¹ San, Mawu nɔn lɔ oxo na mian dagbo ye gbɔn xolɔɖenyi ye ji zɔnlɛn mun ɖe kpodo walɔ susu kpo. ² Vɔ le azan kiye mɛ, Mawu lɔ oxo na mi gbɔn oviɔ Yesu ji, ke nyi cinɔn ɖutɔ nubi tɔn. I ji ke wɛ Mawu ɖo ɛgbɛ ye le. ³ Iwɛ nyi gigo Mawutɔn , iwɛ ɛmɛ nyi nyi. Yesu hin nubi wu kpodo xo iwe hɔnhlɔn bu. Ke Yesu ku do mian nuvwɛn we tamɛ ye. E hin nɔn adusimɛ na iwe Mawu le tɛnxo ɖaxo mɛ. ⁴ Yesu hugan wu ɛwɛndotɔ Mawutɔn ye unkɔ ke na nyi nyɔn hwenu ye lɛye tɔn. ⁵ Ɖo ɛwɛnɖotɔ ni lɛ lɔ bio« Iwɛ nyɛn viye, ogbe ko lɛ Mawu otɔ tɔwe? bɔ dewu bu:«Ko na nyɛn Mawu otɔ na we, o bo na nyi ovitɛye?» ⁶ Ganke mɛna Mawu hin Yesu do va ɛgbɛmɛ, Mawu lɔ bio:«ɛwɛndotɔ Mawu tɔn bi ɖo na sɛn» ⁷ Ke kan ɛwɛn dotɔ ye, Mawu lɔ bio:«Mɛke nɔn sɔ ɛwɛdotɔ ye xɔ wasi gbigbɔ ye kpodo iwe dansɔvi ye xɔ lɛ ozo.» ⁸ Vɔ ke kan Mawu ovi ɔ, Mawu lɔ bio:«Iwe gaɖukpo, Mawu, tɛgbɛ. Xɔlu ɖuxwe tɔwe osɛn ye wɛ nyɛn ɛhwɛn jijɔ we osɛn ye. ⁹ O nyi wan na ɛhwɛ jijɔ bo gbɛ wan na onu nyinyla. Siɛ Mawu, iwe Mawu na ɛcɛ wu we kpodo amisis jijɔɛ tɔn hugan wu iwe xɔdotɔnye. ¹⁰ «Bibɛmɛ, xwetɔ Yesu o do ɛgbɛ we xɔ gun. Jinukunsi ye wɛ nyi iwe nu ke owasi kpo ɔlɔ ye. ¹¹ Ye na gu vɔ lɔ ona gbɛnkan ɖenu , ye na kudahwe leɖi nuzinzan ha. ¹² Ona ha ye lɛdi nuzinzan, ye bo na ɖɔli leɖi ha. Vɔ onyɛn mɛɖokpo ɔ iwe xwe hɔn na vɔ kpɔn.» ¹³ Vɔ ɛwɛndotɔ Mawu tɔn ni lɛn Mawu ɔn lɔ na bio:«Xinɔnyi nyɛn do bowe aɖusimɛ gun na ko na do sɔ iwe kɛntɔye xɔ wasi iwe fɔxomɛ tutunu»? ¹⁴ ɛwɛndotɔ Mawutɔn ye ti ɔn nyɛn gbigbɔ ke nɔn sɛn ke ye sɔ dodan na do kpedo mɛke na kpɔn hwlɛngan yewu?