¹ Mpe muli ba mbuini ba me ba boo, lisama mundo biu, ndoki nsia e nfumu ba nfumu e nsamu kua kua mpe eku misamu, eka e mutini mumo ala biene. ² Lisama ebu biu baliyeo ala ba ngampuru ya babi, kuobu bobaso okiu we. ³ Muli Mfumu banfumu ake wu ikuiu mpe aliwa nfu mpe ali like ala bara babi. ⁴ Biu like ya okuiu ala Mfumu banfumu ala biene, muli mali kikiri biene mpe lasa kobunu mando ma lituimi biu. ⁵ Muli Mfumu ba Mfumu asa mikoo me biene mukara likunu le Nziami mpe lilamu mukara klisto. ⁶ Muli bana banguama ba boo, biu lituituimi mukumu e Mfumu ba Mfumu ebiu Yesu-klisto, likanvunu ya ba mbuini ba boo ba ba luluru mutini wu mbui mu mando mabu makuiu we ya ma lewe biene ala biu. ⁷ Kuobu biene bangako liyiabi mutini lenama biene oke biu, kuobu biu leke we anka bara bangasu mukara biene aka babu bake liziri we. ⁸ Kuobu biu leli we bilo be bara bi ofele, mu mutini mukimi, biu lisia ma ya pimbi mu mutini ngo tse mpe ya mpari, kuobu biu lesisisa lika wa baluru ala biene. ⁹ Biu menisa mubo ka kuobu we biu banfumu bo we, mu mutini eso biu lesi mubo li lisuo ala biene, kuobu biene mpe li limama ala biu. ¹⁰ Mu ina leko biu ya biene, biu li titumi: yabu mumo me osa, nde akadia. ¹¹ Kuobu biu leyiu ba bake akara biene ba kuini we osa, ba kuini we osa, kuobu bo bayisueme mu mando mabu mati ka bowe. ¹² Muli mundo bara ba mutini eso wunu, biu liba tuituimi mpe liba wiwiw maluo mukara Mfumu Yesu-klisto, lisabo yiama mpe badia bilo bebo ngako. ¹³ Muli biene, bandu ba boo, biene likayo osa mando ma yana. ¹⁴ Kiri mumo ayuyu we mali lie biene mu mukana, li mubara ala nde mpe lika nvunu ya nde ndoki nde ayu bonfuru. ¹⁵ Lika muwu anka wu likuiri biene inko, muli li muli anka muana ngu. ¹⁶ Muli Mfumu ba Mfumu nde ngako amuwa kimia ntoo yeso mpe mutini ndeso, nde aka ya biene bobaso. ¹⁷ Me Paul, ya liyuo mburu, mumao me ngako mutini eko kome mumi kana mio meso. ¹⁸ Mawama ma Mfumu ebiu Yesu-klisto maka ya biene baso.