¹ ɛmɛdidɔn Mawutɔn Pɔlu( vɔ ɔn nyin ɛmɛ didɔn gbɛtɔ ye tɔn alo gbɛtɔ ɖokpo, vɔ Yesu Kliso kpodo Mawu ji, ke na fuɛ sɔn ku.) ² Kpodo nɔvi le xɔse mɛtɔ ye ke na le kpo, na cɔcii Galati tɔn ye. ³ Na ɛfɛnu ni nɔn kpo mi kpo do fifa Mawu mian tɔ kpodo xwetɔ Yesu Kliso tɔn . ⁴ I ke sɔ iɖe sɔ sanvɔ do mian we nuvwɛn we ta mɛ, a do kpewu hwlɛn mi gan le oxwe nyin nylan siɛ tɔn mɛ gbɔn ojro mian we Mawu kpodo Mawu otɔ tɔn me. ⁵ Gigo na iwe unkɔn kak do yiɛgbɛ mavɔ-mavɔ. ⁶ E kpaca do bio mi mɔn nɔn gbe Mawu ke na yɔ kpo ɛfɛnu Kliso tɔn. E kpaca ɖo bio mi mɔn nɔn trɔ sin ɛwɛ nywɛn bu kɔn. ⁷ E klɔ hɔn nyi bio ɛwɛn nyi bu mɔn le, vɔ, mɛɖeye le bo nɔn hwlu mi dewu nɔn bo jro na gu ɛwɛn nywin Kliso tɔn. ⁸ Vɔ ete nyi na mi ye, alo ɛwɛn do tɔ jiŋkunsi tɔn, lɔ ɛwɛn nywɛ bu ke gbɔn vo na ke mi nɔn lɔ na mi ye, ta ylan kan ni. ⁹ Ke mi lɔ zan ɖe , siɛ ko mɔn trɔ lwɔɛ: «Na mɛɖe lɔ ɛwɛn nywɛ bu na mi ke tɔn vo na ke mi yi gbe na , ta ylan kan ni.» ¹⁰ ɖo siɛ gbɛtɔye we ogbe yi yi wɛ ko kan nɔn alo Mawu ? Ko kan nɔn na nyɔn kpɔn na gbɛtɔ ye wɛ? na ko kan na nyɔn kƥon na gbɛtɔ ye, ko nyi odansɔvi Kliso tɔn. ¹¹ ɖo ko jro na mi a nywɛ nɔvi le xɔse mɛ, bio ɛwɛn nywɛ ke ko lɔ ɔn sɔn gbɛtɔ ye kɔn. ¹² Kɔn yi le gbɛtɔ si, ko kplan. Votitɔn onu ke na Yesu Kliso ɖ xlɛ wu wɛ. ¹³ Mi se ye lɔ bo we ɛgbɛ xixo ke ko zan le Jwidayizi mɛ, ke ko nɔn ylan do cɔcii Mawu tɔn kpodo nu nyinylan kpo kpodo ke ko nɔn yan ye do. ¹⁴ Ko yi unkɔn lre Jwidayizi hugan bowe togun vi susu. Ko nyi ɛmɛ le ɖiɖɛ ye we nusisin ye mɛ. ¹⁵ Vɔ e jro Mawu bio ha mɔn can bowe sɔn he nɛye we dɔmɛ. Mawu yɔ kpo iwe ɛfɛnu kpo. ¹⁶ A do ɖe ovi ɔ xwlɛ le blɔ mɛ, na ma do lɔ na maxɔsetɔye. Kɔn yɔ zɔn ɖokpo gbaza alo ɛhun. ¹⁷ Kɔn yi Jeluzalɛmu le mɛke o nyin ɛme didɔn Mawu tɔn do unkɔn ye kɔn. Votitɔn, ko sin Avabi bo va trɔ sin Damasi. ¹⁸ Xwe ɔtɔn we godo, ko sin Jeluzalɛmu na do nyɔn Sefasi, ko bo wasi azan fɔtɔn le ekɔn. ¹⁹ Vɔ kɔn kpɔn ɛmɛdidɔn Mawu tɔn ɖiɔ ye ti, xwetɔ Yesu nɔviɔ Jaki. ²⁰ Ko lɔ na mi le Mawu we unkɔn, le nuke ko wlan na mi nɔn mɛ. Kɔn kan jo nɔn. ²¹ Bɔ ɖewu, ko yi sili we to mɛ ye kpo do silisi. ²² Cɔcii Jwide tɔn ke le Kliso mɛ nyɔn hɔn nyɔn. ²³ Vɔ ye nɔn te nɔn:« Mɛke na nɔn kan oylan ye tɔn na alɔ sie xɔse ke na nɔn gun nɔn.» ²⁴ Ye bo kpa Mawu nɔn do blɔ wutu.