¹ Onyihinhɔn ɔtɔngɔ gbe we godo ɔ, ye bo ɖo ɔlɔ wiwle le Kana le Galile, ye we onɔ Mali yi blɛ ɔ. ² Ye yɔ Yesu kpodo yiwe onukplanviye can do ɔlɔ wiwle ɔ we tenxo. ³ Oganke mɛ na vɛn vɔ do ye ɔ , Yesu onɔ Mali lɔ na Yesu bio:«Ye ɔn mɔ ɖo vɛn mɔ» ⁴ Yesu ɖewu ni-i bio:«Nahwe, ŋuni kan bo kpo yi kpo le oxo ke mɛ? Ogan tɛ ye ɔn ka-a xo.» ⁵ Onɔ lɔ na odansɔviye bio:«Mi wasi onu ɖekpekpe ke e na lɔ na mi. ⁶ ɛkpɛn we Dagba atrekpo bo le blɛ ɔ, Jwifuye nɔ dun ɛsin do ye mɛ a do sra ɛwu. Dagba ɖokpo nɔ hɛn ɛsin lita kanweko. ⁷ Yesu lɔ na onu ɖuɖu matɔ ye bio:«Mi dun ɛsin do dagba ke ye mɛ , gun ye ni-i gɔ.» Ye bo dun do ye mɛ gun ye bo gɔ fleflelfle. ⁸ Yesu lɔ na odansɔviye bio:«Mi ba, a mɔ sɔ yi na onuɖuɖu matɔ ye we oga ɔ» Ye bo wasi emɔ. ⁹ Ke onu ɖuɖu matɔ ye we oga ɔ ɖɔ ɛsin ke lɛ zun vɛn, ɔn nyɔ ofike na vɛnti ɔn (vɔ onuɖuɖu matɔ ye ke dun ɛsinyɔn ofi ke ye hɛn sɔn). Yi wɛ ye yɔ asisu nɔɔ bo lɔ ni-i bio: ¹⁰ «Vɛn nywɛ ɔ wɛ ɛmɛ ye nɔ na ɛmɛ ye jɛ ŋukɔn , na , ekpe ye vɔɔ, ye nɔ va na ye ke ɔn nyɔhwin ɔ, ɔn vɛ oho, le ogan ke mɛ ɛmɛ ye mu ahan, vɔ, lɔ ohɛn vɛn nywɛ wu hbɔɔn bo va dosye.» ¹¹ ŋudandonuxin-ɔ le kana, Galile, wɛ wɛ nyi tantyɛntɔn ke Yesu wasi bo sɔ gigo itɔn sɔ xlɛ onukplanvi itɔnye na ye ni ɖo kanɖe ji ni-in. ¹² E xin godo ɔ, Yesu jɛ te do Kapɛnawumu kpodo onɔ, kpodo onukplanviye, kpodo nɔvyɛ ye, bo nɔ blɛ ɔ na azan oviiɖe. ¹³ Viva yi we oxwe Jwifu ye tɔn o kpɔ, yiwɛ Yesu yi Jeluzalɛmu. ¹⁴ E kpɔn le cɔci xɔmɛ, nyibusatɔye, ogbɔsatɔye kpodo hɔnnɛ satɔye kpo. ɛmɛ ke ye nɔ ɖɔli oho na ɛmɛ ye can xinnɔ onyi le blɛ. ¹⁵ E bo wasi oxa kpo okanye kpo. Bo nya ye mɛ xeɖeɖe tɔn sɔn cɔcixɔ ɔmɛ, gbɔɔn do jɛ nyibu ye kpodo ogbɔ ye can ji. E sɔ ɛmɛke ye ɖɔli oho na ɛmɛye nɔ we ohoye sɔ kunhun, bo fli ɔkplɔn yetɔn ye cɔn ŋumɛ nyini-i. ¹⁶ E bo lɔ na hɔnne satɔye bio:«Miɖe onu ke ye tɛyi le bwɛ. Miko mɔ sɔ Didɛye xwe sɔ ɖo ɔjɔxwe. ¹⁷ Onukplanvi itɔnye va flin bio, ye wlan bio:«Owan nyinyi ɖaxo ke ko ɖo na oxwe tɔwe ɔ, hunzo le dɔmɛ na nɔ.» ¹⁸ Yiwɛ Jwifu ye we oga ye, ɖewu ni bio:Josi ni lɛ o sɔ xlɛmi do ɖo ɛkpɛ onu ke o wlan nɔ ye jinɔ?» ¹⁹ Yesu ɖewu na ye bio:«Mihɔ cɔcixɔ ke le onyi hinhɔn ɔtɔn mɛ ɔ ko na trɔ gbe e.» ²⁰ Jwifu ye we oga ye lɔ bio:«ye sɔ oxwe kanɖe atrekpo bo sɔ tun cɔcixɔ ke, yiwɛ lɔ o na sɔ onyi hinhɔn ɔtɔn atrɔ tun-i?» ²¹ Yesu lɔ cɔcixɔ we oxo nɔ ɔ , yi we agbaza we oxo wɛ e lɔ nɔ. ²² Ke e fɔn sɔn ɛmɛ kuku ye mɛ vɔ, yi we onu kplanvi ye va flin bio e mɔ lɔ oxo mɔxatɔn nahiye bo ɖinu na winwlan kinkɔnye kpodo oxo ke Yesu lɔ naye. ²³ Ke ele Jeluzalɛmu na vivayi we oxwe ɔ le oxwe ɔwe ogan me ɔ, ɛmɛ susu yise bo ɖinu ni-i, do ŋudandonu ke e wanɔ ye wu. ²⁴ E le mɔ ganke , Yesu ɔn sɔ susu itɔn sɔ ɖo ye ji, ɖo e nyɔ le ɛmɛ ye xeɖeɖe. ²⁵ ɖo, ɔn hian bio, ɛgbɛtɔ a ɖe kunnu na ɛgbɛtɔ na he, ɖo enyɔ onu ke le ye we ojimɛ.