¹ Ke na ye gbɔn Anfipoli we toxo mɛ ye mɛ,ye va Tesaloniki we toxo mɛ le fi ke na Jwifu ye we okplityɔn le. ² Pɔlu, le ɖi ke na e nɔn wasi ɖo ha, e yi Jwifu ye kɔn bo nɔ blɛ na azan ɔtɔn, bo do dɔn onu kpo yee nɔ sɔn onu winwlan ye wu nɔ. ³ E nbo ɖe Mawu we oxo mɛ bio e mɔ le vivɛde bio Kliso na ɖu aya a bo fɔn sɔn oku. E bo lɔ bio:« Yesu ke ko lɔ na mi nɔ wɛ nyi Kliso.» ⁴ Jwifu tɔ ɖe ye nyɛn ɖo emɔ ha ye bo bɔ do Pɔlu kppo Silasi wu, glɛkitɔ ke syin ku ye kpo nyɔnusi ɛmɛ kplɔtɔ ye kpo ɛmɛ susu gbagba ye can bɔ do ye wu. ⁵ Vɔ, jwifutɔ ma kando e ji ye, gɔ kpo ɛwuhwan, bɔ kplɔ ɛmɛ okun nylantɔ ɖe ye le ximɛ, ye bɔ ɛmɛ susu gbagba sɔ do hɛn zigidi va oto-ɔ mɛ. Ye dyɛ Jasɔn we oxwe gbe bo jro na kplɔ Pɔlu kpo Silasi do yi ɛmɛ ye we ŋkɔn. ⁶ Vɔ, ke ye ɔn kpɔn ye-ɔ, ye dɔn Jasɔn kpo nɔnvi xɔsetɔ ɖe ye do yi ɛhwɛ ɖɔtɔ otoɔ mɛ tɔn ye kɔn bo do axwa nɔ bio:« Ye mɛ ke na hlu ɛgbɛ de wu ye ɔ mɔ va bwɛ can. ⁷ Ye mɛ ke na Jasɔn yi e ɔ si te do Seza we gbeta sisɔ ye wu, ye lɔ nɔ bio oga bu mɔ le mɔ nyi, Yesu.» ⁸ Ke na ɛmɛ susu gbagba kpo ɛhwu ɖɔtɔ ye oto ɔ mɛ tɔn ye se oxo xin ɔ, ye caka. ⁹ Jasɔn kpo xɔsetɔ ɖyɛ ye ɔ oho wɛ ye sɔ ɖe nyi gbɔxwe ye do jo ye do ¹⁰ Le ozan xin mɛ-ɔ, xɔsetɔ ye na sɔ Pɔlu kpo Silasi sɔ sɔn yi Bele. Ke na ye jɛ blɛ ɔ, ye ɖyɛ Jwifu ye we onukplatyɔn. ¹¹ Jwifu ke le blɛ ye e yɔn dɔmɛ na Tɛsaloniki tɔn ye, ye yi Mawu xo ɔ kpo akpakpa kpo, ye nɔ gbeje Mawu we oxo le ŋkɔn ɖiɖe ye a do kpɔn bio onu ke ye lɔ na ye nɔ e le eji ja. ¹² I wɛ dɔn ɛmɛ susu yise le ye mɛ, glɛki we nyɔnusi ŋkusin le deji kpo ŋusuglo suwsu can. ¹³ Vɔ, ke na jwifu Tesaloniki tɔn ye se bio Pɔlu mɔ lɔ Mawu we oxo le Bele agba-ɔ, ye yi bo ve fɔn ɛmɛ ye do ye wu. ¹⁴ Zɔnɖo kpo-ɔ, nɔnvi xɔsetɔ ye sɔ Pɔlu dodan Exu ji, vɔ Silasi kpo Timɔte bo ci blɛ. ¹⁵ Ɛmɛ ke kpo Pɔlu ye sɔɛ sɔ sin kaka Atɛniu. Ke ye jo e do blɛ, e do ɛwɛn na ye bio ye mɔ do na Silasi kpo Timɔte bio ye mɔ va he kɔn ye tro lolo. ¹⁶ Kpɔn, ke na Pɔlu o nɔ te kpɔn ye nɔ, ke e kpɔn yehwe su le otoɔ mɛ ɖo-o aɖi wle taŋ. ¹⁷ E bo dɔn onu kpo jwifu ye kpo Mawu sɛntɔ ye nɔ le jwifu ye we okplityɔn kpo ɛmɛ ke e gbɛ kpɔn le oto kplityɔn. ¹⁸ Vɔ, ɛmɛ ɖe ye le ɛgbɛ we onu nywɛ tɔ ( Epikuliɛn kpo Stoisɛn ) ye kpe ŋugɔnu kpoe. Ɛmɛ ɖe ye bo lɔ nɔ bio:« Oxo lɔ tɔ ni lɛ nyi e xlɔn» Ɛmɛ bu ye mɔ lɔ nɔ bio:« E ɖi mawu Jonɔ ye we oxo lɔ tɔ ye » Ɖo e lɔ oxo sɔn Yesu kpo fifɔn sɔn oku yu nɔ. ¹⁹ Ye kplɔ Pɔlu so siin ɛhwɛ ɖo tyɔn bo lɔ bio:« Mi na kpewu na nyɔn onu kpin kplan yoyo ke o kplan nɔ? ²⁰ Đo o lɔ onu hu onu do oto mɛ na mi nɔ. I wɛ dɔn mi jro na nyɔn onu xin ye we gɔmɛ. ²¹ (Vɔ, Atenitɔ ye kpo ɛmɛ jro ke le blɛ ye nɔ lɔ oxo yoyo ye nɔ a bo se onu yoyo ye nɔ.) ²² Pɔlu nɔ ote le ɛhwɛ ɖɔtyɔn bo lɔ bio:« Mi Atenitɔ ye, ko kpɔn bio mi nyi sinsɛntɔ le ɔlɔkpo bi mɛ. ²³ Ɖo ke ko ɖisa gbɔn otoɔ mɛ bo kpɔn onu ke na mi sin nɔ, ko kpɔn ovɔsan kpɛn ke ye wlan do e wu bio "Mawu ke mi ɔnnyɔn". Ɖo nu kena mi sɛn nɔ le manyɔn mɛ, wɛ nyi onu ke we oxo ko lɔ na mi nɔ ²⁴ Mawu ke wasi ɛgbɛ-ɔ kpo onu ke le emɛ, ke e nyiXwetɔ le jiŋukunsin kpo ŋukundan ji, ɔn nɔ nɔ oxɔ ke gbɛtɔ gba mɛ. ²⁵ Ke na xin ɔ ɛmɛ ti ɔn nɔ sɔ ni a do sin bio onu ɖe mɔ hwe do-e ha; Do I tete nɔ na ɛgbɛ kpo gbigbɔ kpo onu bitu wu ɛmɛ ye. ²⁶ Gbɔn ɛmɛ ɖokpo ji,e wasi oto gun kpo ɛgbɛtɔ ye bo le ɛgbɛ le ukun dan ji, bo ɖo gan mɛ kpo hwɛn sa do kpo dɔtyiɔn ye kpo na ye. ²⁷ Emɔ ha ye ɖo na kan Mawu, ta yɔn a bo jɛ gbagba a bo do kin a bo kpɛn ɖo tana aɔn din le mia wu ɖokpo ɖokpo. ²⁸ I wɛ dɔn mi do le, bo zɔn nɔ bo le ɛgbɛ le imɛ, le ɖi ke na we didɛntotɔ lelɔ ɖo ha "Ɖo mi nyi iwe jijimɛvi." ²⁹ Ke mi nyi okunkan Mawu tɔn, mi ɔn ɖo na kpɔn bio numɛsin ke ye kpa kpa gbɛtɔ we susu. ³⁰ I wɛ dɔn Mawu ɔn sɔ mayɔɛn we azan ye do yɔ onu, vɔ, ede ogbe na ɛmɛ bi le ofi bi bio ye mɔ trɔ jimɛ. ³¹ Ɖo e sɔ onyi hihɔn ɖokpo do yin a do ɖo kojo na ɛgbɛ-ɔ, le jijɔ nyinyi mɛ, gbɔn ɛmɛ ke e can ji . Mawu ɖe xlɛ gbɔn ɛmɛ xi ji bo do fɔn-ɛn sɔn ɛmɛ kuku ye mɛ. ³² Kena Ateni tɔ ye se Pɔlu lɔ oxo sɔn fɔnsɔn ku ɛmɛ ku ku ye tɔn wu-ɔ, ɛmɛ ɖe ye oku-e nɔ, ɛmɛ ɖe ye lɔ bio:« Mi o na va se bu ke.» ³³ Le exin we godo Pɔlulɛ le ye kɔn. ³⁴ Vɔ ɛmɛ ɖe ye yi ikɔn bo yi se, i we nyi Deni, ke ye nɔ yɔ bio ɖaŋudatyɔn, kpo nyɔnusi ke ye nɔ yɔ bio Damalisi kpo ɛmɛ bu ye kpo.