¹ Pɔlu, ɛmɛ dindɔn Kliso Yesu tɔn, do gbɔn ojro Mawu tɔn mɛ, do gbɔn jogbe fifian ɛgbɛ ke le Yesu Kliso mɛ, ² nan Timɔte, bo we ɛmɛ vivɛ: nan ɛfdɛnu, dɔmɛ nywɛn kpo fifa Mawu otɔ mia tɔn kpo mia we xwetɔ Yesu Kliso tɔn ni nɔn kpodo we. ³ Ko do ɛkpɛ nan Mawu ke ko sɛn nɔn kpodo susu kinkɔn ɖi ke na dogbo ye wasi ɖo ha, ko nɔn flin we nɔn nywɛnɖe oklo kpodo ozan kpo le ɛɖɛ xixo tɛye mɛ. ⁴ Nan ko flin ɖasin tɔwe ɔ, ko nɔn jro vivɛɖe bio man va kpɔn we, nan man do gɔ kpodo jijwɛ kpo. ⁵ Ko nɔn flin vivɛɖe yise tɔ we taŋ tɔn ɔ ke le manmanwe Loyizi mɛ, kpodo nanwe Enisi mɛ. Ko kando eji bio e le yi can mɛ ɖo e mɔn ha. ⁶ Iwɛdɔn nan ko do flin nanwe nɔn lɔ bio yi mɔn do hɔnhlɔn wu onu ninan Mawu tɔn ke le mɛwe ke nan o yi gbɔn ɔlɔ ɖo ota nan ɛmɛ. ⁷ Ɖo Mawu ɔn sɔ vivo we gbigbɔ sɔ nan mi, vɔ hɔnhlɔn wan nyi-nyi kpo tito we gbigbɔ wɛ e sɔ nan mi. ⁸ oŋu ni ka mɔn kpɛn we do kunnu ɖiɖe sɔn mia xwetɔ wu, do bo can wu, Pɔlu, gankpamɛ nɔn tɔ itɔn wu. Vɔ kpe ofun do ɛwɛn nywɛn Mawutɔn wu leɖi hɔnhlɔn Mawu tɔn ha. ⁹ Mawu wɛ hwlɛn mi gan bo sɔ yiyɔ mimɛ do yɔ mi. Ɔn nyi gbɔndo odan wiwa mia tɔn ye mɛ hwɛn e do wesi, vɔ gbɔn tito yitɔn kpodo ɛfɛnu itɔn mɛ. E sɔ onu xiye sɔ na mi le Yesu Kliso mɛ gbɔxwe nan onu ye bi va tɔ eji. ¹⁰ Vɔ siɛ ɔ, Mawu we hwlɛgan ɔ ye ɖe sɔ xlɛ mi le ogankemɛ nan mia we hwlɛngantɔ Yesu Kliso e ze. Kliso e kpa kpo oku bo hɛn ɛgbɛ manvɔ va gbɔndo ɛwɛn nywɛn ɔ we kinklɛn ji. ¹¹ Ɖo e xin wu ɔ, ye can oxolɔ tɔ, ɛmɛ dindɔn kpodo onu kplan ɛmɛ tɔ. ¹² Onu xi wɛ dɔn nan ko do ɖu aya kiye nɔn. Vɔ oŋu ɔn kpyɔn; ɖo ko nyɔn ɛmɛ ke ji ko yise do. Ko bo ɖo kando eji bio ele ogbe sisɔ e mɔn nan mɔn hɛn onu ke na ko sɔ ɖo ekɔn wubgun do jɛ azan xi gbe. ¹³ Nan oxo ke o se le nuye ɔ hɛn ye wu kpo xɔse kpo kpo wan nyi-nyi kpo kenan nyi kpɔndewu le Yesu Kliso we ɛwɛn jijɔɛ mɛ. ¹⁴ Onu kplan o nywɛn ke na xwetɔ sɔ ɖo kɔn we, hɛn e wu kpo ɔlɔ gɔ gbigbɔ ɖe do ovo ke na le mɛ we. ¹⁵ O nywɛn bio ɛmɛ ke na le Azi ye ɔ ye jo do . Le ɛmɛ xiye mɛ ɔ Ƒigɛli kpodo Ɛmɔjɛni . ¹⁶ Mawu ni nan dɔmɛ fifa yi tɔn Onezifɔ we oxwegbe; ɖo e do hɔnhlɔn wu oŋu ko kpin do caba ke mɛ ko le ɔ wu. ¹⁷ Do gbɔn vo ɔ, ke na e le Hlɔmu ɔ, e kan kpodo akpakpa kpo e bo kpɔn. ¹⁸ Xwetɔ ni nan ni kpɔn ɛfɛnu le ikɔn le azan xi gbe; o nyɔn ke e gɔ ɔlɔ nan le Efɛzu ɖo.