¹ Gan ke mɛ Yesu jɛte le otoɔ ji, oto gun susu hadwoe . ² Mi kpɔn okponɔn ɖokpo va e kɔn bo blibɔ gbɔn okɔ mɛ nɔn le ŋkɔn ni bo lɔ nɔ: "xwetɔ na odjro o na gɔ ɔdon na ." ³ Yesu drin ɔlɔ bo kpwoe bo lɔ nɔ bio: "Ko djro, kpɔn ɔdon gigɔ." Zɔnɖokpo-ɔ, okpo dɔn bo gɔ ni. ⁴ Yesu bo lɔ ni: " Bo ka lɔ na ɛmɛ ɖe. Yi a bo ve sɔ ɖiwe xwlɛ u ɔvɔsan wasitɔ ye a bo wasi ɔvɔsan ke Moyizi lɔ na ɖo yin wasi kpɔ de u tɔ na ye." ⁵ Gan ke mɛ Yesu diɛ Kapɛnaumu, sɔja kanwe ko we gq tɛ kpɔ wi. ⁶ Ɛ fan kue ni nbo lɔ ni nɔ: "xwetɔ, bo we odansɔvi hlɔŋyi le xwegbe e bo kpɔbɔ e bo se vivɛ nɔ taŋ." ⁷ Yesu lɔ ni: " Ko na yi e kɔn a bo ve gɔ ɔdon ni." ⁸ Vɔ sɔja kanwe ko we ga ɖe wu ni: " Xwetɔ, kɔn jɛ na a kpe u ɖiɛ oxwe tɛ ye gbe; vɔ lɔ oxo ɖokpo, bo we odan sɔtɔ na kpɔn ɔdon gigɔ. ⁹ Ɖo bo can ko nyi mɛ ɖe bo le ɔgɔ na ɛcɛkpikpa, ko bo ɖo sɔja ye keko nɔ dɔ odan u . Ko nɔ lɔ na mɛ ke "yi" e bo nɔ yi, na mɛ bu " va " e bo nɔ va. Na ko lɔ na bo we odansɔtɔ: " Wasi e ke " e nɔ wasi ." ¹⁰ Ke e ɖo oto wi vɔ, e kpa ca wu Yesu e bo lɔ na mɛ ke hadue ye: " Le oxo jɔ xo mɛ-ɔ ko lɔ mi nɔ, kɔn kpɔn ɛmɛ ɖe le Izlayɛli ke ɖo xɔse ɖi mɛ ke ha. ¹¹ Ko lɔ na mi nɔ, ɛmɛ susu na sɔn ohwe zɛdo kpo ohwe yi hɔ ye bo na va hun nɔ oŋyi le ɔkplɔn kɔn kpo Ablaxamu, Izaki sɔ kpe Jakɔbu le xɔluɖuwe le jiŋkusin ye . ¹² Vɔ vikpɛ xɔluɖuxwe tɔ ye na da ye do gaji le vluvlu mɛ, fi ke aɖu kunkun ɖuɖu, kpo avi na le." ¹³ Yesu lɔ na sɔja ga: " va sɔ ! ɖi ke o xɔse ɖo ha, ni va e mɛ na we ɖo e mɔ ha." Odansɔtɔ e tɔn bo kpɔn ɔdon gigɔ le ogan xixo hŋi mɛ. ¹⁴ Gan ke mɛ Yesu ɖyɛ Pita xwe-ɔ e kpon Pita sinɔ ke vivo cɔn e bo hlɔ oŋyi . ¹⁵ Yesu kpo ɔlɔ ni, vivo bo glo ni, e bo cite bo ta kpikpedo e u. ¹⁶ Ke xwedo do-ɔ, ye hin ɔdon nɔ va na Yesu nɔ ɛme ke gbigbɔ nyinylan odo hannu na nɔ, gbɔn oxo lilɔ ɖo kpo mɛ ye e nya gbigbɔ nyinylan ye, bo gɔ ɔdɔn na ye ɛmɛ ke jɛ ɔdonye bitu. ¹⁷ Ɛxlɔn oxɔ ke na oxolɔɖonyi tɔ ɛzayi lɔ nɔ de cɛ . Ɛzayi lɔ bio: "Ebɛ ɔdon mian tɔn ye bo ɖiɖa mian we ɛtɛkuku ye." ¹⁸ Gan ke mɛ Yesu kpɔn ɛmɛ susu ke na lɛdo-e, e lɔ na onukplanvi iton ye bio hye a mɔn gbo oyɔ a bɔ yi ago ɖyɔ ji ¹⁹ .Osɛn kplantɔ ɛmɛtɔ ɖe te va ikɔn, bo lɔ ni-i bio: " Onukplam-ɛmɛtɔ, kɔ na xɔ do we a do yi,ofi ɖekpokpe ke o nayi." ²⁰ Yesu bo ɖo ewu ni bio: " Owɔ ye ɖo ogun ke mɛ na ye nɔ nɔ, oxe ke nɔ dɔn gbɔn jɛhɔn mɛ ye bo ɖo ɔdɔ, vɔ ɛgbɛtɔ we vio ɔn ɖo ofi ke na e na sɔ ota sɔ ɖo.". ²¹ Ɛmɛ bu le onukplanvi itɔn ye mɛ, bo lɔ ni bio:" Xwetɔ na ogbe wu na ma ve ɖi didɛye gboxwe." Vɔ, ²² Yesu lɔ ni bio:" Xodo-o a bo jo ɛmɛ kuku ye do na ye a ɖi ɛmɛ kuku ye tɔn ye." ²³ Yesu ɖyɛ tɔjihun mɛ, onukplanvi itɔn ye bo ɖyɛ imɛ bo do xodo-e. ²⁴ kpoŋ ɔ jɛhɔn sinsyɛnxu ɖe bo tɔ xixo le otɔ ji, gbun ɛsin bo nɔ va kɔn do tɔjihun-ɔ, vɔ Yesu bo dɔ ɔwlɔn nɔ. ²⁵ onukplanvi ye yi e kɔn, bo fɔn-ɛ, bo lɔ ni lɔ bio:" Xwetɔ, hwlɛn mi gan mi ba ku nɔ!" ²⁶ Yesu bo lɔ na ye bio: " Ŋuni jɔ mi do vo nɔ, ɛmɛ xɔse vi nɔ yen?" E bo site bo ɖe ogbe do jɛhɔn kpodo otɔ kpo, oɖa bo ɖo se cɛn. ²⁷ Ekpaca do ye, ye bo lɔ nɔ lɔ bio: " Dahwe ni ha lɛ nyi klɔ, gbun jɛhɔn ye kpo otɔ bo nɔ se otonu ni-iʔ" ²⁸ Ke na Yesu ve jɛ te le otɔ godo-ɔ, le Gadalɛmutɔ ye we kansin mɛ, dahwe ɔwe ke mɛ na gbigbɔ nyinylan le, tɔn sɔn yɔgun ye mɛ bo va kpe-e. Dahwe ɔwe xin ye-ɔ nɔ wa danu taŋ, ɛmɛ ti hɔn nɔ kpewu nɔ gbɔn omɔxlɔn ji can. ²⁹ Yee tɔ ahwa dido, bo lɔ nɔ lɔ bio:" Mawu we vi, un ni ojro na mi? O va bwɛ ado va do vivɛsise na mi gbɔxwe vivɛsise-ɔ we ogan a va xowɛ-ɛ?" ³⁰ Le dindyɔnnu vide, oha susu gbagbagba ɖe ye le blɛ bo kan onu ɖuɖu nɔ . ³² Gbigbɔ nyinylan ye bo ɖe kuku na Yesu nɔ lɔ bio:" Na o na nya mi, sɔ mi ɖodan oha xin ye mɛ ." ³¹ Yesu bo lɔ na ye bio:"Mi yi " Gbigbɔ nyinylan ye tɔn bo ɖyɛ oha xin ye mɛ. Oha susu gbagbagba ye bo bɛ xwedun gbligbligbli sɔn oto ji bo ɖyɛ otɔ mɛ, bo ku. ³³ Ɛmɛ ke na cɔ ohan ye nɔ si bo ve lɔ oxo-ɔ bi gbɔntoxo-ɔ mɛ ye bo lɔ onu ke jɔ na ɛmɛ owe ke mɛ na gbigbɔ nyinylan ye tɔn le-ɔ . ³⁴ Mi kpɔn toxo-ɔ mɛ tɔ ye bi tyɔn bo va kpɔn Yesu, ke na ye kpɔn-ɛ, ye ɖe kuku ni-ibio ni mɔ lɛ le kansin nyetɔn mɛ.