¹ Doyi eji-ɔ, Pyɛ kpo jaan sin cɔci xɔmɛ le ɛɖɛ we ganmɛ, le ganxixo acɛnnɛgɔ. ² Yi wɛ daxwe ɖe, ke ye ji kpo ɔdɔn ke ye nɔ yɔ bio kplibɔ, ke ye nɔ kɔ va gasyagamɛ a bo sɔ ɖo ohɔnto gbo cɔci ke ye nɔ bio Bɛlya. Sɔgbɔn exin mɛ zhɛn e na bio oho mɛ ke na gbɔn blɛ do dyɛ cɔci nɔ. ³ Gan ke mɛ e kpɔn Pyɛ kpo Jaan sin cɔci nɔ e bo bi-ɔ oho wu ye . ⁴ Pyɛ bo fɔ ŋkunsi ɔwe ye do e ji, kpo do Jaan, bo lɔ ni bio:« Kpoɔ mi» ⁵ Mɛ ke kplibɔ bo kpɔn ye nɔ, bo do kan nuɖe do ye si nɔ. ⁶ Vɔ Pyɛ bo lɔ bio:« Kɔn ɖo sika, kɔn ɖo oho vɔ nu ke ko ɖo-ɔ ko na sɔ na we. Le Yesu Kliso Nazarɛtu tɔn we ŋkɔ mɛ, zɔnzɔnni!» ⁷ Pyɛ wle ɔlɔ yi tɔn aɖusi, bo kwɛ yi jixwe, zɔnɖokpo zɔnɖokpo ɔfɔ yi tɔn ye ta dindrɛn kpo yi we fɔvi ye xun. ⁸ Didɔn ɖokpo e le ha, mɛ ke kplibɔ cite bo ta zɔnni zinzɔn, e bo ɖyɛcɔci xɔmɛ kpo Pyɛ kpodo,Jaan bo zɔnzɔnni nɔ, bo dɔnnɔ, bo kpa gigo na Mawu. ⁹ Oto gun kpu-wɛn bo zɔnzɔnni nɔ bo kafu Mawu nɔ. ¹⁰ Ye bo do josi wi bio daxwe ke na mɔ nɔ xinɔnyi do cɔci xɔ mɔnu a mɔ biɔ ohp nɔ. E bo kpaca wu ye, bo mɔ jɔji na ye, do nu ke va emɛ ni. ¹¹ Ɖi ke na en le kpɔkpɔ kpo Pyɛ kpo Jaan, togun bo bɛ wedun ho-odo sin ye kɔn le omɔ lwi Salumɔ, kpo jijwɛ ɖaxo. ¹² Ke na Pyɛ kpɔn ye e mɔ xa, e bo kan se togun:« Izrayɛluvi ye e ni jɔ mi le jijwɛ mɛ e mɛ ha? E ni jɔ mi fɔ ŋkunsi mia tɔn do mia ji e mɔ ha? Le ɖi mi ye wɛ na na hwanje ɔ do zɔnzɔnni nɔ ha, sɔ gbɔn mi ye tete we ɛcɛ mɛ ha? ¹³ Abraxamu, Jakɔbu kpo Izaki we Mawu, mia tɔ ye we Mawu na gigo wu dansɔvi itɔn Yesu. Mɛ ke mi sɔ flin, bo do ɔvɔn wu le Pilatu we ŋkɔn le gan ke mɛ na e va jwedo nɔ. ¹⁴ Mi gbɛ ni le kinkun kpo jijwɛ mɛ, mi bo sɔ do asi na ɛmɛ xu tɔ ye. ¹⁵ Mi hu oga we vi gbigbɔ tɔn, mɛ ke Mawu fɔ sɔn ɛmɛ kuku ye mɛ. Mi yi kunnu ɖe tɔ itɔn. ¹⁶ Syɛ-ɔ mi kan do e ji sɔ gbɔn yi we ŋkɔ ji hwanje ke mi kpɔn nɔ bo yɔn ŋkɔ ke hɔn mɔ ɖo hɔnhlɔn wi. Xɔse sɔ gbɔn Yesu ji, wɛ na na mi na do josi mia ɖe mɛ sɔ gbɔn lanmɛ sɛn ¹⁷ Syɛ-ɔ, nɔvi ye ko nywɛn bio mi mɔ wasi sɔ gbɔn ma nywɛn mɛ, gbun sɔ jɛ mia we oga ye ji. ¹⁸ Vɔ, nu ke na Mawu xo lɔ ɖe nyi ɔ sɔ gbɔn yi we oxolɔɖenyi tɔ mɛ. Kliso ɖo na se vivɛ e bo va e mɛ. ¹⁹ Mi trɔ jimɛ kpo mi trɔ miaɖe na mia we onu vwɛn ye a do tutu, na ganmɛ nywɛn sɔ gbɔn Xwetɔ we tɛnxomɛ, ²⁰ a bo sɔ Kliso ke can na mi sɔ ɖodan Yesu. ²¹ Yi wɛ nyi mɛ ke na jiŋkunsi ye na yi sɔ gbɔn onu bitu we vivɔ nu, ke na Mawu lɔ vayi sɔ gbɔn oxolɔɖenyi tɔ we onumɛ. ²² Moizi bo trɔ lɔ bio:" Xwetɔ Mawu na fwɛn xolɔɖenyi tɔ ɖi blɔ le mia we vivɛ sise ye mɛ. Mi na ɖo oto oxo ke e lɔ na mi nɔ. ²³ E na va emɛ bio ɛmɛ ɖe kpokpuwe ke hɔn na ɖo oto xolɔɖenyi tɔ xwi le oto gun we ŋmɛ. ²⁴ Ɛ-ɛ, oxolɔɖenyi tɔ ye ke na lɔ oxo bo do ɖe e wu sɔn Samiɛli we gan mɛ ye can bo lɔ oxo do azan xin ye wu. ²⁵ Mi ye wɛ nyi oxolɔɖenyi tɔ ye we vi, kpo okan cica ke na Mawu wasi kpo mia dagbo ye, ɖi ke na e lɔ na Ablahamu: hwɛndo tɔ we ye ke le ŋkundan jina kpɔn yiyla jijimɛ. ²⁶ Gan ke mɛ na Mawu fɔn yi we odansɔ vi tantyɛn e sɔ ye sɔ ɖodan na do yla mɛ ke gbɛ onu sɔn onu nyinylan mɛ.