¹ Blɔ Pɔluke nyi Mawu nyi Mawu we odansɔvi kpodo Yesu Kliso we ɛmɛdindɔn, wɛ wlan wemake Mawu dɔn-ɔ ɖodan, a do kpɔ ewɛ keye na ecanye, do va xɔse mɛ, amɔnyɔ oxo joxo amo zan ɛgbɛ kenaɖo sisina Mawu.

² Ye ɛmɛhinye mɔkpɔn omɔ nɔ na ɛgbɛ mavɔ mavɔ ke we ogbe Mawu ke ɔn nɔ kan ojo xe na ye, gbɔhwena egbɛ vajɔ.

³ Ogankemɛ na ogan efɔnxo Mawu ɖe oxo etɔ sɔ xloo. Oxo hlɔn wɛ esɔ do asi na-a, ko bo jlɔ-ɛ nɔ, ɖi kena Mawu hlwɛngantɔ miatɔn ɖe agbentɔn ɖoha. ⁴ ko wlanwema ke dodan wenɔ, Titu ovi tɛye-oxo jɔto tɔn le xɔse ke mi ɖo dokpɔkpɔ mɛ. Mawu otɔ-ɔ kpodo Kliso Yesu hlwɛngantɔn ni na we ɛfɛnu kpodo fifa.

⁵ Ko jo wedo klɛti we oto mɛ, na omɔwaadan ke drɔn, amɔ ɖo agun mɛhyɔn ye do toxo ɖokpo-ɖo kpo mɛ ɖike botete ko ɖe agbe iton nawe ɖoha. ⁶ Ɖokpo-ɖokpo tetɔn ɖona nyi ɛmɛke ye ɔn ɖo nokpɔn onu nyanyla alotolivyɔwe ɛhwɛ ɖe le ye wu. Osiɖokpo gee wɛ ye ɖo naɖo, vipɛ yetɔnye ɖona nyi xɔsetɔ ye keye na ɖokandeji na ye, na ye ni ko mɔva do ɛhwɛ nyanyla, zɔnlinnya nyla, alo atonu maseɖe tɔn naye.

⁷ Ke enyi bio Mawu we onuye jikpɔntɔ we onuye ji kpɔntɔ wɛ nyi agun kplɔtɔ, ye ɔn ɖo na nyi ɛmɛke ɔn nɔ kɔ eɖe, ɔn ɖo na nɔ xo ɛmɛɖu, ɔn ɖo na nɔ nu ahan mu. ⁸ Eɖo na nyi ɛwɛ ke nɔ yi ɛmɛjo nywɛ ɖe, ayi awan na ɛmɛ ke ɖo onu nywɛ, ayi awan na ɛmɛke ɖo onunywɛ, eɖo na nɔ butz mɛkpɔn nywɛɖe gbɔhwe do wa onu, amɔnyi ɛmɛ jijwɛ, ɛmɛki nkwɛn, amɔ ɖu eɖe ji, e ɖo na nyi kpɔndewu

⁹ Oxo kejɛ naye nakando eji, ɖikeye sɔ kplan ɛmɛ ɖoha, wu we ena n tɛdo, na do kpewu ɖo ɔlɔ akɔnji nɛ ɛmɛye le onu kplan ɛmɛ ado dwe mɛ, amɔ ɖe sɔ xlɛ ɛmɛke ye tɔta odo na oxo Mawu tɔn nɔ ye bio ye le ɛfɛn mɛ. ¹⁰ Ɛme susu le, le ota ji, la xɔsetɔ jwifuye me, bo nyi ɛme keye ɔn nɔ sɔ yeɖeye sɔ hwe na oxo jɔxo bonɔfɔn agu do ɛmɛji, oxo mado ota wɛye nɔ lɔ, amɔblɛ ɛwɛ ɖu nɔ.

¹¹ Oɖo nabɔ onu tu naye. Ɖo, ye nɔ caka xwe do blebu de wu kpodo onu kpinkpan ojo kinkantɔ nye ke ye ye ɔn ɖona kplanye mɛ, ado xo ɛwɛ ye dunɔ do gbɔn onu kpan ɛmɛye tɔn ye mɛnɔ. ¹² Oxo lɔ de nyitɔ dokpo le yemɛ, bolo bio: «Klɛtitɔye, ojo wɛye nɔ kantɛgbe, ye enɔ wa anudi kanlinye ha, adɔnɔ ye wɛ ye nyi, amɔ wadi ɖɔ.»

¹³ Kunnu ɖiɖe ke we sɔgbe kpoye. Ehin wutɔ, nɔgbɛ onu na ye taŋu na ye a doɖo xɔse ado dwe. ¹⁴ Na ye ni ko mɔ dote do Jwifuye we hwenuxo manyo ota na ye kpodo ɛmɛkeye lɛ godo jɛtɔ oxo jɔxo ɔwe osɛnwunɔ ¹⁵ Onu ye xeɖeɖe nɔ le mimɛ ji na ɛmɛ keye mimɛ jiye . Vɔ ɛmɛke do adyvye, amɔ gbɛ xɔse ɖiɖo do Yesu Kliso ji ye, o nuti ɔn nɔ mɛna ye. A miyi eji-i, susu yetɔn ye kpodo ayixo yetɔn ye wɛ le ɖyuɖyu.

¹⁶ Yenɔ lɔnɔ bio, ye mɔn Mawu Vɔ dogbɔn odan yetɔnyemɛ, ye nɔ ɖexlɛ bio ye mɔ gbee ye nyi agblajɛtɔ, ɛgbe yetɔn bo xyɔ ɛwu, ye ko kpe wu na wa adan nywɛti.