¹ Polo, abiu mu klisto yesu ku aka ntumu enziami, mpe ndu eboo Sosthène, ² Mu nzo enziami e Corinthe, babu klisto yesu ya yilu obiu mu oka itsui. Biu liko kome mundo bobaso ba basisamu nkumue mfumu e biu yesu-klisto mbu yoso, mfumu bo mpe we biu. ³ Mpe matuono mpe ya vii enziami tara biu mpe mtumu yesu-klisto ika ya biene. ⁴ Me itiri matuono a la nziami, mundo matuono maso ewi yesu-klisto a la biene. ⁵ Nde a la biene ya liwi bilo biobeso bi bibue, mu mando momaso mpe mu oyiaba bomaso. ⁶ Nde ya mone mabue ampi we elie ma ibini ma klisto akiu mpi yana kungu e biene. ⁷ Ndobu, biene liwiene we kaba le malimo, mutini libeli biene mu nza yoso manzole ma mtumu e biu yesu-klisto. ⁸ Nde ya liwi ngo tii ku nto. Kuobu biene litiere we mu tsu le mutunu. ⁹ Nziami aki wu mubue, nde we libi biu mu ibiu e muana nde yesu-klisto, ntumu ebiu. ¹⁰ Me ya liwii biya muli bandu ba baboo mpe bakara, munkara nkumu e ntumu ebiene yesu-kliusto wu lekiu biene baso, mpe ekikei oyeno we munkara bo. Me nkuru biene le vunu biene baso munkara itsii imo mpe munkara muntunu mumo. ¹¹ Kuobu me eyiabi oki bara ba Chloé ekiki ya mitsunu munkara biene. ¹² Muli me nkuini ngilu mama: « Mu ba balilie, me ki ya Polo», mpe « ya Apollos», mpe ya « Cephas-», mpe ya «klisto», ¹³ Klisto eki ba mukaki? Polo eki ntii ndo biene? mpe eki balibuero munkumu e Polo? ¹⁴ Me tutuene nziami kuobu me mani mbuero nsa muru mumo e biene, likio Crispus mpe Gaius. ¹⁵ Kuobu muru we elie ni me mambuero mu nkumu ende. ¹⁶ ( Me mpe kimbuero nzo emustini e Stéphanas. Oluru mama, ngiabi we kiri me kimbuero babo kini). ¹⁷ Kuobu klisto antumi ka ndo ombuero we, muli ndo otsamu nsia embue, ka mumakani ba bumuru we, ndo ebu kulusu le klisto likaka lilibi mumpu e nde. ¹⁸ Kuobu mando ma mu kulusu maki misu mu miu me babanti. kuobu nziami aki mu baba viu a la nde, mu mama maki ngu enziami. ¹⁹ Kuobu ba kome: « Me edudu makani ma banga makani. Me eyiu oyiaba e mayi.» ²⁰ Ande boo enga makani? a nde boo baba too? a nde boo esisa mikeme mu mukili? Nziami atiru we a la banga makani ba mukili mu misu? ²¹ Ba yebu mukili mu makani mande kidimu nziami, nde aki mu ise ya nziami mu oviu baba kiu nde mu misu me nsia embue. ²² Kuobu ba Juifs eki batu bilimi bie bimpa, bara baso makani. ²³ Muli biu lisisami klisto wu ba diu, kuanu e kia mu ba Juifs mpe misu ndo ba Grecs. ²⁴ Ndonki, ndo babu nziami kiba biu, Juifs mpe Grecs, biu lisisami klisto ampi ngu mpe makani ma nziami. ²⁵ Kuobu misu me nziami meki makani mpe bara, mpe oleme eki ngu tsée oluru bara. ²⁶ Likiu o biene obiu baboo, batsii munkara biene baki ani makani mutini e bara baba nene, ndama munkara biene baki bara bangu, ndama munkara biene baki bara ba babue ba ya baba buri. ²⁷ Muli nziami kipone bilo bimisu mu mukili ndo owa bunturu a la banga makani. Nziame e pono baba bememu mukili mu owa a la banga ntuu. ²⁸ Nziami ya pone bie bikebake mpe liyiu mu mukili. Nde kipone bilo ba ba mumono mpi bibi wiene ntina, ndo otsamu biebu babi mumono mpi yana. ²⁹ Nde akiri mubo ndo ebu muru aka isuo aku ende. ³⁰ Mundo biebu nziame akisali, muli biene like mu klisto yesu, wu eyiu muru emkani a la biu ayi mu nziami, ma mbue ma biu, nzi e biu embue mpe ntii ndo biu. ³¹ Muli mutini akome nde:« we ebu aka ya musibu, asibu ndo nziami.»