¹ Flin na ye bio ye sɔ ye ɖe sɔ we na oto kplɔ tɔ ye kpodo oto ga ye a bo nɔ se tonu na ye, a bo nɔ le ogbe sisɔ a do wa odan nywɛn ɖekpo kpuwe. ² Ye ni ka mɔ nɔ lɔ oxo nyinylan do ye mɛ ti wu a bo gɔ ojlɛ wiwa, a bo nɔ ɖe dɔmɛ nywɛn sɔ xlɛ, a bo mɔ nyi dɔmɛ fa nɔ do ɛmɛ bi wu. ³ Ɖo mi ye can, le san ɔ oklenɔ wɛ mi nyi, bo nyi oto nu ma se tɔ, bo bu omɔ bo nyi ojlo ɖekpo kpuwe kpo do ɛgbɛ ɖuɖu ɖekpo kpuwe we ɛmɛ xixɔ, bo nɔ ɛgbɛ le danu wiwa kpo do ŋbia mɛ. Ɛmɛ ye nɔ gbɛ owan na mi ye can bo nɔ gbɛ owan na mi nɔ ni-ɔn ye . ⁴ Vɔ, ke na Mawu hwlɛn gan tɔ mia tɔn ɖe dɔmɛ nywɛn kpo owan nyinyi e tɔn sɔ xlɛ gbɛtɔ ye, ⁵ e hwlɛn mi gan, e ko nyi ɛgbɛ jijɔ we odan ke na mi ye tete wasi ye hwɛn dɔn. Vɔ kpo dɔŋudunun kpɔnna ɛmɛ e tɔn, e hwlɛn mi gan dogbɔn ɛwu sisra ke nɔ na jiji yoyo ke gbigbɔ kinkwɛn nɔ na ɛmɛ. ⁶ Gbigbɔ kinkwɛn ɔ wɛ Mawu sɔ kɔn do mia ji taŋ do gbɔ hwlɛn gan tɔ mia tɔ Yesu Kliso ji. ⁷ Emɔ xa ke wɛ mi trɔ zun ɛmɛ jijɔ gbɔn ɛfɛnu e tɔn mɛ, mi na yi ɛgbɛ mavɔ mavɔ ke mi kpɔn omɔ na nɔ we cinɔ sɔ tɔ ye . ⁸ Oxo ke ɔ, oxo jɔ xo taŋ wɛ. Ko bio jro bio, o na tɛn ogbe do eji taŋ. Emɔ xa ɛmɛ ke kan do Mawu ji ye mɔ nɔ do kpeŋ do odan nywɛn ye wi wasi wu ganji. Exin wɛ nyɔ nywɛn bo na ɖe ale na ɛmɛ sia ɛmɛ. ⁹ Vɔ, gbɔn akpa na onu didɔn vovo ye okun kan ye xixlɛ, ojlɛ wiwa ye, kpodo onu didɔn do osɛn wu ye, ye hɔn ɖo ale ti-o, onu vovo ye wɛ. ¹⁰ Ɛmɛ ke na nɔ xɛn mima dova ɛmɛ ye mɛ gbɛ ni tantyɛn a bo mɔ gbɛ ni zɔn wegɔ, na e hɔn se ɔ, e mɔ ɖe do ovo, ¹¹ ɖo o nyɔ bio ɛmɛ e mɔ xa tɔn ye, mɔ bu omɔ bo mɔ nyi onu nyinylan wa tɔ, i tete ɔ bo mɔ do ɛhɛ na iɖe nɔ. ¹² Gan ke mɛ ko na dɔn Atemasi kpo Ticiki do dan we ɔ, o mɔ yaxu va kɔn ye le Nikopolisi, ɖo blɛ wɛ ko jro na nɔ le vivɔ gan mɛ. ¹³ Kpedo zenasi ke na nyi osɛn dan watɔ kpo Apolosu kpo yi we omɔ zinzɔn wu a bo na na nuti ni ko mɔ hinan ye. ¹⁴ Mia nɔviɔ xɔse tɔ ye can ɖo na kplan odan nywɛn a do kpewu gɔ ɔlɔ na gan ke mɛ ye na le ohian mɛ na yɔ na do nyi onu na ɛmɛ tɔ. ¹⁵ Ɛmɛ ke le kpɔkpɔ kpo le bwɛ ye ɔ o do ogbe na we nɔ. Do ogbe na mɛ ke nyiwan na mi le xɔse mɛ. Mawu we gigo ni nɔ kpo mi mɛ bi.