1 Sɔn titɔ ɛjin wɛ oxo ɔ le , oxo ɔ bo le kpodo Mawu ɔ , oxo ɔ bo nyi Mawu. 2 Sɔn titɔ ɛjiɔ e bo le kpodo Mawu ɔ. 3 Ye wasi onuye xeɖeɖe do gbɔn emɛ. Onu ke ye ye wasi ti ɔn nyi wiwasi na ɔn nyi wiwasi na ɔn nyi i mɛ wɛ. 4 I mɛ wɛ ɛgbɛ ɔ nɔ nɔ , ɛgbɛ ɔ bo nyi kinklɛn ɛgbɛtɔ yetɔn. 5 Kinklɛn ɔ bo dazonɔ le vuvlu ye mɛnɔ , vɔ , vuvluye ko kpewu bo xo-e ci. 6 ɛmɛɖe bole , bo nyi ɛmɛ dindɔn Mawu ɔ tɔn , i we nyikɔ nyi-i Jan. 7 E va nyi kunnu ɖetɔ ha , bo na va ɖe kunnu na kinklɛn ɔ ; na ɛmɛ ye xeɖeɖe na ɖo xɔse dogbɔn i mɛ. 8 Jan ɔn nyi kinklɛnɔ , vɔ , e va bo na ɖe kunnu na kinklɛnɔ. 9 Kinklɛn adodo-e ke nɔ na kinklɛn ɛmɛye xeɖeɖe wɛ ,va ɛgbɛ-ɔ mɛ. 10 ɛmɛ ke le ɛgbɛ-ɔ mɛ , bo nyi ɛmɛ ke ɖo ɛgbɛ-ɔ , vɔ ɛgbɛ ɔ , ko nywɛ. 11 E va yi we ɛmɛ ye kɔn , vɔ oto gun yitete ɔ tɔn ɔn yi-i. 12 Vɔ , ɛmɛ ke ye yi-i ye ɔ , bo ɖo xɔse le yi we nyikɔ mɛye , E na ye ɛcɛ ye do lɛ zun ovina Mawu , 13 Ke ye ye ji , eko nyi do gbɔn ɛhun mɛhwɛn , eko mɔ nyi do gbɔn agbaza we ojlo mɛhwɛn , ɔnyi ɛgbɛtɔ we ojlo , vɔ Mawu we ojlo. 14 Oxo Mawu tɔn , lɛ zun agbaza lan bo nɔ miamɛ. Mikpɔn yi we gigo , gigo ɖeke ɖi ɛmɛ ɖokpo ke sɔn Mawu kɔn we gigo , ke gɔ na ɛfɛ nu kpodo oxojɔ xo. 15 Jan ɖe kunnu na iɖe bo do axwa:«ɛmɛ ke ko lɔ sɔn ewu bio :" ɛmɛ ke gbɔn ɔ , bo le ɛtɛ na , ye bo sɔ-ɛ bo sɔ ɖo ŋukɔn na; ɖo ele ŋukɔn na"» 16 E bo sɔ dɔkunonun yitɔn ye sɔ cɔn miaji , bo ɖɔli ɛmɛnuvivɛ etɔn ɖele ɖeji. 17 ɖo osɛn ɔ Moyizi jiwɛ ye sɔ na gbɔn , ɛmɛ nuvivɛ kpodo oxo jɔ xo wɛ ye sɔ gbɔn Yesu ji. 18 ɛmɛti ɔnkpɔn Mawu kpɔn: Mawu we ovyɔ ke le oto mɛ va sɔ ɖexlɛ mi. 19 Kunnu ɖiɖe Jan tɔn wɛ nyi eke ; ogan ke mɛ na Yudatɔye le Jeluzalɛmu bo ɖo ɔvɔsantɔye kpodo levitɔ ye kpo sɔ ɖodan ekɔn , na ye do va kan oxowi senɔ bio:«Mɛlɛ onyi ?.» 20 Jan lɔ oxo fifaɖe , e ko mɔ gbɛ , bo lɔ nɔ bio:«bo hwɛn nyi Kliso ɔ.» 21 Yi wɛ ye va kan xo wise bio:«Mɛlɛ onyi hi-in? Eli wɛ onyi ?» E lɔ bio: kɔn ɔn nyi e mɔ.» Ye lɔ ni bio:« Yi wɛ nyi oxolɔ ɖe nyi tɔɔ?» Eɖewu na ye bio:«oo» 22 Yi wɛ ye lɔ ni-i bio:«Mɛ lɛ o nyi » na mi na kpewu ɖewu na ɛmɛ ke ye ɖo mi ɖodan ye? ŋuni o lɔ sɔn ɖiwe wu nɔ?» 23 E ɖewu bio« ko nyi omɔ ɛmɛ ke nɔ do axwa le zogbe jitɔn:" Mijɔ xwetɔ we omɔ , ɖike Ezayi oxolɔɖenyitɔnlɔɛ ɖo ha". 24 ɛmɛ ɖeye ke Falizitɔye ɖododanye le blɛ bo kan oxo wisenɔ bio: 25 «ŋunijɔ olɛ Mawu we ɛsin na ɛmɛye nɔ , ke ɔn nyi Kliso , o ko nyi Eli , o ko nyi oxolɔɖe nyitɔ can?» 26 Jan bo ɖo e wu na ye , bo lɔ bio:«Blɔ ko lɛ Mawu we ɛsin nɔ kpodo ɛsin nɔ. ɖekpekpe ɔ , ɛmɛ ɖe le miamɛ ke mi ɔn nyɔ-ɛ. 27 ɛmɛ ɔ wɛ nyi ɛmɛke jɛ ɛtɛ na. Kɔn jɛ , bo na tun yi we ɔfɔ kpakanye.» 28 Onukeye jɔnɔ le Betani le Yɔdanu we otɔ we godo , fike Jan lɛ Mawu we ɛsin na ɛmɛye le nɔ. 29 Le ŋukɔn ɖiɖe gbe ɔ , Jan kpɔn Yesu gbɔnɔ , bo lɔ bio:«Mi kpɔn , Mawu we lɛngbɔvi ɔ , yiwɛ ba va hwlɛn ɛgbɛ ɔ xeɖeɖe gan sɔn onuvwɛnsi. 30 ɛmɛ ke ko lo na mi san bio , ɛmɛke le ɛtɛ na ɛhwɛn wu ; ɖo ejɛŋukɔn na. 31 Kɔn kpewu nywɛ , vɔ onyi onu na ye na sɔ ɖexlɛ Izlayɛli wɛ dɔn na ko do va a mɔ lɛ Mawu we ɛsin nɛ ɛmɛ.» 32 Jan ɖe kunnu :«Ko kpɔn gbigbɔ jɛ ote nɔ sɔn jihwe ɖi hɔnnɛ ha bo va nɔ ote do eji. 33 Kɔn kpewu bo nywɛ , vɔ , ɛmɛke ɖo dodan bio bo mɔ lɛ Mawu we ɛsin ni ɛmɛye lɔ na bio:«ɛmɛke ji ona kpɔn gbigbɔ na jɛ ote do a mɔ nɔ ote do eji , yiwɛ nyi ɛmɛ ke na do ɛsinta na ɛmɛye kpodo gbogbɔ kpo. 34 Ko bo kpɔn-ɛ , bo ɖe kunnu bio e mɔ nyi ovi Mawutɔn.» 35 ŋukɔn ɖiɖe gbe etɔn , Jan bo le kpodo onukplanvi etɔn ɔwe, 36 Ye kpɔn Yesu va yi nɔ, Jan lɔ bio:«Mikpɔn, lɛngbɔvi Mawutɔn hɛnxin!» 37 Onukplanvi ɔwe se oxo ke Jab lɔ , ye xo do Yesu. 38 Yesu trɔ okɔ bo kpɔn ye bo xodo-e , e bo lɔ na ye bio:«ŋuni mi kannɔ?» Ye ɖo ewu ni bio,"Rabi(Ke gɔn mɛ nyi bio onukplan ɛmɛ tɔ), fie o nɔ nɔ?" 39 Yesu ɖewu na ye bio:«mi va na mi a kpɔn.» Ye va bo kpɔn ofi ke Yesu nɔ nɔ. Ye bo nɔ blɛ kpo e le gbe xingbe , ke e xo ogan ɛnɛ nɔ le hwedo. 40 ɛmɛ ɖokpo le ye ɛmɛ ɔwe ye ke se Jan we oxo , bo xodo Yesu nɔ nyi Andle ke nyi Simɔ Piyɛ nɔvyɔ. 41 E va yi kpɔn nɔnvyɔ te te-ɔ Simɔ, bo lɔ ni-i bio:«Mi kpɔn Mɛsiya-ɔ(Ke we gɔnmɛ wɛ nyi Kliso» 42 E kple e do nyi Yesu kɔn. Yesu kpɔn ɛ bo lɔ ni bio:«Yi wɛ nyi Simɔ Jan we ovi. Ye na yɔ we bio Kefasi(yiwe gɔnmɛ wɛ nyi Piyɛ)» 43 ŋkɔn ɖiɖe gbe etɔɔn, ke Yesu ba lɛ nɔ a do sin Galile ɔ, e do ogo Filipu bo lɔ ni bio "xodo". 44 Filipu bo nyi Bɛtɛsida tɔ, otoxo ke nyi Andle kpodo Piyɛ kpo we oto. 45 Filipu do ogo Natanayɛli bo lɔ ni bio:«Mi xodo ɛmɛ wu Moyizi wlan onu do le osɛn kpodo oxolɔɖenyi ye mɛ ɔ, Yesu , Jozɛfu we ovi, ke nɔ sɔn Nazalɛti.» 46 Natanayɛli lɔ ni bio:«Onu nyɔhwin ɖe na kpewu tɔb sɔn Nazalɛti wɛ?» Filipu lɔ ni bio:«Va na o na kpɔn.» 47 Yesu kpɔn Natanayɛli gbɔnnɔ e kɔn nɔ , bo lɔ sɔn ewu nɔ bio:»Izlayɛli tɔ adodwe ɖe xɛn nyi eke ke mɛ ɛmɛ biblɛ ti ɔn le.» 48 Natanayɛli lɔ ni-i bio:«Na ɖe owa do nyɔ ɔ? Yesu ɖewu bo lɔ ni bio:«Keŋu gbɔxwe Filipu na yɔ we na o do le figitin gɔ ɔ, blɔ ko kpɔn we.» 49 Natanayɛli ɖewu ni-i bio«Rabi , ovi Mawu tɔn wɛ o nyi! Izlayɛli we xɔlu wɛ onyi-i.» 50 Yesu ɖewu ni-i bio:«Ke ko lɔ na we bio, ko mɔn kpɔn we le figitin gɔɔ, yiwɛ odo ɖo xɔse? O na kpɔn onu ɖaxo ɖaxo ye ke ye hu ogan emɔ.» 51 E bo lɔ bio:« Le oxo jɔ oxo mɛ ɔ, ko lɔ na we nɔ bio, o na kpɔn jinukunsin na hun , yi wɛ Mawu we Dɔla ye na yi jihwe nɔ, a mɔ jɛ ote nɔ do ovi ɛgbɛtɔ tɔn ji.»