¹ Mulibu, yu liliyanu mpe ya mana mamayanu, kuobu yu lieke lietere mpe ya mana make matere eke madimu, mpe nzia enene ekekeyowe. ² Meya mone bula bubunene bubuwene mambi, bula bubuyanu Jérusalem, bubuyisuru bofi iyu ala Nziame, bayilu anka buba yiyulu mukara wudedele muluime nde emabeli. ³ Meya ngiu muru mumo eta ibee ndo ende ititiyu ku kiri kinene kibuMfumu elie kobo : "Taa ! bula bo Nziame to kuke Nziame eka bara babke ya madia ya makii mpe nde aka ya bo ina kieso. Bo baka bara bande mpe Nziame nde ngako aka ya bo mpe nde aka Nziame ebo. ⁴ Nde abakuomo nsia ebo emiu yeso mpe lifii lika lowe, ale okawe, mampari makawe, mpe ofunu mamabi makawe. kuobu mando mantama ya maluiri :" ⁵ Nde we sewo mukiri kibu Mfumu ya lie : "Taa, muli meyansi bilo bibeso bie biyanu." Nde ya lie : "komo mando masomana make mayibini mpe mayana." ⁶ Nde ya ndie : "bilo biso bi biba kiri ! Me nke muru etere mpe we nto, wu be mpe wumani. Nga mpio ugua, me muwa madia ma ugua ebu nde asumu we mamafa kumutsui emue mawama. ⁷ We bu bi isa mubilo besobi mpe me eka Nziame e nde, mpe nde aka muana a me. ⁸ Mulibu bara ba mukikio mando ma Nziame, bara bamu nu bubara buomo, bara ba mando ma mabi, balio, babadodu bara, babatita bibuili, babasisama ba Nziame ba bitio, mpe bobaso ba nga mampia, mbo ebo ike kudunu lie mba lilemunu mfumfa. Li lini like limfu lie wue." ⁹ Mumo mubo nsiama ba ntumu yayi kukeme, nde weke ya makobo nsiama mabu eke mampari nsiama ma iluile, mpe ya ndie ku keme : "Yaa a kia, me usuo a la nze mukara mabeli, mukali a muana imeme." ¹⁰ Muli, nde ya mbiri mu itsui e nde mpe ungia lama li linene mpe ya tsue bula bubunene bu bubue, Jérusalem, ya buyisuru bufi kuyu a la Nziame. ¹¹ Jérusalem ake ani bise biuluru befi a la Nziame, mpe ekene e nde eke anka bilo betsi bibibue, anka mankuanu ma muta, kunakunu mafiani mankuanu na Jaspe. ¹² Bula boso eke basi iko kile mpe kinene mpe eke a nimiguambei kuimi a mie mpe eke a ni bantumu ba Nziame kuimi a bue mu mugua mbei. Mankumu ma bana ba Israël eke ba fakomo mu migua mbei. ¹³ Eke migua-mbei mituru kue tu tu muili, migua-mbei mituru u kuoli iluimi, migua-mbei mituru u kuo li ikali, migua-mbei mituru kue elela muili. ¹⁴ Ikoo ki bula boso eke bakome mankumu kuimi a mue mpe mankumu kuimi a mue bakome eke mankumu kuimi a mue ma ntumu ba muana imeme. ¹⁵ Ntumu e Nziame emomo yame eke ekuari muti wumubue (We or) kuyie bula bu bunene, migua-mbei mi bula mpe ya iko eso ki bula. ¹⁶ Bula boso bubunene ek mutini mumo, bule ya bufü boke mutini mumo. Bubatitio bunene bubula mu mü bule, bufü mpe ya mutini eneme kungie biobeso beke mutini mumo 2.000 stades. ¹⁷ Anzia ngue yatangi lipon : Bule bo lo ba kungie tü kunsi mio 144. Ntumu e Nziame atangi mutini etatanga ba bo. ¹⁸ Iko eso batui mu mankunu na yaspe; mpe bula boso boboso bunene batui mu or lie li bie li bintia bi bibi. ¹⁹ Uba utu bibio bilipon (Fondation) bieke mu mankunu momaso ma bie. Mankunu kuimi a mie : Yaspe, wu yü ya nkuru etere, we wue ku Saphir, we turu ku Agate, we na ku EMERAUDE, ²⁰ We tana ku SARDONYX, we samu ku SARDOINE, we nsiame ku CHRYSOLITHE, we mpiomo ku BERYL, we waa ku TOPAZE, we kuimi ku AMETHYSTE. ²¹ Migua-mbei kuimi ya wie basia mu mayaka kuimi ya mie, migua-mbei mumo bakiri mu liyaka limo. Manzie to mabalabala ma bula ba ke mu or lie libie, anka bintia bie wilü. ²² Me emone we nsa nzo e Nziame mo mu bula boso bubunene to bubu bie ndobu Mfumu Nziame ngai mfu yoso mpe ake bo ende ebu mambi mo we. ²³ Bula buso bubumene boke we ya mpio mui to nsui ndo usuo bula ndo nki bise bi uluru bie Nziame eke bekene mu nkari bo mpe mbaa ende eke muana imeme. ²⁴ Bra balui luiri mu lipaa li bula boso bu bunene. Ba mfumu ba mukili ba ba biri bu mvuama bobo. ²⁵ Migua-mbei bakuru mu muli pe mpibe eka we. ²⁶ Bula boso bu bunene bowu lokumu mpe bumvuama bu bikolo bio beso. ²⁷ Mpe ilo ki ibi to kie mbini eso esomo we kuko. Muru wusia ndo bufuru too nga ma mpia asomo we, muli baba somo kaka babu mankumu ma bo bakome mu mukana ma wama ma muana imeme.