¹ Yesu Kliso, Ovi Mawu tɔn we oxo we tituɛ ji xɛn nyi ke. ² Ɖi ke e nyi wiwlan le Mawu dan watɔ Ezayi we wema mɛ ɖo ha: "Kpɔn, ko sɔ bo we ɛŋɛn dotɔ ɖo unkɔ na we, mɛ ke omɔ ɖo na we nɔ ³ Ogbe mɛ ɖe tɔn ke ɖi le ozogbe ji nɔ: "Jra Xwetɔ we omɔ ɖo, jɔ omɔ." " ⁴ Jaan va, ŋlɔn ɛmɛ le zogbe ji nɔ bo lɔ nyiŋlɔn jimɛ titrɔ tɔn na ɔgɔ sɔkɛ ɛmɛ tɔn nɔ. ⁵ Jude kpo Jeluzalɛmu we oto gun bo yi Jaan kɔn nɔ. Jaan nɔ nylɔ ye le Joudin we otɔ mɛ, ye mɔ lɔ onu vwuɛn ke ye wa ye. ⁶ Awu ke Jaan nɔ do-ɔ yi lakumi we gbaza okan ke e nɔ do bla ogo jiɔ nyi gbaza, Jaan nɔ ɖu kpawle a bo nu owisi nukanmɛ tɔn ⁷ Jaan o jra bo lɔ nɔ: " Le bowe godo ɔ mɛ ɖe na va ke mɔ ɖo hɔnhlɔn wu, kɔn jɛ na wi le unkɔn ni na do tun fɔkpa kan etɔn. ⁸ Ko nylɔ mi kpo ɛsi, vɔ e na va nylɔ mi kpo Gbigbɔ Ɖedovo." ⁹ E bo va va e mɛ le gbe ɖokpo wɛ Yesu Nazalɛti tɔn bo gbɔn Galile , bo va , Jan bo lɛ Mawu we ɛsin nii le Judɛn we otɔ-ɔ mɛ. ¹⁰ Le ganke mɛ na Yesu o tɔn le ɛsin-ɔ mɛ nɔ , e kpɔn Jinukunsin hun , gbigbɔ kinkwɛn bo jɛ ote do e ji leɖi hɔnnɛ ha. ¹¹ Ogbe ɖe bo sɔn jinukunsi:« o nyi ovi wannyi na nɔ tɛye. O nyi jijɔwɛ na.» ¹² Gbigbɔ kinkwɛn bo kple do yi zogbeji. ¹³ E bo nɔ zogbeji na azan kanɖe, lɛgba bo tin kpɔn .Yesu bo le kanlin wadan ye mɛ , dɔla bo va na onu ɖuɖu wi. ¹⁴ Ke ye wle Jan , Yesu yi Galile bo ve lɔ Mawu we oxo, ¹⁵ bo lɔ nɔ bio:« O gan xo , ogaɖuxwe Mawu tɔn kpɔ. Mi trɔ jimɛ a bo kanɖo ɛwɛn nyɔnɛ-ɛ ji.» ¹⁶ Ke Yesu o gbɔn ɛxu-ɔ to nɔ le Galile , e kpɔn Simɔn kpo Andre , Simɔn nɔviɔ ye bo da oɖɔ nɔ, ɖo oɖɔ datɔ we ye nyi. ¹⁷ Yesu bo lɔ na ye bio:« mi va , mi xodo , ko na na mi na nyi gbɛtɔ hwlin gantɔ.» ¹⁸ Zɔnɖokpo , ye jo oɖɔ ye tɔn ye do bo xo doe. ¹⁹ Ke Yesu mɔn yi ŋkɔn viɖe-ɔ , e kpɔn Jaaki ke nyi Zébede we vi yi kpo nɔviɔ Jan kpo ; ye bo le otɔ jihun-ɔ mɛ , bo jla oɖɔ ɖo nɔ. ²⁰ Yesu yɔ ye , ye bo jo ye tɔ Zebede do kpo odanwaviye do bo xo do Yesu. ²¹ Ye bo yi Kapɛnahumu , le gbɔjɔwɛ we azan gbe-ɔ Yesu bo yi cɔci xɔ mɛ a do kplan onu ɛmɛ ye. ²² Onukplan ɛmɛ Yesu tɔn kpaca wu ye , ɖo e lɔ oxo kpo ɛcɛ kpikpa kpo ɔnɖi siklibu tɔye can. ²³ Le ganxixo xin mɛ pɛpɛpɛ ,ŋglo ɖe le cɔcixɔ mɛ ke gbigbɔ nylankan wɛ gɔ e mɛ , e bo do axwa nɔ. ²⁴ Bo lɔ nɔ bio:« onu ni lɛ mi wa na we , Yesu Nazalɛti tɔn ? o va a do gumi wɛ ? ko nyɔn ɛmɛ ke o nyi , o nyi ɛmɛ kinkɔ, Mawu tɔn !» ²⁵ Yesu ɖegbe do gbigbɔ ji bo lɔ ni bio:« E ya bɔ nu bleŋ a bo tɔn le emɛ!» ²⁶ Gbigbɔ nylankan bo ko-ɛ xu ŋkundanmɛ bo tɔn le emɛ kpo axwa kpo. ²⁷ E bo jɔjina ɛmɛsiamɛ , ye bo kan yeɖe se nɔ bio:« onu ni lɛ jɔ ke ? onu kpinkplan yoyo kpo ɛcɛ kpikpa kpo ? e nɔ ɖegbe gbigbɔ nyanyla ye mɔn tɔn a bo se ogbe ni» ²⁸ Onu ke jɔ gbakpe zɔnɖokpo gbɔn kansin-ɔn mɛ bi kpo Galile we kansin mɛ. ²⁹ Ke Yesu tɔn le cɔcixɔ mɛ , e yi Simɔn kpo Andle we oxwe gbe ye kpo Jaaki kpo Jan kpo. ³⁰ Simɔn si nɔn ko le ozan , vivo cɔnɛ ye bo lɔ na Yesu. ³¹ Yesu bo yi bo wle ɔlɔ nii bo kɔ-ɛ site vivo-ɔ bo tɔn le e mɛ e bo na ye onu ɖuɖu. ³² Le xwedo , ganke mɛ na oxwe osin oxɔ nɔ , ye hin ɔdɔn nɔ bi do va na Yesu kpo ɛmɛ ke gbigbɔ nylankan o do hannu na nɔ ye. ³³ Oto-ɔ bi va bo le agbonu. ³⁴ E gɔ ɔdɔn na ɔdɔn nɔ ye bi , kpo ɔdɔn voe-voe ye bo nyan gbigbɔ nylankan ye le ɛmɛ susu ye mɛ , vɔ ɔn nɔ na ogbe wu gbigbɔ nylankan ye bio ye mɔn lɔ oxo ɖo e nyɔn ye. ³⁵ Yesu ya wu fɔn le keklenu , le ganke mɛ na gbɛ mɛ ɔn vo , e sin ofi ke ɛmɛ ti ɔn le bo ve xo ɛɖɛ le blɛ. ³⁶ Simɔn kpo ɛmɛ ke le kpoe ye ta Yesu kinkan. ³⁷ Ye sɔn ve kpɔnɛn bo lɔ nii bio:« ɛmɛ siamɛ wɛ kan we nɔ». ³⁸ E ɖo ewu:« Moan sin ofi bu le oto-ɔ we akpa bu mɛ , na ma mɔn ve lɔ Mawu we oxo le blɛ can odan xin wɛ dɔn na ko do va bwɛ.» ³⁹ Ye gbɔn Galile-ɔ bi , Yesu bo lɔ Mawu we oxo gbɔn cɔcixɔ ye bi mɛ , bo nyan gbigbɔ nylankan ye. ⁴⁰ Okpo dɔn nɔ ɖe va Yesu kɔn , bo ɖe kuku nii bo jɛ klita bo lɔ ni bio:« Na ojlo okpodɔn tɛye na gɔ na.» ⁴¹ E ɖu dɔnu na Yesu , Yesu bo drin ɔlɔ itɔn tɔwe bo lɔ ni bio:« Ko jlo , okpo dɔn tɔwe ni gɔ» ⁴² Zɔnɖokpo-zɔnɖokpo okpo dɔn tɔn le emɛ , e bo kpɔn ɔdɔn gigɔ. ⁴³ Yesu bo gbɛ ni bio ni mɔn ko mɔn lɔ na ɛmɛ ti bo lɔ nii bio ni mɔn va sɔn. ⁴⁴ E bo mɔn lɔ nii:« Kpɔn ɖiweji ka mɔn lɔ oxo na ɛmɛ ɖe. Vɔ va sɔn , ve sɔ ɖiwe sɔ xlɛ ɔvɔsan tɔye , a bo na onu do ota na ɔdɔn gigɔ tɔwe leɖi ke Mɔnyizi we osɛn lɔ-ɛ ɖo ha na do nyi kunnu ɖiɖe na ye.» ⁴⁵ Vɔ e tɔn bo ta lilɔ na ɛmɛ bi , oxo-ɔ gbakpe gbɔn oto-ɔ bi mɛ gbun Yesu ɔn kpewu na tɔn a ɖisa ccan. Ke ele emɔn Yesu gbɛ ci ofi ɖokpo le ofi ke ɛmɛ ti ɔn le , ɛmɛ ye bo sɔn ofiye bo va e kɔn nɔ.