¹ mu ina eso, ya ito ina atumi Mfumu Cesar Auguste bawe ba futiao muta bara bobaso beke mu mukiri. ² Mbala etere batiao muta bara mi ina oke Mfumu QUIRINIUS mukuru ba nfumu mu toro SIRI. ³ Muli pia bobaso ya laurni ba fukomo mankumu, moru ya muru ya bula buneme afi nde: ⁴ Joseph ya wini o NAZARETH o Galillée, ndo kua we Judée, mu bula bu nene bo David ba bibiu Bethlem; kuobu nde aki muru ekana le David. ⁵ nde ya wini afukomo nkumu ya Marie akukuini nde a bâo, a we eke ya yimi. ⁶ Mu ina lato bo oko,ya misuo mi uburu ya mbini. ⁷ Nde ya buiri mwana ebôo mwana nde terre abi oburu ya modi biko mpe ya mose abu engungua bimeme madia, kuobu mbu ola ike yo we mundo munzo banzio. ⁸ Eke bu bitansi besobini ba babuo bimene ba lele onzi mubia mundo oke biubui lelo bimeme. ⁹ Mubalamo ntumu Nziame ya yitu mukara bo mpe likunu le Mfumu MU NZIAME ya liyu mu okene mukara bo; mpe bôo mbuomo ya bu ba biao. ¹⁰ Ntumu nziame ya balie: "Likabara buomo, kuobu me yi lilie nsia embue, yeka ya ise kemene mondo lara bobaso. ¹¹ Nde mukara liene ba buiri, loboli, mubula bunene bo David, nde we wa mawama nkumu nde Klisto, nde Mfumu. ¹² Ta ilimi kisue: Biene lefu bo mwana empio ba buiri ba modi biko mpe elé mkara ilao engungua bumeme mdia." ¹³ Mubala kolo. ya ba nvinu ya ntuimu Nziame, ya ilui ki ba mbumbui, la Nziame ba ongie, ya baya mutumo Nziame ape ya balie: ¹⁴ "Likumu le Nziame lika mubu liluiri mambu mamoso ma ongie mpe mu nsimu, mvi aka bara bakuini nde." ¹⁵ Mu ina maru batumu baniame ba firu kuyu, bakale limome ya bayu omo ibo ilo: "Nsue lie o Bethelem lifuta kindo ebui oko, ndoki Nziame ya liyali a la biu." ¹⁶ Boya maru ya bauimi oko ba fubo Marie ya Joseph mpe ya mwana empio ilêe mbu engungua bimeme madia. ¹⁷ Ngiangie ba muene yiyini, ya yiali mpe ya balie a la bara ma matu mundo mwana sowunu. ¹⁸ Bobaso ba bayu ebunguo ya ki bansui bu bayu ma la labie ba babue lumeme. ¹⁹ Mundo Marie nde Afifini pia mamaso mando ayu nde emalue mukara munkôo nde. ²⁰ Muliba babio lumemo ya firu baya tuono Nziame mpe ya tâa bisiame le Nziame mamoso bayulo mpe ya ma bamuene bo, mawini motini mimo ya ma balie bôo. ²¹ Bu ito ma nsu mpuomo ba buri mwana mpe ya lito ina bayibi mwana bu bia, ya ba muwi nkumu Yesu, nkumu ye amavi nde ntumu Nziame muma ike ebu Marie abiowe fimi. ²² Mu ina ito mansu ma baya nde onzo Nziame bu maluiré, mu miki ewi Moïse , Joseph ya Marie ya baa muburi oyeruzalem ka ba fusuo a la Mfumu Nziame. ²³ Mu unama ma ba komi mu muki me mfumu Nziame: "mwana bôo ndeso, we tere ba buiri, ba fumu buero a la Mfumu Nziame." ²⁴ Bo ya baji ba yuwa mafuru mabo mutini malie mu miki me Nziame : "Bayi ya banka bue to biku bie mundo ku ba buero muwana." ²⁵ Muli eke yerusalem, ini bo mo ebu nkumu nde Simeon. Bôo eso ake wu mubue mpe yana. nde adidi we ya wa mawama ku Israël mpe insui e Nziame eke mukara nde. ²⁶ Nde insui Nziame eke kimosue munzole nde anfa we yabu amuene we MESSIE E Mfumùu Nziame. ²⁷ Simeon yayi ku nzo Nziame, insui z Nziame yaki mutumi. mpe yebu tara ya ngu eke babiri mwana bo Yesu ndo kumaku omui nde ma balie muu miki; ²⁸ Nde ya mobiri mu miao me nde, ya tuene Nziame mpe ya lie: ²⁹ "Muli Mfumu Nziame, muyo muru nze Isia Anfa munvi mutini elie nze. ³⁰ Muli miu meme ya mimuene we wa mawama. ³¹ We yilu nze anku ebara bo baso: ³² libâa lilisue a la ba badimu Nziame mpe ya likumu mundo bara banze ba Israël. ³³ Tara nde ya nguande ise ya kikuari ndo ma balilie mundo mwana. ³⁴ simeon ya muluero mpe ya lie a la nguande Marie: " Mwana esowu baponi mundo kualowe mpe kuensubu bara tsèe mukari Israël mpe eka ilimi kisuo mutini mukini. ³⁵ Bie eso mutini bomo esomo mu munkôo, kuobu ma efufu nu bara mu mikôo bôo tsèe ba masuo a kara bara." ³⁶ Eke eni nsu mukara nkumu Ana, mwana mukara PHANUEL, nde aka mukara le ASER. Nde ake ba nvu ba luiri tsèe. Nde Asia ba nvu nsiama ya mulu imi ande ya Angoe eyifa maburu ma nde. ³⁷ Nde ake munfumbe wu mu kara ake ya banvu liku puomo ya nvu nâo nde amaru we munzo Nziame nde eke same mui ya pibi mu nzo Nziame mpe a lili we bilao asiure mundo usama. ³⁸ Mu muntsa so urinu, bôo ya bayi la nde ya yu mu otuomo Nziame mpe ya bayu mulie a la mwana pia momaso ma bayu bo ma tée ngebe me YERUSALEM. ³⁹ bu ba manilo bimo bio biso bikomi mu miki me Mfumu Nziame, ya ba firu ku ba la bobo ba NAZARETH mumara ma Galilée. ⁴⁰ Muana ya kui ya yu ngôo tsèe, nde akuikui ya makani mpe ngôo Nziame eke ya nde. ⁴¹ Tara nde ya nguande ba wiwini nvue ndeso u Yerusaleme mu ndo ilama e pâque (Pasika). ⁴² Bu ayiku nvu kuimi awie boya ba kuimi kie Nzo NZIAME mu mutini bu ko bobo mundo ilama. ⁴³ Muina ifa matsu mpe bôo ya yifuru ku bula bo bôo, mwana Yesu Klisto ya sasia o YERUSALEME, muli tara nde ya nguiande ba yiali we. ⁴⁴ Bo bafuni ake ya ba mbuini bande ba fi abôo die, bo eke basia nsu limunsimi munzi muina bamuso bôo mukara bibuiri be bôo ya ba mbuini ba nde. ⁴⁵ Bôo ba muene we, bo ya bafiru o Yerusalem kua ba fa musao. ⁴⁶ fu mubôo mu mansu maturu isiure menzo Nziame, seri akara ba nfumu, ba mufu mpe bamufu mando. ⁴⁷ pia bobasa ba muyuyu bi bunguo bi bansi u mundo makani ma nde mpe ya ma afifiri nde. ⁴⁸ bu bamuene, bôo bi bunguo ya bi lansui mpe nguande ya mulie: "Mwana me, nki ndo nzesi mubôo? yu, tara nze ya me, bui li osiao ya ngebe tsèe!" ⁴⁹ nde ya balie: "Mu ndoki biene lensusuao a la me biene liyali we ebu me ka munzo tara me (NZO NZIAME)?" ⁵⁰ Bôo ba bayiabi we ma a la lilie nde. ⁵¹ Anziako nde ya suiri ya bôo ku bawe ya bôo ku Nazareth, nde yayu ma mulie tara nde ya nguande. mpe nguande ya kuari mamoso mu mukôo nde. ⁵² Muli yesu yayu mu oku ya makani tsèe ya mutini wu mubue mpe ngôo Nziame eke yande ya ye bara.