¹ Angia bilo beso, me ya muene ntumu mukini wu fi oyu. Nde ake ya bonfumu tse mpe mukiri mfu ekefi mungoe ende. ² Nde angemi okarangie mpe ya lie :"Nde yalo ! Nde ya lo mubula bunene bo BABYLONE ya buloe ! ya buyu bula buba nfu ya mando momaso ma mabi mpe ya buyu bula bu banini bo baso ba babi mpe ya banini ba mbini. ³ Kuobu bara bobaso ba bake mukiri nsini eke banui mâa mamabi mbui bende. Banfumu ba munsi eke baluiri ya nde : Kuobu nde ake ininvana tse, bara bobaso ba ba tita inkiri, ba biao nzimi tse ndo nde." ⁴ Angia ngoé, me ya ngiu ndo yi nkimi yi fü oyu elie : "Lituu mumbu ake nde bara ba me, ndo kuobu biene likau likabu li masumu mande, mpe likabo itumu ki awu nde. ⁵ Masumu mande mamuini tii oyu mpe Nziame e fini mando a kikirinde ma mabi. ⁶ Li mofiri mambi mande momaso ma lisisi nde, mando mo maso ma lisisi nde li mofiri omo mbala wie; mukobo beso anvinviu nde, biene linvu mbala wie a lande. ⁷ Nde eke esini bisamu mpe nde alie yebu me eni libôo tse, muli biene limusa aka kobu unu aka ya ma mpari mpe ya ngebe. Kuobu nde a fifini kobo kunsi muko : ! Me siwu anka Mfumu mukara; ⁸ me ke ka mu nfumbe, mpe me kawe anka nfi muru. Mu mutineso wunu, munsu limo, mambi mande ma ya mo fifiri : Linfu, onfü, mpe nza. Nde adiu mbâa kuobu Mfumu Nziame ake nfu nse yi luru, mpe nde ake we nsinsiri mando mande." ⁹ Ba Mfumu ba nene ba munsimu ekeba tü bimbui ya nde mpe nde ke yu mukia bôo ba lili mpe oli ebôo eka tse bu bamono miyu memba mi adidui nde. ¹⁰ Bôo bansubu ntama, bôo ba mono ndo mutini mukimi mu mpari mayi nde mpe babie : "Ngebe ! ngebe ! mubula bunene, Babylone, bula bunene bo wini nsia ! Kuobu mu ntôo ya kuiu mwa nze itumu." ¹¹ Ba nta ekiri ba munsi mu ba lili mpe baka eni bunfu mbe mundo eso kuobu muru mu mowe wesumu bilo be boo : ¹² Bilo be nsuiri, bilo binta tse, or, makuano ma mabue, mbui, biko bibue bi molini ya motini, miti mibue mpe ya me ngama nkiri, bilo bakiri mukara mansieme nzo, buonze to bibene bi bikimi to muma kuono ma yana; ¹³ Bilo bi wuwa bilo ise, me mankini, botsuabe, ya mâa mabue, mili, mfu bipari, mbie embue, bana bamama, mpe ya bana bimeme, bana ba ngamo, ya bipuo, bangama ya bara ba mue ba kuari. ¹⁴ Mbie yeso ekuini nze munfu nze yeso eyu ntama ya nze. Bilo biebeso bibibue ba kuikuini nze bemi minu, libôo le nze ya bilobe nze biebeso bibe, mpe nze ebu bibao we. ¹⁵ Bara bo baso ba biao libôo mu ikiri mu bula bunene Babylone bôo ndo motini mukimi bayu ngebe mundo mapari ma mayi bôo bansubu ntama mpe bayu muli kobo okarangie. ¹⁶ Bo balie kobo : "Ngebe ! nge ! mu bula bunene Babylone ba buari biko bibue, biko be nta nse bue motini ya motini, bilo or, makuano manta, ya nzimi embiu, ya nsinsia. ¹⁷ Mpe muntoo mo, libo loleso ya bilo a abi biao ya binsamu" Bara bo baso banzunzu bibe, ya bara bo baso ba wiwe mu bibe, ya basisa mu bibe mpe ya bara bo boso basiwu ankua ankua nzia enene ba ka ntama. ¹⁸ Bu bamono bo miyu meba adiudiu nde ya bayu mungama onkarangie. Bo yayu mulie : "Kibu la bu nene bu fani anka bula boso bu nene bu ?" ¹⁹ Bôo iba ewiri muto angia minsui mebo mpe ya yu muli okarangie mpe ya ngebe yeso :"Ngebe ! ngebe ! mu bula bu nene bara lie bo bangoko ya linsamu loleso kobunu. Kuobu muntoo mo biebeso ya binfi pia." ²⁰ "Lika ya ise tse, nze yu, ka ese tse bula boso bunene Babylone ya bunfi, biene bara babue, ba nsu, mpe bansamu nsia banziamo, lika ya ise ndobu Nziame ya liwi a la biene ndobu nde ya yu etumu ku bula bunene Babylone !" ²¹ Ntumu e Nziame enga nfu tse ya sini kuano enene mpe ya tibi mukara nzia enene mpe yalie : "Mu mutini esowunu mutini, ba tibi bula bunene, bo Babylone, nsa ndma bola boso bunene Babylone le bu mono we. ²² Ba buyu we ku kenze bara ba tita bisiame, nsa babiri ngueme, iniao, mupara, bintiene antiene, mviamvi bibini biebeso ku kenze. Nsa mu nsuili mumo ekikiri bisa a bukawe ku kenze, mu nguamba onsua bi pari ya masia a bu kawe a la nze. ²³ Limbara le mba le kene we a la nze, bayu we nsa ido ebôo yi mukara, kuobu ba inta inkiri eke baluiire bara ba baso, nze nganko eke nfuru mampia a la bara ba minua nsini mu buti bonze. ²⁴ Mpe alande maki ma bansu mpe baki kiu ya ma bamuene a la nde mpe maki ma bara baduiu munsimu."