¹ owanyiyi na ɛmɛ nɔviɔ ni yi eji na mi. ² Mi ka wɔn ɛmɛ yiyi, ɖo, dogbɔn e xi mɛ wɛ, ɛmɛ ɖɛye sɔ ɛmɛ jo yiyi sɔn xlɛ Mawu we ɛwɛn dotɔ le ma nywɛ mɛ. ³ Mi flin gankpamɛ nɔn tɔ ye, ɖi mi ɖo okancica kpoye. Mi flin ɛmɛ ke ye do hannu na nɔn ye ɖi mi le kpoye le ogan kpamɛ ha. ⁴ Ɛmɛ ɖokpoɖokpo ni do bubu yewe osu ɖiɖe, yewe nyɔnnu ɖiɖe wu. Osu kpo osi kpo ni nɔn ogbe ji na ye nɔn niɔn ye, ɖɔ Mawu na va ɖo kojo na alikpa nɔn ye kpodo ogalɔtɔ ye. ⁵ Wannan miatɔn ye ni gbɔn vo na owan nyi-nyi na oho. Onu ke mi ɖo ye ni kpe mi, ɖo Mawu tete lɔ bio:«Kɔn jo we do nɔn kpɔn, kɔn tɛyi le wu we nɔn kpɔn.» ⁶ Na mi na kpewu lɔ kpodo kandeji kpo bi ɔ:«Xwetɔ wɛ nyi ɛmɛke nɔn kpe do wu ye, kɔn vo na onu ti nɔn. Onunilɛ gbɛtɔ na kpewu wannan?» ⁷ Mi ɖoŋ do mia we ɛmɛ xixo ke kplɔ mi nɔn, bo lɔ Mawu we oxo na mi nɔn ye wu. Mi sɔ ɛgbɛ ke ye zan gbun do va nyi kuku tɔ, amɔn kpɔn do xɔse yetɔn wu. ⁸ Ke na Yesu Kliso le ɖo sɔn sɔɛ, emɔke wɛ ele le egbe gbun do yi mavɔ-mavɔ. ⁹ Mi ko jo mia ɖeye do na onukplan ɛmɛtɔ vovue buye oɖ, e nyɔhwui lɔ bio ayixa ɔ na likwiɔn do gbɔn ɛfɛnu Mawutɔn mɛ, e ko nyi do gbɔn osɛnke ye do do onuɖuɖu ɖe wu hwɛn. Ɛmɛ ke ye nɔ nyi osɛn xinye, ɔn nɔkpɔn ɔlɔtile yemɛ. ¹⁰ Miɖo ɔvɔsinsan we agba, ɔvɔsinsantɔ xɔmɛye, ɔnɖo ɛcɛ ɖuɖu onukeye ye do sa ɔvɔ le agba ɔ ji. ¹¹ Vɔ, kanlin ke ye we, ɔvɔsinsan ye nɔ wasi do onu nyanyla we tamɛ ɔ, ɔvɔsinsantɔye nɔ hɛn ye va ofi kinkwɛn, vɔ, ye nɔ tɔ ozoyz lz dindyɔnnu dan. ¹² Iwɛdɔn na Yesu do ɖu aya le toxo ɔ we godo a do sra ɛwu na otogun ɔ. ¹³ Iwɛdɔn, mi tɔn mia yi ikɔn amɔ ɖu ŋunya ɖokpo ŋumyɔ kpoe. ¹⁴ Ɖo miɔ ɖo otoxo ɖaxo ke na nɔ nyi tɛgbɛ le ɛgbɛkemɛ, vɔ eke ba va ¹⁵ Dogbɔn Yesu ji ɔ le hwe ɖe kpekpe nu, miasɔ ɔvɔsinsan kafu kafu tɔn sɔ ni-i, ke nyi, mi na yɔ yiwe nyikɔ. ¹⁶ Mi ko wɔn onu nywɛ wiwasi, amɔ kpedo mianɔnɔye wu, ɖo, ɔvɔsinsan xinye mɛ Mawu nɔn kpɔn jijwɛ le. ¹⁷ Mi nɔ setonu na kplɔtɔ miatɔnye, a mɔ sɔ miaɖeye sɔ hwe naye. Ɖo, ye nɔ wleobiɔ na okla ùiatɔnye le ogan sya ogan mɛ, a mɔ va jo akɔŋuta na Mawu. Mise tonu, na kplɔtɔ mitɔnye, na ye a mɔ nɔ jijwɛ mɛ, niko mɔ nyi kpodo ale nina kpo, ke ɔn ba nyi ɔle ti na mi nɔ. ¹⁸ Mi xo ɛɖɛ na mi , ɖo mi ɔ kandeji bio oji mia tɔn kɔn, mi ka nɔ a nɔ ɛgbɛ nywɛɖe le onu yexeɖeɖemɛ. ¹⁹ Ko biɔ mi vivɛɖe bio, mixo ɛɖɛ na ma yawu trɔ va ye yiya mɛ. ²⁰ Syɛ, fifa we Mawwu ke trɔ okɔ na kplɔtɔ ɖaxo alɛyetɔn, sɔn ɛmɛ kuku ye mɛ, xwetɔ mia tɔn Yesu, dogbɔn okancica mavɔ mavɔ we ɛhun mɛ. ²¹ E wasi jijlado na mi kpodo onu nywɛ ye na do wa yi we ojlo. Ni wa odan le mia mɛ, dogbɔn Yesu Kliso ji, ɖike enyɔ hwi ni bo nyɔ kpinkpɔn ni. Gigo ni yi-i, sɔn syɛ gbun yi mavɔ-mavɔ. Ni va emɛ! ²² Ko byɔ mi nɔ nɔvi ye, mi yi ŋusɛn do ɛmɛ we wema ke kpodo ɔgbɔxo ɖiɖo kpo ke ko wla na mi le kleŋumɛ. ²³ Mi nywɛ bio ye jo mia nɔviɔ Timɔte do. Bo kpo ekpo mi na va kpɔn mi zande. ²⁴ Mi do ogbe na mia we kplɔtɔ ye kpodo ɛmɛ kinkwɛn ye. Ɛmɛke ye le Italiye do ogbe na mi. ²⁵ Mawu we ɛfɛnu ni nɔ kpo mi ɛmɛ xɛɖeɖe.