¹ Gbe ke gbe pantekotu we azan va, ye mɛ bi le kpɔkpɔ le tɛnxo ɖokpo mɛ. ² Hazaji ɔ, axwa ɖokpo sɔn jiŋkunsi leɖi axwa jɛhɔn sisiɛnxu tɔn ha, ke gɔ oxwe ke mɛ na ye le. ³ Ogbe jonɔ va na ye le ɖi ozo, ke ye ma na ye, e bo jɛ ɖokpo ɖokpo ye tɔn ji. ⁴ Ye mɛ bi gɔ kpo gbigbɔ ɖedovo ɖokpo bo ta oxo lolɔ do ogbe bu ye mɛ, le ɖi ke na gbigbɔ ɖe dovo olɔ na ye nɔ bio ye mɔ lɔ ɖo ha. ⁵ Le ogan xin ye mɛ jwufutɔ ɖi ye le Jeluzalɛmu, ɛmɛ mimɛ, oto xeɖeɖe bi le jiŋkunsi we ɔgɔ ye. ⁶ Ganke mɛ na ahwa yi eji, to hɔn zɔn kpɔkpɔ do va e bo kpaca ye ke mɛ ɖokpo mɛ ɖokpo o se ye lɔ oxo do yi we ogbe mɛ nɔ. ⁷ E jɔji na ye bo kpaca do ye. Ye lɔ nɔ:« Le blɛ ɔ, Galiletɔ hwɛn ye mɛ klɛ ye bi nyi ye mɛ ke lɔ oxo nɔ? ⁸ E ni jɔ mi do se ye we ogbe nɔ, ɖokpo, ɖokpo ye tɔn do mia we ogbe mɛ nɔ? ⁹ Pɛsi, Medi kpo Elamitu tɔ ye, kpo do mɛ ke le Mɛzopotami, le Jude kpo Kapadosu, Pɔn kpo azi kpo. ¹⁰ Fligi kpo do Pɛnfili, Egitukpo Libi we ŋkunda ke tɛkpɔ sirɛnu, Jɔnɔ ba ɛmɛ tɔ ke sɔn Rɔma ye. ¹¹ Jwufu kpo do Plozelitu, kletu kpo Alabu tɔ ye, mi nɔ se ye nɔ lɔ hɔnhlɔn Mawu we oxo tɔn.» ¹² Ye mɛ bi ye le jijwɛ kpo do fifa kpo, ye lɔ le ye ɖe ye mɛ:« Oxo ni oxo klɔ va lɔ nɔ?» ¹³ Vɔ mɛ ɖe ye bo do hwɛvo le ye wu nɔ bo lɔ nɔ:« Ye nu ahan mu.» ¹⁴ Vɔ Pyɛ bo cite kpo ɛmɛ weɖokpo ye, bo kɔ ogbe yi ji, bo lɔ na ye nɔ:« Jude tɔn ye kpo mi mɛ ke na le Jeluzalɛmu, mi nyɔ onu ke; mi se bo we oxo nywɛn. ¹⁵ Ɖo mɛ xin ye hɔn nu ahan mu ɖi ke mi bu-wi ɖo nɔ, ɖo ogan ɔtɔn gɔ me wɛ mi le na e gbe we azan. ¹⁶ Vɔ oxo ke na oxolɔɖenyi tɔ Jowɛli lɔ nɔ hɛn ke: " ¹⁷ Gan ke mɛ na azan godo tɔn ye va ɔ", Mawu wɛ lɔ e mɔ, "Ko na sɔ bo we gbigbɔ ɖedovo do gbaza ye ji. Mia we vikpɛ ye unsuglo kpodo nyɔnusi na lɔ oxo ɖe nyi. Mia we vikpɛ ye ke na wnya ɖo onu kpinkpɔn, mia we dahwe ye na tin odro ye mɛ. ¹⁸ Onu ɖokpo ɔ odansɔvi unsuglo olo odansɔvi nyɔnusi, le azan xin ye mɛ ko sɔ bo we gbigbɔ do ye ji, ye bo na lɔ oxo ɖe nyi. ¹⁹ Ko na wasi ŋdandonu le jiŋkunsi kpo onu kpaca mɛ le unkundan ji, ɛhun kpo ozo ɔzɔ tɔn. ²⁰ Ohwe na lɛ vuvlu, osun na lɛ ɛhun gbɔxwe na azan ɖaho vivɛ Xwetɔ tɔn na trɔ va. ²¹ E na va e mɛ na mɛ ke na yɔ Xwetɔ we unkɔ na kpɔn hwlɛngan. ²² Izlayɛli we ɛmɛ ye mi se oxo ke ye: Yesu Nazalɛti tɔn, ɛmɛ nywɛn ke na Mawu ɖexlɛ, le mia mɛ do Mawu we oxo ɖaxo kpodo yi we onu ke na e wa ye wu tu, kpodo ŋdandonu ke na Mawu tete wasi le mia mɛ, ke mi nywɛn mi ye tete; ²³ tito kpodo ke bɔdo e wu Mawu tɔn we odan wiwa ye se na onu nyinylan wa tɔ ye, kpo mi ye, kpodo osɛn ji dida le, ye kan na hwi do otin so ga ji. ²⁴ Mawu fwɛn le kutɔ ye mɛ, a do hwlin gan le vivɛ sise oku tɔn mɛ, ɖo ɔn hɔn jɛ na e na ci okuto mɛ. ²⁵ Ɖo Davidi lɔ do e wu nɔ:" Ko kpɔn Xwetɔ Yesu we odan wiwa le bo we ŋkɔn, ɖo ele bo we aɖusi mɛ na kɔn na do jo odan itɔn do. ²⁶ Bo we oji le jijwɛ mɛ oji bo jɔ bo we ɛɖɛ bo we gbaza can na nɔ ɛgbɛ le kando eji mɛ. ²⁷ Ɖo hɔn va jo bo we okla do oku we ogan mɛ nɔ, hɔn va wɔn nɔ na yi we ɛmɛ ɖeɖovo na nyɔ oku nɔ. ²⁸ Olɔ omɔ ɛgbɛ tɔn ye na; o na gɔ kpodo yi we viva le bo we oji mɛ." ²⁹ Nɔnvi ye le xɔse mɛ ko kpewu na lɔ na mi kpodo kandeji kpo ke nyi Davidi mia dagbo-ɔ: E ku ye bo ɖi yi we yɔ gun bo le mia mɛ gbun do va jɛ egbe. ³⁰ Ke e nyi oxolɔɖenyitɔ, bo nywɛn bio Mawu mɔ ɖo nu gbe bio he mɔ na sɔ xunnɔnyi ovi ɖokpo le jiji mɛ vi itɔn mɛ le yi we xɔluɖukpo ji. ³¹ E bo yi unkɔn bo lɔ nɔ do fɔn sɔn ku Kliso tɔn wu:" Mawu hɔn jwe do le oku we gan mɛ yi we gbaza hɔn mɔ nyɔ". ³² Yesu ke, Mawu kɔ do yi ji, mi mɛ bi bo nyi kunnu ɖe tɔ. ³³ Ke na e ve xunnɔ Mawu we aɖusi mɛ, ke na e yi ogbe ɖiɖo gbigbɔ ɖedovo le sɔn otɔ kɔn, e ni le ɖi ke na mi kpɔn ɖo nɔ kpo ke mi se ɖo nɔ. ³⁴ Ɖo Davidi hɔn mɔ yi jiŋkunsi. Vɔ e lɔ : " Xwetɔ lɔ na bo we Xwetɔ, hunnɔnyi do bo we aɖusi mɛ, ³⁵ gbun ke na ko sɔ yi we kɛntɔ sɔ wasi yi we ɔfɔ tutu nu". ³⁶ Na Izlaɛli we oxwe na ye a do nywɛn bio Mawu mɔ sɔ Yesu mɔ sɔ wasi Xwetɔ kpo Kliso, Yesu ke mi kan do otin so ga ji.» ³⁷ Ke ye se e mɔ ɔ, e tɔ oji na ye ye bo lɔ na Pyɛ kpo ɛmɛ didɔn Mawu tɔn gbo kpuwe nɔ:« Nɔvi le xɔse mɛ, na ɖe mi na waɖo?» ³⁸ Pyɛ bo gbo do e wu na ye nɔ: « Mi trɔ jimɛ a bo wasi nynylɔ, ɖokpo ɖokpo mia tɔn le Yesu Kliso we nyi kɔ mɛ na ɛhɛ sɔ kɛ mia we onu vɔn-ɛn wiwa mia tɔn, mi na onu ni na gbigbɔ ɖedovo tɔn. ³⁹ Ɖo ogbe ɖiɖo mia tɔn wɛ, mia we vikpɛ ye tɔn kpodo ɛmɛ ke na le didi-ɔn nu, onu ɖaxo wɛ nyi Xwetɔ mia wa Mawu e na yɔ ye.» ⁴⁰ Kpo oxo susu bu ye, e lɔ nɔ bo mɔ yɔ mi nɔ; e lɔ nɔ:« Mi hwlɛn mia ɖe le onu vɔn-ɛn mɛ.» ⁴¹ Ye yi oxo ɔ bo ye bo nylɔn ye, le azan ɖokpo-ɔ gbe okla dɔkpo ɔtɔn bo mɔ jɛ eji. ⁴² Ye do hɔnhlɔn le ɛmɛ didɔn Mawu tɔn ye we onu kplan ɛmɛ ye mɛ, kpo kpɔkpɔ ni nɔ do ɖu onu kpo le ɛɖɛ mɛ. ⁴³ Vivo lɛ le okla ɖokpo ɖokpo ye ji, ŋdandonu susu jɔ, onu ɖaxo ye bo jɔ gbɔn ɛmɛ didɔn Mawu tɔn ye ji. ⁴⁴ Ye mɛ ke na kando eji ye le kpɔkpɔ ye bo ɖo onu bi do kpɔkpɔ. ⁴⁵ Ye sa ye we dɔkun kpo ye we onu zinzan ye bo man oho le ye ɖe mɛ nɔ. Gbɔn mɛ ɖo kpokpo we hudo ke e ɖo. ⁴⁶ Azan ɖe jɛ azan ɖe we godo, ye gbɛn okan do enu kpo onu kpɛnkplan ɖokpo le Mawu we sisɛn xɔmɛ, ye bo ma pɔnnɔ gbɔn oxwe ye gbe nɔ, ye bo ma onu ɖuɖu do jijwɛ kpo ɛmɛ ɖe sɔ xe oji, ⁴⁷ ye nɔ sɛn Mawu ye bo kpɔn ɛfɛnu le oto gun we ŋmɛ. Xwetɔ Yesu nɔ sɔ mɛ ke kpɔn hwlɛngan a bo sɔ kpe ye azan jɛ azan ɖe godo.