¹ angiako, ntumu e Nziame ya ntsuiee a me nzia yi madia mama wama, ekene ti mankuanu ma muta ntsee, ya mayi kuke kiri ki kibu ngumu bo Nziame mpe ya muana imimi. ² Ya chabu ankara muchono bubu la bu bunene. Ngu yangu eke nzia enene eke ani muti wu mawama, nde ekü ebiu mbie nkumi a wie yi mitini a mitini mpe nsuü nde eso ekü eburu mbie nsoo bitiri e muti eso eke ewa mawama a la bara bo baso ki mu mukiri. ³ Nde abi kawe ya itunu tôo ya ipiôo. Kuobu kiri kibu Mfumu bo Nziame mpe ya muana imimi eka mubula bubu nene mpe bo bara ba isali ba ya muchar a la nde. ⁴ Amono busu bonde mpe nkumu ende ekaa mu busu bobo. ⁵ Mpibi eka we; bo bakawe ya nzaa libaa le mbaa tôa libaa le muili, kuobu Mfumu Nziame akalibaa li lekene munkara bo, lama lende lekalie impuni à impeini. ⁶ Ntumu e Nzaime yandie a la me : "Ma ndo ma somana make ma ibimi mpe ma ke mubo. Mfumu Nziame ebitsui bi ba ntshuu, ya tuimi ntumu e nde kuobu a ya suôo a la bo bara ba nde ba isali moma mayia kua-kua, too mamayia muli." ⁷ "Taa, me ye yia munu muli ! Limutuono nde webu ekiuu ma ma mukana esowu maba kome mu intshui e Nziame." ⁸ Me, Za (Jean), me nke muru we yûu mpe we muene mando maso mana. Mu inae yuu me mubu mpe ya muene, me ya ngini mankunu buoo anku emü me ntumu e Nziame kuobu me mutuono, a la ntumu eso entsuie mando ma so. ⁹ Nde ya ndie : "Kasa mubo ! Me nkee mbuni e nze wu isali mundo e nzi, mundoo ba ndu banze ba ba bôoo bo bake ntsuu mpe ya bo baso ba ba kikiuu maluo ma ba kome mumukana eso wu. Lituono Nziame !" ¹⁰ Nde ya ndie : "Ka luiee mando momaso ba kome mumu kana eso wu; kuobu ntôo ebene eyiwu a nkua-nkua. ¹¹ Webu akü kaya nawe, nde aya saa ma asisi nde kuobu obu akaka yana. Nde eso esisa mamabi ayiaa kobunu ma mabi. Nde we esisa ma mabue a ay sa onde ntôo yeso mamake mama bwe. Nde wuke yana mundo e Nziame, aya sa mamake mundo e Nziame." ¹² "Ta, me ya ngingi muru mulibu ! Me e furu muru-ya muru mubi sali bende. ¹³ Me nke we beü mpe we ntôo, mpe nki we tere mpe we ngole, we buü mukiri mpe we mana momaso ma mukiri. ¹⁴ Limutuono nde webu eturi bikobe nde kuobu nde abôo nzee yi odia muti e mama wama mpe asomo mu nkara bula bubunene mu mungua mbe e nzô. ¹⁵ Libasa o nzü ba mbua, bo baso basisa mando ma mbini, bobaso du-duu bara, bobaso batita bibuili, bobaso ba sisa ma ba nziami ba bitiôo, ya bobaso ba kuini ma mpia tsee bobaso basia o nzüi. ¹⁶ Me, Yesu, me ya ntumi ntumu eme ayia lilie mando maa ibini ma matü mu manzo ma Nziame. Me we tûùu mpe muba nkôo ba DAVID, mpara muli ewuwa libaa mu ipali. ¹⁷ Itsui mpe mukara mabili ya lie : "Yiaa !" nde we bu eke e yiuu ya lie : "Yia !" nde we bu ani mpio madia, nde a yia, mpe nde webu nkuiri ayia ngua madia mabu nde asumu we mo make madia ma mawama. ¹⁸ Me ndindie ibini a la muru ndeso we yiyûu malio momaso ba kome mumu kana : kiu muru mumo niuu ilo imo, Nziame a miuu ma mpari momaso ba kome mu nkara mukana. ¹⁹ Kiri muru mumo kioo ilo imo mu momaso ba ko me mumu kana, Nziame aki kiôo a la nde ndama ekaba efa mu muti wu mawama mpe bula bubu nene bu bubue, bu bakome mu mukina mesomi. ²⁰ Nde we lie mando maso ma yalie :"ibimi, me yia munu liluio-li !" oka kobunu ! yia, Mfumu Yesu ! ²¹ Mambue ma Mfumu Yesu maka ya biene bo baso ! oka bunu.