¹ Azan yɔyɛ ɖe ye we godo ɔ, Yesu trɔ yi Capenawumu. Ɛmɛ ye bo se bio Yesu mɔ trɔ va yi xwegbe. ² Ɛmɛ ye su gba gba bo bɔ ke na tɛnxo ti hɔn mɔ le, gun do jɛ agbo mɔ nu. Yesu bo lɔ Mawu we xo ɔ na ye nɔ. ³ Mɛ ɖe ye va bo hɛn unsunglo ke kpli bɔ-ɔ va na Yesu, ke unsunglo ɛnɛn kɔ. ⁴ Yɔn kpe wu na hɛn ɔdɔn nɔ do yi Yesu kɔn do ɛmɛ ye su xunu. Ye hɛ oxɔ ta bo ɖe omɔn do oxɔ ta do Yesu we tamɛ. Ye sɔ ɛtɛkunɔ ke hlɔn onyi owlɛ kpo ji gbɔn omɔ ke ye ɖe le xɔta bo va jɛ ɔkɔn mɛ na Yesu. ⁵ Yesu kpɔn lɔ bio ɛtɛkunɔ mɔ ɖo xɔse a do kpɔn ɔdɔn gigɔ. Yesu lɔ na ɛtɛkunɔ:« Vi ye, ye sɔ onu vɛn tɔ we ye sɔ kɛ!» ⁶ Vɔ osɛn kplan ɛmɛ tɔ ɖe ye bo xunnɔnyɛ le blɛ kpo ye we ɛhwɛ jijɔ ye le ye we ayihamɛ. ⁷ « Na ɖe huanje ke na lɔ oxo ɖo emɔ ha ɖo? Ɔcɔn hwɛn E kɔn nɔ! Mɛ na sɔ onu sɔ kɛ ɛmɛ na ɔn nyi Mawu? » ⁸ Yesu nyiɔn le susu e tɔn mɛ bio ye mɔ bu tamɛ e mɔ ha tɔn nɔ le ye we ayihamɛ. E bo lɔ na ye: «Ŋni jɔ na mi do lɔoxo xi ye le mia we oji ye mɛ nɔ? ⁹ Ŋni-i lɛ le fifa ɖe na ko na lɔ, ye sɔ yi we nu nynyla ye sɔ kɛ we alo cite sɔ yi we owlɛ kpo tɔ, we, a bo sɔn? ¹⁰ Vɔ na mia do nywɛn ɔ bio gbɛtɔ we viɔ mɔ ɖo ɛcɛ kpikpa na sɔ kɛ ɛmɛ le ŋkun dan ji ɔ, Yesu lɔ na ɛtɛku nɔ lɔ bio: ¹¹ « Cite! sɔ yi we oxwlɛkpo na sɔn!"» ¹² Hwanje ɔ bo cite bo xɔ yi we odyɛn bo sɔn je mɛ bi we ŋmɛ. Oji jɔ ye mɛ bi ye bo kafu Mawu nɔ bo bio: « Mi ɔn kpɔ ŋkeha kpɔn.» ¹³ Yesu lɛ le Kapɛnawumu bo gbɔn otɔ to. Otogun ɔ ye bo va Yesu kɔn bo kplan onun wu ye. ¹⁴ Le Yesu we sisɔn mɛ ɔ, E kpɔn Levi ke nyi Alufee we viɔ o jɔ takwɛ no. Yesu bo lɔ nɔ bio:« Xo do» E bo xodo Yesu . ¹⁵ Le ogan bu mɛ ɔ, Yesu ɖu onu le Levi we oxwe gbe yi kpo takwɛ jɔtɔ ye nuvwɛn watɔ susu, do ye su bo do xodoe . ¹⁶ Ke osɛn kplan ɛmɛ tɔ ye kpo Falizitɔ ye kpɔn Yesu o ɖu on,u kpo takwɛ jɔtɔ ye kpo nu nynyla wasi tɔ yer, ye kan se onu kplan vi E tɔn ye bio: « Ŋni-i jo na E do ɖu bo nu onu kpo nuvwɛn watɔ ye kpo do takwɛ jɔtɔ ye kpo nɔ? ¹⁷ Ke Yesu se oxo ɔ, E lɔ na ye bio: « Ɛmɛ nywɛn ɔn nyan doto vɔ ɔdɔn nɔ ye wɛ hyan. Kɔn va na ɛmɛ jijɔ kɔn vɔ ɛmɛ nynyla ye kɔn wɛ ko va.¸» ¹⁸ Onu kplan vi Jaan tɔn ye kpo Falizitɔ ye o bla onu nɔ. Mɛ ɖe ye bo kan Yesu se nɔ bio:« Ŋni-i jɔ na Jaan kpo Falizitɔ ye obla onu nɔ vɔ tɔwe ye ko nɔ bla nɔ?» ¹⁹ Yesu bo ɖe e wu na ye bo lɔ bio: «Man kan mi se ye yi ɔlɔ wiwle we tɛn xo ɔ mɔ nɔ bla onu le gan ke mɛ na ŋglo ɔ le ye kɔn wɛ? Gbun do va jɛ gan ke mɛ ŋglo na nɔ ye kɔn ɔ ye ɔn kpe wu na bla onu. ²⁰ Vɔ gan ke mɛ e na lɛ ye kɔn wɛ ye na ta onu bi bla. ²¹ Mɛ ti ɔn nɔ ci ɔvɔ yoyo do xixo wu, ɖo ɔvɔ xixo nɔ va lɛ le yoyo ɔ wu, yoyo can bo nɔ vu le xixo ɔ wu. ²² Mɛ ti ɔn nɔ kɔn vɛn yoyo do oka xixo mɛ, ɖo e na tɔn oka ɔ, yi wɛ vɛn kpo oka na gu. Vɔ, ye nɔ ɖo vɛn yoyo do oka yoyo mɛ. ²³ Le gbɔjoɛ zangbe ɖo kpo ɔ, Yesu gbɔn ɛji we gle ɖe mɛ, yi we onu kplan vi ye bo gbɛn ayi nɔ. ²⁴ Falizitɔ ye bo kanse Yesu bio: « Koɔn ŋni-i jɔ onukplanvi tɔ we ye wa onu ke ɔn jɛ na ye na wa le gbɔjɔɛ zan gbe nɔ?» ²⁵ E bo ɖo e wu ye lɔ bio: « Mi ɔn xlɛ nu ke Davidi wa le gan ke mɛ xovɛ ci nɔ wɛ. ²⁶ Mi ɔn xlɛ ke na e ɖyɛ Mawu oxwe gbe le gan ke mɛ Abiata nyi ɔvɔsantɔ ɖaxo, bo do ɖu kpɔnɔn kinkɔn ( nuke na ɔvɔsantɔ ye ɖo kpo ye nɔ ɖu ɔ, keŋu mɔ na ɛmɛ ke zɔn kpoe ye wɛ?» ^{27 28} Yesu lɔ bio:« Ye wan gbɔjɔɛ zan na ɛgbɛ ɔ wɛ, ɔn nyi ɛgbɛ ɔ nwɛn ye wasi gbɔjɔɛ zan na Yi wɛ dɔn ɔ, ɛgbɛ tɔ we Vi nyi xwetɔ na gbɔjɔɛ zan ɔ.»