¹ Bana tsee basi mando ma ba kuini bo, mutuni bu bakome bo mu makasi mo maso ma mabuini mpe makuie a kara biu, ² Mu ima le fulie bui ma maluiré a tere tere, bake akôo ibini mpe ya bayu ba basia mando ma Nziame. ³ mulibu, me mpe ya mwene yana mundo ofu ibini ku insini mpe ndo okomo ndo nze, ya libio wu batiumi muru mubue Théophile. ⁴ Me kuini mpe nze yiala mando ma ibini ma basue nze mpe ma we nze. ⁵ Muntôo elu Herode akeke mfumu Judée, eke eni nga Nzime la bui ZACHARIE, nde ekeke mu ibui ki ba nga ba Nziame DABIA. Mukianda ake mukana Aaron, Muli nkumu nde eke Elisabeth. ⁶ Bobue lake lara la bue anku Nziame, bo la laluluene yama mando momaso a ba tutuimi Nfiamu. ⁷ Muli bobue mwana we mundobu Elisabeth a bui muburu miana esokini. ⁸ Nsu limo Zachiri esa se isia ende enga Nziame anku Nziame. ⁹ Eke nsu lende lisia lu osa, mu mutini bu nkôo bolo SACERDOCE, wu la pone ebu nga Nziame. ¹⁰ wesa, nde ba pomne mukara ibui mundo ku Asome munzo Nziame mundo ku bansumu bu nsuabe (ENCENS). ¹¹ Ntumu enziami, ya yinsumbu mukuo kimuluini a bu bansuinsuini lonsuale. ¹² Bu amuene ntumu Nziame, Zacharie ya bari buomo mpe ya yu mu ofumu. ¹³ Muli ntumu enziame ya mulie: "ka bana buome, Zacharis, ndoki Nziame iyu osama onze, mukia nze Elisabeth a buru mwana bôo mpe nze mwana nkumu nde Jean(Za). ¹⁴ Nde aka mundo nze ndo ise mpe nze ekumu tsée, mpe ntsée baka ya ise mu ba buru nde. ¹⁵ Nde aka muru munene aku e Mfumu Nziame, Nde a ngua we mâo nsa mâo mopuru nde aka ya ensui e Nziame tsée munduru nde ba ya kende mudumu le nguande. ¹⁶ Mpe ba Israelites tsû ba furu a la Mfumu Nziame. ¹⁷ bo baluru a ku Nziame ya insui mpe ya ngôo Elie, Mundo oya firi mikôo mi nbatara a la ban bo bôo mpe onsua bara bango munsuibo mundo ku baburu bo mundo makani ma bara ba kuiu, mundo ku la lasuo a la Mfumu muru esowu wu bayilu. ¹⁸ Zachari ya la ntumu enziame: "Me yaba ki motini? ndobu me ke mununu mpe mukiome ba nvu ba nde ba fiere tsèe." ¹⁹ Ntumu e Nziame ya mofiri: "me ke Ntumu Nziame Gabriel we kaka au ku Nziame. ²⁰ Oke yama, nze efu muru ebu a bibi we, nze ebubi we tïi nsu liso li kunu ndo oki nze kiu we mando olie me mamaku mu ina eso." ²¹ Bana bande Zancharie mpe bara ya mune ndo obu bara ba mono mono we ya ba lame tsèe ku ba bawuwa mafuru. ²² mu ina atuini nde a bubi a bu kuku we olia a la bo, lo mpe ya bayabi eko ba bore nzue a buso ba wuwa mofuru. Nde yu oliya bôo mu osuo mili mpe yayu muru eme bibi. ²³ Buolu ina ende kisia fa efi, nde ya yifuru ku a la nde. ²⁴ Anzioko, mu ntôo nsi mukiande Elisabeth ya we yimi. Angoe ensui tana yayu mu alue eyimi nde yayu mulie nde ngako: ²⁵ " ta ndo nsi Nziame alame; nde ya nti a la me yan nzuiu ngebe a la me ana ma sia bonfuru aku la bôo." ²⁶ mulito mussui esamo eyimi lende, ntumu Nziame Gabriël wa tuini Nziame mu bela bunene bo Gabriël Nkumu alo Nazareth, ²⁷ A la mwana mukara ebu ayibi we a bu babôo we kuini a bâa bôo abu nkuru Joseph, mukana le David. Muna mukara eso ebu yabi we abu ba bôo nkumu Marie. ²⁸ Nde yayi akua nde mpe ya mulie: "Buere nze, me wi si Nziame kuo tsèe, Nziame akeya me." ²⁹ buayu nde mando maso mukôo ende ya lamu tsèe mpe nde ya biu ofu ndoso efi kuini. ³⁰ Ntumu Nziame ya mulie: "Kabara buomo, Marie, Ndoki nze Nziame osikuo a la nze. ³¹ Ta nze abo mwana ebôo mpe mwana nkumu Yesu. ³² Nde aka muru munene nde mobui mwana we bôo wu munene luiri bara bo baso. Mfumu Nziame a owa bo nfumu bo David buo bankôo lande. ³³ nde asuire mpini nsu loleso menzo Jacob mpe nfumu bonde bofa we." ³⁴ Marie ya bie a la ntumu Nziame: "Yiyini eluru kimu lini elu ma ngiabi we bôo?" ³⁵ Ntumu Nziame ya mufiri mpe ya mulie: "I nsui e Nziame esuru a la nze mpe ngôo ongie tsèe yu fu a lanze ndo obu mwana eso ba buru urenu aka yimbi amani sawe, nde babui mwana bôo E Nziame. ³⁶ Mpeta ebuiri nze Elisabeth, kewe mwana munzue mulie ntumu, ³⁷ Ndoki yebu Nzime sa akiri we yo we." ³⁸ Marie ya malie: Me ke wesisia Mfumu. Mamoso maburu mu nde me make ya makani manze!" Akiani ntumu E Nziame ya musiu. ³⁹ Mu ntôo esoni Marie ya nsuiri ya wini mubula bu mo mukiri lame li bayuda. ⁴⁰ Nde ya ofuru onzo Zachari mpe ya wi mbuere a la Zacari. ⁴¹ Bu ayu Elisabeth buere Amuwi. Marie mwana mundumu ya ngui. Elisabet esui e Nziame ya luiu a kara nde. ⁴² Mpe nde ya ngemi o kara ngie " Nzo Nzieme ya poni a kara bo baso mpe mwana nze ke mudumu ya ba mu luero. ⁴³ Ki motini ndo eso yitu ngua Nziame yitu a la me? ⁴⁴ I na ayunde mbuere awi nde Marie mu mansi nde, mwana mudumu ya lui ya ise. ⁴⁵ Ise tsèe a la wu kui; ndoki mamoso ma balie mundo mfumu Nziame ya makuiu!" ⁴⁶ Ina lie Marie: "mukôo ya tuene Mfumu Nziame, ⁴⁷ Mpe mukôo ya yu ise e Fumu Nziame. Nziame Mviu eme. ⁴⁸ ndoki nde ati busu a la mura esisiande. I bini, likiao bara bobaso ya biu muru ise. ⁴⁹ Ndoki wu luiru nfu ndeso ya si mando manene mu ndo me nkumu ende wuwene Mambi: ⁵⁰ Ngebe ende eka a la bara baso ba larande makana makana. ⁵¹ nde ya nsiama mu miao mende ba ba fini mando mabi ma ekumba. ⁵² Nde ya lamu mpe ya kiao lara lamfu mu lo mfumu bo bôo ya si ba bawene I kumba. ⁵³ ya yuo bara banganza ya bilo bibue, mpe bonga Nziame to banvama ya bayu elowe (miao miao). ⁵⁴ Nde yayi ayi basa kuo ku mukiri Israël a la muru nde isia ndo kua basuo ngebe ende. ⁵⁵ (Mutini alie nde a la batara biu) Ahabram ba lueme ngue nde mu mansu momaso." ⁵⁶ Maria asuiu ya Elisabeth anka ansu turu, Angiako nde ya firu a la nde ya firu a la nde. ⁵⁷ Muli ntôo Elisabet yi uburu ya yito, Mpe nde ya yiburu mwana bôo. ⁵⁸ Bandu bande ya bibuiri le nde ya batuene a la Mfumu Nde yasi ndo ibini mpe nde ya muvi ilo kinene a la nde; Mpe nde yayu ise tsèe ya nde. ⁵⁹ Mbu ito me mansu puoùmo bo ya baye lafili mwana nde akuini ba mubiu "Zachari" nkumu etara nde. ⁶⁰ Muli nguande ya lie: "me yame nde ba mobiu nkumu nde jean." ⁶¹ nde yaa balie: "Mukara biene wu babiu nkumu esoyini nde we." ⁶² Bo ba misuo bilimi a la tara bo, kuobu nde kimotini aya mobiu. ⁶³ Nde ya ki ilo imo akumo nde mukana ki asuo ilo eso: "Nkumu ike Jean" pia bo baso ibunguo ya ki bansui. ⁶⁴ Mu mbala mo nde yayu muli mpe lilime nde buburu ya bufimu bi. yayu mubi, ya tueme Nziame. ⁶⁵ Mu mbala mo ba basiu ya nde akuakua ya bayu mubara luomo. Mpe biba biso lila bike akua malama ma Judée, balie ma maluiri ina eso. ⁶⁶ Pia bobaso ba bayu ya bakuari mu mikôo mebo mpe balie: " mwana so akana?" kuobu kuo le Nziame leko yonde. ⁶⁷ Zachari, tara nde eke ilui ya insui Nziame, et mpe emie mando malue make nduru bara mutini eso wumu: ⁶⁸ "Mutuono Mfumu Munziame, Nziame Israël, ndobu nde yayi afita bara bande mpe yayu ngebe. ⁶⁹ Nde ya suiri Mfu nde a la biu mpe ya liwi mawana mudunu David, muru nde isia. ⁷⁰ Mamana malie nde mu mungua bansu bande babue oni nde mpe ke babi mubala ye luiri. ⁷¹ Yiyini ke ngôo ya likia bue mu miao me bara babi mpe omiao me bara ba me biu. ⁷² Nde ya sue ngele nde a la batara bui mpe ya fui malinvue nde mu mambue, ⁷³ ya fini itsha a lie nde a la Ahabam tara biu, mpe nde ya lifini. ⁷⁴ Anzia ngo a likumu nde anzia miao me bara babi, biu libara we buomo mu nvumu mu ndo osama, ⁷⁵ Mukara mambu mpe ya obue nde ya litii, ma mansu like amo biu. ⁷⁶ Mpe nze, mvana me, nze labui nsu luiri ba nsu bo baso, kuolu nze eluru oku e Mfumu ndo oyui nzi ende. ⁷⁷ Mpe ya wi a la bara la nde makani ma mawam muyu ngebe mu mambi. ⁷⁸ Nziame ebui alibe mukara mange be mande. Mu ngebe mande, nde ayiya, afana anka muvii (muili) wu tuituier, wu suei mukara biu wu fi ongie. ⁷⁹ Nde asuo libâa le nde a la bake ku pili mpe bake opili limfu, mundo obie nde asuo biti be biu ndo asuo ngi nvi." ⁸⁰ Mu li mando muvana, nde ya kui mpe yayu ngôo tsèe mu insui. Nde ya fisui okara nsio ti mu mansu suo nde a la bara la Israël.