¹ Muana liyi biene kuke bambuini biene ba boo me yi we ya mu kile ndo kuobu ina eke bu bo mu ina eba lie me ma ibini a ma mandiamo a la nziami. ² Muli me ya ngue mokono biene ki lebu ya ba we ndo kuobu meke mukara biene, we bu akewe kaka yesu-klisto mpe wu basi mu uku luesu. ³ Mpe me ke ya biene mukara nfu wiene, mukara obara buomo, mpe me ete tero tse. ⁴ Mampu ma me mpe ya ma yi olie me titiu kamando makani maburu wi muli moma makani ma ensi enziami. ⁵ Akiana mpe okiu o biene osiu mu mutini mu makani ma mue. ⁶ Mulibu biu libibi mu makani mamako kuobu ku makani mamake mukiri we, mpe ya ba ba titu nvu elu lure. ⁷ Akiana biu libibi mu makani ma nziami mukari ibini, ma ma diama. Ya ma ibini ma ma diame, ya mayima ilue ma wi nziami mukara okiu. ⁸ Mu mo bowe baka piri bantona ba yiabi makani masomana, akiana bo ba yiabu mu ina esokini, bo bayiabi we kuobu mfumu ba mubaka mu ekulusu mu okiu onde. ⁹ Mutini bu bakomo: « bilo bebu miu we be mumono we, ya matsi mabu mayuyu we, bo ndo mo ba fufunu we, mu bilo alemi nziami bi ba kuini.» ¹⁰ Bi bini bike bilo bebu nziami aliboro mukara ensui ende muma fini nziami. ¹¹ Webu yiabi ma afufunu muru kiao insui ike ya nde muru mumo yiabi we ma okaransi ma nziame kaka insui e nziami. ¹² Akiana biu le biao we insui e mumu kiri kuobu ensui eso kemi emari a la nziami, kuobu biu liyiabi mpama bilo bi aliwi nziami. ¹³ Biu libibi mundo bilo beso mu mu mungua kuobu bise muru mpe esa babasuo we, kuobu ensui e nziami bi liluo, ensui e nziami elilie mando ma make muko mpe ya makani ma yana. ¹⁴ Muru webu ake ka mukara insui nziami nde abo we bilo bikeke a la nziami, kuobu nde ake anka muru ke ya misu, a la nde, nde asa ayia ba we mando ma insui ki ba kuini. ¹⁵ Muru nga insui esama bilo biebeso, kuobu muru nde aku we si sisiama a la baro bobaso. ¹⁶ Kuobu: « ma webu si yiabi ma afifini mfumu.