¹ Pɔlu kpo Timɔte, Yesu Kliso we dansɔvi tɔn ye ke le Filipu, ŋukɔ nɔ tɔ ye, hamɛ mɛ gan ye; ² Gigo kpo ni nɔ kpo mi sɔ gbɔn mia tɔ Mawu kpo ovyɔ Yesu Kliso we unkɔ mɛ! ³ Ko kpa gigo na Mawu tɛ ye le hwɛ nu xixo mia tɔn ke ko hɛn, ⁴ Ke hɔn nɔ gbɔ jɔ le ɛɖɛ xixo mɛdo ta na mi, ⁵ mi ɖe jijwɛ tɛ ye xlɛ sɔ gbɔn do emɛ bio mi mɔ sɔ Mawu we oxo-ɔ sɔn azan tanti-ɛn gbun do va syɛ. ⁶ Ko ɖo kanɖe ji bio: ɛmɛ ke na tɔ e ji odan nywɛn ke ji le mia mɛ na wasi na mi jijwɛ ɖe le Yesu Kliso we azan gbe ⁷ E le vivɛ ɖe na ko na do flin mi mɛ bi ɖo ko hɛn mi do oji tɛ ye mɛ, oglo le bo we kan cica ye mɛ, oglo godo ni nɔ mɛ kpo do onu mɛ ɖiɖe wu le Mawu xo mɛ, mi mɛ ke na le ɛfɛnu ɖo kpo-ɛye kpo blɔ. ⁸ Ɖo Mawu wɛ nukwafo ke na ko nɔ xo mla kpo jijwɛ le Yesu Kliso mɛ ⁹ Ɖo ko na kanse le bo we ɛɖɛ xixo ye mɛ, ɖo mia we wannyi nyi jɛ e ji le onu nyi nyɔ mɛ kpo onu gɔn mɛ sise adodwe. ¹⁰ Le ovotintɔn le onu nywɛn ye mɛ, na mia do le kinkwɛn kpodo onu ma bɛ na ɛmɛ le Kliso we azan gbe, ¹¹ gɔkpo tinkun sisɛn ɛhwɛ jijɔ tɔn kena Yesu Kliso mɛ, gigo kpo sinsɛn Mawu tɔn. ¹² Ko jlo na mia nywɛn bio, nɔvi ye nu ke va na hɛn unkɔn yiyi na Mawu we oxo-ɔ. ¹³ Bɔ do ewu, le ɛhwɛ ɖɔ kpo kɔnfi bi ye, mɛ ke we kan cica mɔ le, ¹⁴ le mia nɔvyɔ ɖe ye le Kliso mɛ nɔ do hɔnhlɔnsɔ gbɔn kan cica tɛ ye mɛ, ye ɖo kanɖe ji na lɔ oxo-ɔ ke ye hɔn na vo-o. ¹⁵ Mɛɖe ye, e le oxojɔximɛ, nɔ jla Kliso we oxo-ɔ sɔ gbɔn ojro kpo gbigbɔ le onu dindɔn mɛ. ¹⁶ Vɔ mɛ gbokpo-e nɔ lɔ kpo ni nɔ mɛ onywɛn. Mɛ ki ye nɔ bu sus kpo wan nyinyi nywɛn bio ko mɔ le a mɔ do nɔ godo na Mawu xo-ɔ. ¹⁷ Vɔ mɛ ki ye, ɖo gbigbɔ onu dindɔn, nɔ lɔ Kliso we onu jijɔ ye ke hɔn kɔn ye kpo susu nɔ hɛn ɔgɔjijɛ le okan cica tɛ ye mɛ. ¹⁸ Ɖe kpo kpo-e? Le nonɔ mɛ ɖe kpo kpo-e mɛ e mɔ nyi ninɔ mɛ, e mɔ nyi vivɛɖe, Kliso hɔn jra viɖe: Oji nɔ jɔ, ko mɔ mlan jɔji de ji. ¹⁹ Ɖo, ko nywɛn bio e na trɔ hwɛn gan, sɔ gbɔn do mia we ɛɖɛ ye mɛ kpodo ɛmɛ kan kpɔn gbigbɔYesu Kliso tɔn. ²⁰ Gbɔndo ohun kuku sin syɔn tɛ ye mɛ kpodo onu mɛ gbingbɔn kena oŋu hɔn na do kpin-ɔn le unti mɛ. Vɔsiyɛ ɖi tɛgbɛ tɛgbɛ ha, Kliso na kpɔn gigo bo we gbaza mɛ kpo kanɖe ji ɖaxoɖe, alo ɛgbɛ tɛ ye mɛ, alo bo we oku mɛ; ²¹ Ɖo, Kliso wɛ nyi ɛgbɛ tɛ ye oku bo nyi ale tɛ ye ²² Vɔ, ele vivɛɖe le bo we na odan tɛ ye bio ko ɖo na le ɛgbɛ le gbaza mɛ, ko jro na lɔ onu ke ko ɖo na nyi wan na. ²³ E din do nu na nɔ le akpa ɔwe ye ji. Ko, ɖo ojro na do sɔn a bo nɔ kpo Kliso, nuke le vivɛɖe wɛ nyi onywɛn. ²⁴ Vɔ mɛ ye wɛ dɔn na e do le vivɛɖe bio ko mɔ le gbaza mɛ. ²⁵ Ko bo kan do eji, bo nywɛn bio ko mɔ na nɔ, a mɔ le kpo mi mɛ bi, ɖo mia we unkɔn yiyi kpodo jijwɛ kpinkpɔn xɔsemɛ. ²⁶ Na, bo we titrɔ va le mia xa mia nɔ ɖo le blɔ mɛ ye yiyla susu le Yesu Kliso mɛ. ²⁷ Vɔ, mi kplɔ mia ɖe le ninɔ mɛ ke jɛ kpo Kliso we oxo-ɔ, na ko mɔ bu, ko mɔ se ye lɔ do mia wu bio mi mɔ le sinsyɛn -xu le gbigbɔ ɖokpo mɛ, le ahwan le okla ɖokpo-ɔ ye mɛ na kinkan de ji oxo-ɔ tɔn. ²⁸ Na kɔn na do jomido le vivo ti mɛ le mia we le mia we kintɔ ye mɛ, kena va nyi ye tɔn we nyi tintɛn kpɔn cincrɔn tɔn, vɔmia tɔn wɛ nyi hwlɛn gan; ²⁹ le exin le Mawu mɛ, ɖo e wasi ɛfɛnu na mi, le ɖi le Kliso, e ɔn nyi bio mia na kande ji; doɖyo hwɛn, vɔ a se vivɛ ni. ³⁰ a bo kpe e wu ɛvun ɖo kpo ye mɛ ke na mi kpɔn ko xo-ɔ, kena mi kplan nɔ syɛ na kpedo wi ye.