¹ Angia ngue mando maso mana, meya ngiu ibui ebara babie kukara ngie au yûu ba lie kobo : "Oka bunu, Nziame we ewuwa mawama, likunu ya mfu e nde efufa a la Nziame tara biu. ² Otshiri mando mande makika ibini mpe yana, ndo ebu ki tshiri mando ma mukara mumo e ntabuli munene we ta tshamu mukili tshini mu bibuli be nde. Nde ya muwi itumu mu bibuli be nde ku a diu ba basisa Nziame." ³ Bo ba babili bali ye yue ya lie : "Ika bunu ! Miyu me furu a la nde ba nvu ya ba nu. " ⁴ Ba nanu maku mue ya bana mpe ya bara bana ba mwe ya bafini manku nu buo mpe ya basmi Nziami webu eki esiu angia kiri ende kibu Mfumu. Bo balie : "Oka bunu. Ofiri bunu ! " ⁵ Muli ndomo yitûu munkara kiri kibu Mfumu ya ilie : "Limutuono Nziame e biu, biene baso bara ba nde ba isali, biene ba limu wuwa liziri, nsa bara baba nene to bara mpama." ⁶ Angia ngue me ya ngiu ndo mo enka yi ifani ya ibui ebara, mutini mumo ya bu ekuku mue mpe inka mbuobo ye etutu mu bipara elie : Oka bunu ! Kuobu Mfumu Nziame kie, Nziame kie mu bilo biobeso. ⁷ Livunu bibaso lika mu ise, mpe li muwa likumu kuobu mabili ma muana imemi ya mabeno, mpe mulu ma nde eyilu mafi. ⁸ Nde eki ba muwi nzi obuara biko bibi bwe biwe mpe bi bekikene" (Kuobu biko beso bibibwe biki bisali bibibwe be bara ba yana). ⁹ Ntumue Nziame ya die : "Komo mama ise eki e la bara bababio mu mabeli ma muana imimi". Nde ya ndie furu : "Ma mana maki mando ma ibini ma tara Nziame." ¹⁰ Me ya ntini mabuo anku e nde ku emusama, muli nde ya ndie : "Kasa mu bo ! Me nki mbuni e nze esisa ya nde mpe wu ba ndo banze ba baboo ba ba lulue ma ekiri Yesu. Sama tara Nziami, kuobu ma elie Yesu, iki itsi ki ifuta a la ba ntumu." ¹¹ angia nguele, me ya mone yiu bafü, mpe me ya ntü mpe eki ani mpunu e bie ! wu eleri angia mpunu eso ba mubi biu muru eyana mpe wu mu bue. Mpe nde atshitshiri mando ma bara yana a la baba yiyi bo ma nuana. ¹² Miu me bo miki anka lilimi le mba, mpe mutshu e nde maki ani mampu ma bu Mfumu. Akie ani nkunu bakome a la nde ebu muru ekiu oyiaba ndewe nkumu eso eyiabi nde ngako. ¹³ nde eki ebuari iko ki ile (Nzambala) ki ba tshuibi mu nkara maki mpe ba mubiu malio ma Nziame. ¹⁴ Ba mbuimbui baku yiu eki bamu na ma angia ba mpuru ba bie, mpe ba buari biko be ise me be bie. ¹⁵ Mu munua ende mbiele enga mpii ya itûu yeso eduu bara bobaso ba mukili mpe muti eye ibene akuara nde aka anilama. Nde atibi kobu le mâa ma mpuru ma nkini e Nziame e ntu yo eso. ¹⁶ Aki mu iko ende mpe mumu yini e nde bakome nkumu mo : "Mukuru e ba kuru mpe Mfumu e ba Mfumu bobaso." ¹⁷ Me ya mone Angelu e Nziame e tshubu mu nkara muli. Nde e bulu ku nkara ngie o la ba nini ba pupumu mu bitiu : "Liya, livunu biene baso mundo ibo e Nziame. ¹⁸ Liya liyadia musunu e Mfumu e munene, liya liyadia musunu e Mfumu we ewuwa miki, misunu be bara banza ngo, misunu me ba mpunu mpe ya misunu me baba bibiri ba mpunu, mpe ya misunu me bara baba wiene ya ndo mpe ya misunu me bambale, bara baba wene ya funu ya mie banga ngo." ¹⁹ Me ya mone niama ya ba Mfumu ba mana ani ba mbuimbui ba bo. Bo bavinu kuya bita (Guere) a la we esiu angia mpunu mpe ya ba mbui mbui ba nde. ²⁰ Niama ya ba musimi mpe ya nde, ba nsamu nsia ba ma mpia ba titi bilimi a mio me nde. Ya bilimi bini eki nfiri mampia a la babakie ya bilimi be niama mpe baba siami ilimi e nde. Bo bue ya babawele ya baba tebi ku nkara indiu e mba mpe ya kumono mpari. ²¹ Bo babasiali ya babadiu mu nkara mbiele a la baba siu angia mpunu. Ba nini bobaso ya bali misunu.