¹ Nɔvi lɛ mi, xonugbo ɔ, igo kpego lo lɔ xo na mi ɖi emɛ éxé ɖo gbigbɔ Mawu etɔn ha e . I Lɔ xo na mi ɖikɛn ewa lɔ xo na emɛ exe nyi egbɛ lɔ etɔn lɛ ha mɔɖe, kɛn ewa lɔxo na emɛ exe nyi ivi mɛyɛ ɖe kpwɛ éxé gɔ Yesu ɔ mɛ lɛ ɖo ha ɔ, eyi ilɔ xo na mi ɖo. ² Onɔ sin ina mi , ego wa nuɖuɖu sinsiɛn e; ɖo mi go kpégo e, kaka lo jɛ egbe tɛn fe ɔ, mi go kpego fée, ³ ɖo mi gbɛkpo nɔ zan mi egbɛ lɛ ɖi gbɛtɔ éxé ɖe egbɛlɔmɛ lɛ ha mɔɖe. Ganéxémɛ mi gbɛkpo nɛ wa hwanlɔ mɔ nɔ wa ejlɛ ɖe miɖelɛmɛ ɔ, ɖego nɛ minɔ ɖexlɛ egbɛ lɔ fan egbɛ lɔ etɔn eyɛ nyi enɛ? Mi nɔ bayi nu ɖi emɛ kpa lɛ mɔɖe? ⁴ Exé gbɛtɔ ɖehwlɛn lɔ fan éyɛ nyi Pɔlu etɔn. mɛbulɛ fe mɔ lɔ fan eyɛ nyi Apolosu etɔn, inu gonɛ mi nɔ wa ɖi gbɛtɔ kpa lɛ mɔde. ⁵ Ixo éxé wa kanse wu mi ɔ, emɛ nyi Apolosu? emɛ nyi Pɔlu? Idɔnwatɔ Mawu etɔn éxé ji Mawu zɔn lo ylɔ mi, mi mɔ ɖinu ɔ , eyɔ mi nyi kpowun; idɔn éxé Mawu zɔn lokpo lokpo mitɔn éyɔ mi nɔ wa. ⁶ Inyɔ eyi edo otin lɔ, Apolosu mɔ hu esin ni, Mawu e mɔ na elo hwɛn. ⁷ Hun emɛ éxé do otin fe godo emɛ éxé hu esin ni ɔ ego nyi inu tie; Mawu e nyi nu tɛtɛ lɔ, ɖo eyɔ ebayi otin lɔ lo hwɛn. ⁸ Emɛ éxé do otin gɔ emɛ éxé hu esin ni ɔ zinzin eɖe. Mɛ lokpo lokpwe la mɔ kɛn ewa nu ɖo ɔ e ale ɖe Mawu kɛ. ⁹ Ɖo idɔn eyɔ mi wa do kpwɛ na Mawu. Mi mɔ nyi igle na Mawu ,mɔ gɔ nyi Mawu exo. ¹⁰ I wa dɔn ɖi adomɛtɔ éxé nunyinyɔ kpe ɔ ha mɔde mɔ do ihɔ lɔ do ganji. Ɖikɛn Mawu na e nunina wu ɖo ɔ ha, tɛn ɔ, mɛbu mɔnɔ ɖo ado deji, vɔ mɛ lokpo lokpo ɖo la hin ayi do kɛn enɔ ɖo ado deji ɖo ɔ go. ¹¹ Ɖo emɔ do ado lɔ do Yesu enyi ado dodowe enɛ lɔ, gbɛ mɛti gɔ kpɛ go wa do ado bu do e. ¹² Mɛbu lɛ yi sika, alo ekpɛn xɔ hwa lo ɖo ado do ado dodowe lɔ ji, mɛbu lɛ mɔ zan otin alo esɛ alo nukan, vɔ Mawu e azan eyi ewa ɖe kɛn mɛ lokpo lokpo e dɔn ɖe ɔ mɔ yi xlɛ emɔ jɛ govɛ. ¹³ Xonugbo ɔ, azan enɛ la wa gɔdo izo , izo lɔ mɔ we gbeje idɔn éxé mɛ lokpoe wa ɔ kpɔn; emɔ ɖe idɔn exé enyi ɔ i xlɛ. ¹⁴ Nɛ mɛlélé edɔn ɖé ado dodoe lɔ ji mɔ ɖeté ɔ, é la mɔ alé mɔ yi ɖe Mawu si. ¹⁵ Nɛ mɛlélé edɔn fyɔ ɖe izo lɔ mɛɔ , emɛ enɛ go na mɔ ale ti mɔ yi ɖe Mawu si. Eɖe etɔnɛ co, mɛ enɛ fe la mɔ hwlɛngan ɖi emɛ éxé zɔ zomɛ mɔ gan ɔ ha. ¹⁶ Mi nyɔ fan cɔci xɔ Mawu etɔn mi nyi; Mawu e gbigbɔ mɔ ɖe mi mɛ. ¹⁷ Xonugbo ɔ, nɛnyifan mɛlélé mu cɔcixɔ Mawu étɔn ɔ, Mawu la gblé egbɛdo ni. Ɖo cɔcixɔ Mawu etɔn ɔ inu kinkɔn enyi. Miɛlɛ emɔ nyi cɔcixɔ Mawu etɔn ɔ. ¹⁸ Mɛti ni ma klɔ eɖeɖue. Nɛ mɛlélé ɖe mimɛ nɛ inu éxé gbɛtɔ lɛ ylɔ fan nunyinyɔ eɖesi ɔ, emɔ nɔ lɔ fan eyɛ ɖo nunyinyɔ ɔ; emɛ enɛ ɔ ni mɔ tlɔzun lulunɔ lo kpego lo ɖo nunyinyɔ tetelɔ. ¹⁹ Nunyinyɔ egbɛ éxé tɔ tɔn ɔ lulu enyi ɖe Mawu e okunmɛ.Xonugbo ɔ, Mawuxo xoma lɔ fan nunyɔtɔ lɛ ɔ, kinklɛn etɔn tété ɔ, eyɔ mawu lo wli. ²⁰ Mawuxo xoma gɔ lɔ fan: Mawu nyɔ faninu nyɔtɔ lɛ ɔ, e susu go nyi nuti e. ²¹ Eɖe étɔnɛ ɔ, mɛti go na ɖeji do gbɛtɔ go e. Ɖo nutɛtɛ e nyi mitɔn; ²² Pɔlu nɛɛ Apolosu alo Sefasi nɛɛ, wɛkɛ ɔ nɛɛ, egbɛ nɛɛ, iku nɛɛ, tɛn alo isɔ éxé zwan ɔ nɛɛ, nu tɛtɛ nyi mitɔn. ²³ Vɔ ɔ, miɛlɛ Yesu étɔn eyɔ mi nyi, Yesu mɔ nyi Mawu étɔn.