¹ Le ganhinmɛ, axɔlu Eloduɖo ɔlɔ hamɛviɖeye ji amɔ do hannu naye

² Ehu Jaki ke nyin Jan we nɔnvyɔ kpo. ³ Ke e kpɔn bio emɔ nyi jijwɛ na yudatɔye, edɔn ye bo wle Piyɛ can ni-i le azankpe ye jiye ɖu kpɔnnɔ maɖo tinkɛn we oxwe nɔ

⁴ Ke ye wle Piyɛ vɔ ye bo swɛ sɔ do ogankpamɛ, bo ɖe sɔja we gbɛ ɛmɛ .Keye nyi-i sɔja ɛnɛ-ɛnɛ donu ɛnɛ na ye ni cɔ-ɛ nɔ. Ebo wasi susunɔ bio ye na va ɖɔ ɛhwɛ na Piyɛ le otogun xeɖeɖe we ŋumɛ Levivayi we oxwe wanji. ⁵ Ye bo ci Piyɛ ji le ogankpa ɔ mɛ, vɔ hamɛ ɔ xe ɖeɖe xoɛɖɛ ni-nɔ magbo kɔ magbo kɔ

⁶ Awankegbe na Elodu na kpwɛ yi ɛhwɛ ŋu kɔn drɔn swɛ, Piyɛ dɔ ɔwlɔn nɔle sɔja ɔwe we dodomɛ yebosɔ owlɔ ɔwe bo sɔ blee, yiwɛ gankpa ɔtɔye bole ogankpa we ohlɔn ji bo cɔ ɛnɔ. ⁷ Yihɛn, Mawu we dɔla va kɔndo maɖo ŋukunsi-i yi wɛkinklɛn ɖebokɔn do ogankpa ɔ mɛ. Mawu we dɔla xo ɔlɔ Piyɛ le akpa ɖokpo bo fɔn-ɛn sɔn ɔwlon mɛ bo bio : "Yawu fɔn" Yiwɛ caba ye bo ɖele yiwr ɔlɔ ye.

⁸ Mawu we dɔla lɔ ni-i bio :" Sɔ yi we awu kpo yiwe godwe we ye asɔ do kpodo ɔfɔkpatɔ ye a sɔdo, Piyɍ bo wasi. Mawu we dɔ la bolɔ ni-i bio: "Sɔaawu gbotɔwe, amɔ xodo" ⁹ Piyɛ xodo Mawu dɔla botɔn eko nyiwɛbio onujɔ onu wɛ jɔnɔ, bo bui-inɔ bio onu ɖe xlɛ ɛmɛ ɖewɛ dla Mawu tɔn sɔ ɖexlɛwi nɔ ha.

¹⁰ Keye gbɔn ɛmɛ tantyan kɔn kpodo ɛmɛ cɔtɔɔwegɔ, ye kɔndo ohɔn ogannɔ ke nuye nɔ gbɔn ado ɖyɛ toxo ɔ mɛ agbo ɔ tete bo hun le ŋukɔn na ye. Ye tɔn bo jɛ ote do omɔɖokpo ji haŋu ɖokpo, dɔlaMawu tɔn jo Piyɛ do. ¹¹ Ke Piyɛ va ɖyɛ iɖe mɛɔ ebio :"Ko kpɔn le oxo jɔxomɛ bio Mawu ɖo dɔla ɖodan ebo hwlɛn blɔgan le Elodusi kpodo onu nyanyla ye xeɖeɖe ke Yuda tɔye we otogun ɔn ba wa kpɔnɔ

¹² Ke e se onuke jɔ nɔ we vɔ, evayiMali, Jankeye nɔ yɔ bio Maki we onɔ we xwegbe. Xɔsetɔ susu ye bo kpli le blɛ ɔbo xoɛɖɛnɔ. ¹³ Ke e xuxu agboɔ, adansɔvi nyɔnusi keye nɔ yɔ bio Hloduva boba hun agboɔ ni-i

¹⁴ Ke enyɔ Piyɛ we agbe le haɔ, e gɔ kpodo jijwɛ kpo, bojo agbo ɔ hunhun do, bodo we dun boba vayi lɔ naye bio Piyɛ mɛ mɔle agbo ɔji.

¹⁵ Ye bo lɔ ni-i bio :"hanɔwe o nyi-i Ganke e gbɛ lɔnɔ, oxo jɔxo wɛ loo. Te lɔ bio : " we Mawu dɔla wɛ." ¹⁶ Vɔ Piyɛ gbɛ kpɔtɔ xuxu agboɔ nɔ ke ye va hun agb-ɔ ye kpɛn ebo kpaca ye.

¹⁷ Piyɛ wa ɔlɔna ye na ye ni bɔ onu, bo va xo agbe xo ke xwetɔ, ɖe tɔn le ogan kpamɛ doɔ. Ebolɔ bio :"Miɖo oxo keye we ogbe na Jaki kpodo nɔviye kpo." Zanɖe, ejo ye do boyiofibu. ¹⁸ Ke ŋukɔn vaɖeɔ, hwinya va nɔ onyi le sɔjaye mɛ do gbɔn onuke jɔ do Piyɛ ji ɔ wu.

¹⁹ Ke Elodu va ki-in do sɔja ye nu bo na ogbewu ye bio ye bo hwi. Ehi-in godɔ eyi yudele sezale,bo va yi ci blɛ dan. ²⁰ Elodu bo do aɖido ɛmɛke ye le Tilu kpodo Sidɔn ye nɔ Yebe zɔn kpɔ kpɔ do va ekan. Ye win Blastɛ ke nyi-i ɛmɛ ke nɩ kpedo xɔlu ɔ wu, ni bo do ɔlɔ wuhiye qdo kpɔnɛ. Yi wɛ ye va biɔ fifa ɖo oto yetɔn nɔyi onu ɖu sɔn xɔlu ɔ we otosi.

²¹ Le azanke ye ɖo ji elodu bosɔ xɔlu we awu sɔ do ba xinnɔ onyi le xɔlu we okpo ji ba lɔ oxo ɖo dan ye ²² Otogun ɔ bodo axwa bo bio " Mawu ɖiye we ogbewɛ ɔn mɔ nyi ɛgbɛtɔ we agbe!"

²³ Ɖoo Mawu we dɔla ɖe bo xwe ɖo ɔn sɔ gigo sɔ na Mawu. Ovɔnye bo dwi eku ²⁴ Mawu we oxo bo yijihwe nɔ bo ji de ji nɔ.

²⁵ Banabasi kpodo Solu kpokpa odan yetɔn le Jeluzalɛmu, ye sɔn bo kplɔ Janke ye o nyi kɔ ni bio Maki.