Nzii 2

1 Muli biu li lile, bana bangua me ba boo, mu ma mati oyia e Mfumu a biu Yesu klisto mpe ya onvinu e biu ya nde. 2 Kuobu mu nfunu e biene akabamu kuakua, mukara insui e biene, mundo mo, nsa mu munkara wu funi ebu afu ala biu, mundo ebu biene liyiaba mansu ma Mfumu ba nfumu ya ma yito. 3 Nsa muru mu mo aka linfuru mu mutini mukimi, kuobu momana ma yiato we ti ino eyia ma mabi, mpe boo wiene ya miki buani ba mono, muana mobi, 4 Ike nde wu imeme mpe nde we susuo li lini kuini limu sama mu mutini eso nde asisi wu munzo Nziami misusuo anka Nziami. 5 Biene le yiabi we ebu meke lilie mando masomana mu ina eke ankua biene. 6 Mulibu biene liyiai ki munsunsu, mu mutini kimi ku ayisuo ina ki kuiu ya nde. 7 Kuobu bisia bi oma miki ya mibi, mu ina emo, eni muru mumo wu ekukuara mu ina esoki ti ina ba mukia munzi. 8 Muli webu aki kiu we miki nde ba muno, mpe Mfumu Yesu klisto amudu mu insui ki munua nde, Mfumu ba Mfumu amubuo ilo pama muno oka nde. 9 Oyia ba mena miki bifi mu bisia ba Satana bi maru mu bisia biebeso bemfu mpe ya bilimi, mpe ya bimpa mpia. 10 Mpe ya mampia momaso mawiene ma ibini, mando maso make mundo bara ba bademu, ndobu ba bio we likunu li ibini kuobu bo ba bo mawama. 11 Mundo isa esokini Nziami ya ba biri mutini webu bo ya kiu mando mampia. 12 Mu mutini eso wunu bo baso ba biru mu osamu, babu ba kiu we ma ibini muli mu mutini mukimi eke bayu bise mando ma mabi. 13 Muli biu ina kieso matuomo mundo biene bana bangu ba boo ba ku kuini me tse mankumu Mfumu ba Mfumu, kuobu Nziami eke liponi lika bara ba tere ba yana abuero nde mu insui mpe ya okiu o biene ma yi bini. 14 Mutini eso wunu nde ya libiu munzi nsia embue mundo obo bise be Mfumu a biane Yesu klisto. 15 Muli bana banguame ba boo, likuru mikoo, likuara ma ba balue biene, maka male bile biene to mu mikana me biene. 16 Muli, furu Mfumu biu Yesu klisto nde ngoko, mpe Nziami tara biu wuliku kunu nde aliwa nfu yi mpini, mpe ya likunu le yiana mpo ma mayia mu mawama. 17 Biene liyilu miko me biene mu bisia biebeso bi bue mpe ya obiu biene.