¹ Polo, Silvain, mpe ya Timothée ku nzo Nziami Tesalonika ala Nziami tara biu mpe Mfumu Yesu-klisto mpe bise ya oka nvi ika mukara biene. ² Biu liti tuene nto yeso ala Nziami mundo biene base, mu ina le titiao ala biene mu bisama be biu. ³ Biu lilidimu we biene nto yeso anku e Nziami tara biu, bisia be biene mukuiu, musa ngo ebiene muli kunu muwa mu mawamu mayia ala Mfumu biene Yesu-Klisto. ⁴ Bana bangua me ba boo bakuini Nziami, biu liyiabi ebu nde lipone. ⁵ Kuobu nsia le nsinsiamu biu eyi eku bula bo biene, muka mundo iobi we kaka, muli mpe mubi yia, munsui e yana mpe ya insui enfunu, mu mutini mumo biene liyiabi ki mutini ba boo biu leke ankara biene mundo ku bali kuara. ⁶ Biene eke anka ma lesisi biu mpe ya ma Mfumu ba Mfumu, kuobu biene eke liyao maluo tse ma mutini manga ise mafi mu insui. ⁷ Mutini eso wunu ba susuo, biene ya liyiu anka ba basusuo mundo bo basuo ala ba bakiu ba bula bu maseduane, mpe ya ba akaya ba ba kiu. ⁸ Kuobu ala biene, kuobu nsia e Nziami ya nsiamu, mpe ka munu mu bula bu ba SMaseduane we ya akaya mu mutini mukimi, ambu yeso okui o biene ala Nziami eke nsiamu, mu mutini eso wunu biu like nza obiu yo we. ⁹ Kuobu bo bangako eke babiri nki ilo ki le biao biu ala biene, bo lifiru ala Nziami we mu mpe ya Nziami wu ibini. ¹⁰ Ike yiana ebu biene ledi mwana we ewuu mukara ba banfi, ike Yesu wu likiao mukene yi yia.