛ wa yi inuɖiɖo lɛlo tɔju wu emɛjitɔ etɔn lɛ e ; vɔɔ, emɛjitɔ lɛ e ɖo wa yi inuɖiɖo etɔn lɛ lo gbe kun do e vikpɛ lɛ. ¹⁵ Inyɔ ɔ, e la vivi na fan azan un nuɖiɖo lɛ gɔdo inyɔ tete lo do olɔ wu mi. Kɛn inyɔ ɖo wannyinyi na mi ɖo ɔ miɛlɛ fe go kpego wa nyi wan na emɛ etɔnɛ e nɛ ? ¹⁶ I go nyi agban lo kpɛn mi e xojɔxo e . Vɔɔ emɛ lohwlɛn lɛ la lɔ fan iyi ayi lo tlɛ mɔ na mi , mi mɔ jɛ emɛ. ¹⁷ Ixo kpaco zɔn emɛ éxé iyi loxlanmi lɛ leleji nɛ. ¹⁸ Iɖe kuku na TITU fan ni wa mi kɛ; iyi eyɔgɔdo nɔvi éxé mi nyɔ lɔ loxlan mi. Mi la lɔ fan TITU xo kpaco gɔdo mi nɛ ? Enyɔ gɔ TITU ɔ susu lokpo lɔ mɛ mi ɖe lo nɔ wanu, mɔ nɔ zan egbɛ mitɔn zɔn walɔ lokpo lɔ mɛ, alo etɔnɛ gonɛ sin ? ¹⁹ Mi nɔ ɖe susu ɖe miɖe lɛ mɛ fan mi la cɔn akpa na mi ɖe lɛ lo nyi emɛ kikɔn ɖe mi unkɔn ? Oo etɔnɛ gonɛ e, mi gonɔ din a cɔnkpa na miɖe lɛ e. Kɛn klisu din ɖo ɔ eyɔ mi nɔ lɔ xo do ɖe Mawu e unkɔn. Un emɛ vivɛ lɛ mi, mi nɔ lɔéxé lɛ na mi, na mi nuɖiɖi ni lo ɖo unkun sisɔn deji. ²⁰ Lo cuwɔ na gan éxé mɛ la wa mi kɛ ɔ a ma we mɔ miɖe kɛnigo jlo ɖo e , gbɛ miɛlɛ fe ni ma we mɔ inyɔ fe ɖe kɛn mi go jlo ɖo e. Lo cuwɔ fan gan exe mɛ la we wa do ɔ, e jlɛ gɔdo hwanlɔ lɛ la ɖe mi cɛncɛn; xomɛsin gɔdo ahwan la ɖe mi cɛncɛn; emɛ zun gɔdo ixo ma jɛ ganji lɛ, goyiyi gɔdo inu kanya kanya wiwa lɛ la ɖe mi cɛncɛn. ²¹ Lo cuwɔ fan mikɛ éxé gɔ zun wan tɛn ɔ, un Mawu la yiu yi hwe ɖe mi unkɔn; inyɔ ma vi avi do takun na gbɛtɔ susu éxé mɔ jɛ ehwɛmɛ xoxo lɛ, gbɛ ego lɛkɔ ɖe inu nyinylan wiwa agalilɔ, lɛ lo, gɔdo inu ma sɔgbe éxé e mɔ wa lɛ takun.