¹ Pɔlu, ɛmin didɔn Yesu Kliso tɔn gbɔn Mawu ojro mɛ, do yi togun ɖe dovo Mawu le Efɛzu bdoe u ɔ ke le gbe ji nan Yesu Kliso, ² Mawu we ɛfɛnu ni nɔn kpo mo kpo fifa ke sɔn Mawu miantɔ kpo xwetɔ Yesu Kliso. ³ Mawu kpo otɔ mian we xwetɔ! I wɛ nan mi ɛcɛ do donan gbigbɔ mɛ tɔn ye le tɛnxo kinkɔn le Kliso mɛ. ⁴ Sɔn kaka ɛgbɛ we tituɛ ji Mawu can mido Iɖe min nan mian do yin ɛmin ɖe dovo ke ɔn nan kpɔn nuɖe le mia wu. ⁵ Mawu o ɖo mi a do hin mi ɖi ovi ɔ gbɔn Yesu Kliso ji gbɔn ojro nywɛ mɛ. ⁶ Mia we hin hin we taɖo wɛ yin bio kpa gigi ɛfɛnu ke e nan mi vovo min ke e nyi wan nan. ⁷ Le Yesu kliso mɛ ɔ, mi kpɔn wlingan gbɔn iwe ɛhun min kpo ɛhwɛ sɔ kɛ ɛmin sɔ gbɔndo iwe ɛfɛnu susu mɛ. ⁸ Sɔ gbɔn yan san kpo onu gɔn mɛ sise ɔ e kɔn iwe ɛfɛnu do mian ji. ⁹ ɖike e jro ɖo ha, Mawu sɔ xlɛ mi nuke dɔn e do sɔ iwe jro sɔ xlo boɖwu ke e ɖe xlɛ le Kliso mɛ. ¹⁰ Kliso we dan o yin tito min ke hin ogan xixo yee do va cicɛ mɛ, a do bɔ nu bi, nu bi le junukunsi kpo nukundanji, le ɔgɔ nan oga ɖokpo, le Kliso mɛ. ¹¹ Le Kliso mɛ, ye yɔ mi ɖi ci nɔ ɖutɔ ha, nu xi, ye o sɔ nan mi gbɔxwe, titomɛ ke nɔn wasi nubiɖi ke e jro do. ¹² Mawu ŋɔ mi bio cinɔ ɖutɔ nan mian do nyi ɛmɛ tantyɛn mɔn nu kpinkpɔn kande ji tɔn le Kliso mɛ, e wutu mi nan kpewu le nan iwe gigo kpikpa. ¹³ Kliso ɔ, mi ye can, gankemɛ mise xojɔxo we oxo ɔ, Mawu xo mian we hwlɛngantɔ bɔ dewu ɔ mi bo se xɔse de eji ye bo bla mi kpo gbigbɔ ɖe dovo ke we onugbe ye do ɔ. ¹⁴ Gbigbɔ ɖeɖovo wɛ nyi kandeji nan mian we cinɔn gun do va ganke mɛ mi nan yiɔ, iwe gigo dido do oji. ¹⁵ ɖo ɛhwɛ jijɔ xin wu ɔ, sɔn ka ka gankemɛ ko se ye lɔ mian we xɔse xo ɔ le xwetɔ Yesu Kliso sɔ kpe mia we wan nyi nyi nan Mawu we otogun ɖedovo, ¹⁶ Kɔn gɔ ɛkpɛ man do nan Mawu do mian ta a bo nɔn sɔ mi do bowe kuefanye mɛ. ¹⁷ Ko fan kue nan Mawu mian we xwetɔ Yesu Kliso tɔn nɔn, otɔ gigo nɔn, nan u nan yansan we gbigbɔ bɔdewu ɖexlɛ le iwe onu yinyɔn mɛ. ¹⁸ Ko bio nan gbigbɔ mɛ we nukunsi a kɔn nan mian do nywɛ kanɖe ji we mɔn na kpinkpɔn ke ye xɔmi nan bɔɖewu yee ke le cincrɔn gigo tɔn mɛ nan togun ɖedovo Mawutɔn. ¹⁹ Le bowe kuefan ye mɛ, ko nɔn biɔ mian nyɔ hɔnhlɔn ɖaxo manvɔ-manvɔ ke le mi mɛ xɔse tɔye mɛ sɔ gbɔn odan wiwa zogbe zogbe hɔnhlɔn ɖaxo etɔn me. ²⁰ Hɔnhlɔn yin ke min we Mawu wa odan le Kliso min gankemɛ e fuɛn le mɛkuku ye mɛ bo suɛ hwlɛngan le iwe a lɔ aɖusi mɛ le tɛ,xo mimɛ mɛ. ²¹ E sɔ Kliso xinnɔnyi le didyɔn nu le ota nan ɛcɛkpa tɔye bodewu oga ɖuɖu, hɔnhlɔn , ɛmɛ ji zinzin bɔ dewu ɔ nukɔn ke ye wlan. Kliso nan nɔn nyi ganxixomɛ ke ɖoɖio hwɛn vɔ gun do yi ganxixo ke o gbɔn nɔn. ²² Mawu sɔ nubi sɔ ɖo ɔfɔ gɔ nan Kliso bɔ ɖewu e ni cɔci ɖi oga ke xo ota nan onu bi. ²³ Cɔci wɛ nyi iwe olan kpo ke kpe gan nan min ke nɔn gɔ nu bi le mɛ bi mɛ.