¹ Tɔ we, lɔ nu ke na sɔ gbe kpo do Mawun xo. ² Dahxe ye ɖo na ɖo ninɔmɛ ɖiɖi a mɔ, mɔ ɖo ohunkuku, ɛmɛ sisi, ɛxɛji jɔ ji, ye mɔ kpegan le xɔse mɛ, le wanyinyi mɛ kpo hɔnhlɔn dido mɛ ³ E mɔ ha ke, nyɔnusi mɛhiɔn mɔ ɖo na ɖo minɔ mɛ ɛmɛ sisi, nyɔ ɖo na nyi ɛmɛ xo lɔtɔ, nyɔ ɖo na nyi ahan numu tɔ. Ye ɖo na kplan onu ke nyɔwɛn wu ɛmɛ ye; ⁴ kpo susu bio ye a do kplan ye suwɔ kpo ye we vikpɛ y. ⁵ Ye ɖo na kplan ɛmɛ ɛwɛ jijɔ ji, mimɛ ji, a kpeŋ do ye suwɔ ye. Ye ɖo na wasi onu xin ye na nyɔ na do kɔn ɔcɔn do Mawu we oxo wu. ⁶ E mɔ ha ke mi kplan huanje ye na ye a do nɔ do jijuɛ ji. ⁷ Le onu bi mɛ ɔ, sɔ ɖiwe sɔ na kpɔwɛ le odan wiwa onyɔɛn mɛ, le onu kpinkplan mɛ ɔ sɔ wlɛ jijuɛ nyi nyi kpo gbeji ninɔ wu ye. ⁸ Lɔ oxo mimɛ ke nyɔ na kpɔ oɖwu ɖe le e wu na ɛmɛ ɖe kpo kpuwe ke na keɛ onu do e wu mɔ do caka le iɖe mɛ, ɖo ɔn hɔn kpɔn onu nyinylan ti na lɔ sɔ mia wu. ⁹ Ɛmɛ ke nyi kannu mɔ ɖo na do bubu yi we xwetɔ wu le onu bi mɛ. Ye ɖo na nyi ɛmɛ ke na jɛ oŋ na ye we xwetɔ yɔn ɖo na wa ojrɛ kpo ye nɔ. ¹⁰ Ye hɔn ɖo na jɛ ɔgɔ. Vɔ, ye ɖo na ɖe ye we gbeji ninɔ xlɛ, na ye a do ɖe xlɛ susu na mia we onu kpinkplan gbɔn Mawu mia we Xwetɔ ke nyi mia we Hlɛngantɔ. ¹¹ Ɖo Mawu we ɛfɛ nu nyi nina na ɛmɛ bio. E kpan mi nɔ na mi ɖe ɔlɔ le onu ɖuɖwui ye mɛ a bo ɖe ɔlɔ le ojro ɛgbɛ mɛ tɔn ye mɛ. ¹² E kplan mi nɔ na mia nɔ ɛgbɛ le ojlɛ ji, jijuɛ jio kpo mimɛ ji le ɛgbɛ mɛ ke mi le siɛ ¹³ gan ke mɛ mi le te kpɔn ale mɔnu kpinkpɔn tɔn, Mawu Otɔ kpo mia we hlɛn gan tɔ Yesu Kliso we kpinkpɔn. ¹⁴ Yesu sɔ yi ɖe sɔ san ɔvɔ do ta na mi do kpo wlɛn mi gan le onu nyinylan ye si bo sɔ mi sɔ wasi ɛmɛ kinkɔɛn, na yi ɖe, oto gun ɖe do vo ke odan nyɔɛn we kpakpa o sɔ nɔ. ¹⁵ Lɔ a mɔ na na ye a ɖo unkɔn yiyi le onu klɛ ye mɛ. Gbɔn ɛcɛ kpikpa bi mɛ jɔ okɔ na ye. Mɛ ti ni ka kɔn ɔcɔn do gbɛtɔ ke o nyi wu.