¹ Mɛke nyi ɛmɛ xixo ye ni sɔ bubu nan cica yetɔnye nan mɛɖe ko mɔn nan lɔ oxo yiylan do Mawu kpo onu kpikplan miantɔn wu. ² Mɛ ke nan do xwetɔ le xɔse mɛ ye ni ko mɔn zi ye ji, bio ye mɔn nyi nɔnvi , vɔ ye ni wa odan nan xwetɔ yetɔnye nywɛɖe do eji ado wa o nywɛn, kplan onu xiye a bo dɔn wiwasi wu ye. ³ Nan ɛmɛ ɖe kplan ojo we onu kpikplan nɔn, nan e ɔn tɛ do xwetɔ Yesu Kliso we oxo ke sɔgbe ye wu, kpodo onu kpinkplan ke ɔn sɔgbe kpo Mawu we sisi wu, ⁴ E kɔ iɖe iji, ɔn yɔn nuti, onu didɔn kpo ojlɛ wi wa we ɔdɔn wɛ le ehu, ŋbia, onu didɔn, oxo yinylan lɔ do ɛmɛ wu, onu yiylan vivɛ do ɛmɛ wu wɛ e mɔn ji, ⁵ E mɔn nɔn hɛn onu didɔn man dote do va ɛmɛ ke nan ta mɛ hɔn sɔgbe nan ye mɛ, ye ko ɖo oxojɔxoti, bo mɔn nɔn bui nɔn bio xɔse ɖiɖo do Mawu ji, dɔkun ɖiɖo we omɔn wɛ ha. ⁶ Oxojɔxo, xɔse ɖiɖo do Mawu ji kpo onu le le ɛmɛ si, dɔkun ɖaxo wɛ e nyi; ⁷ Ɖo miɔn hɛn onuti do va ɛgbɛ ke mɛ, e bo le vivɛɖe bio mɔn va hɛn nuti do sɔn nɔn, ⁸ Nan e nyi bio mi ɖo onu ke mi nan ɖu kpo nuke mi nan do, e kpe nan mi. ⁹ Vɔ ɛmɛ ke nɔn jro nan onu a su ye siye nɔn jɛ titɛnkpɔn mɛn , jɛ gan mɔn mɛ, a bo mɔn jɛ oklenɔn we ojlo susumɛ kpodo nuke nɔn onule ɛmɛ xuye ke nɔn gu abo mɔn cɔn gbetɔye. ¹⁰ Ɖo owanyiyi nan oho mɛ wɛ onu yiylan bi nɔn sɔn, mɛke do ye , ye diin le xɔse wu, yetete bo mɔn jɛ vivɛ sisemɛ. ¹¹ Lɔ, Mawu we, tɔn wɛ yi bio, si nan onu e mɔn ha tɔnye, a bo kan jijɔŋiŋi, ɖo sisi nan Mawu, xɔse, owanyi-nyi, ohun kuku, dɔmɛ fifa. ¹² Fɔn xɔse we ahwan nywɛn, hwɛn ɛgbɛ manvɔ wu, ke yeyɔ we nan, kpo ke ohun ɖiwe mɛ nywɛn ɖe nan le gbɛtɔ susu we unkɔn. ¹³ Ko nan ogbe wu we nɔn le Mawu ke nɔn nan ɛgbɛ wu nubi we unkɔn nɔn, Yesu Kliso, ke hun iɖe gɔnmɛ nywɛn le Pɔnsu Pilati, bio ni mɔn siɛn xu, ¹⁴ A mɔn nɔn ɛgbɛ mimɛ, ka nan mɛn ɖe ava tɔ ogbe wu we, gun va jɛ mia we xwetɔ Yesu Kliso we titrɔ va, ¹⁵ E na trɔ va le ganxixo itɔn mɛ do iwɛ yi ɛcɛkpatɔ ɖokpoge kpo jijwɛ, oga ye we oga, kpodo xwetɔ ye we xwetɔ, ¹⁶ iɖokpo gee wɛ nyi Mawu manku manku, ke nɔn nɔn kinklɛn ke mɛ mɛnti ɔn kpewu nan ɖiyɛ, ke gbɛtɔ ɔn kpɔn gun mɛti hun kpewu nan kpɔn can, iwɛ bubu kpo hɔnhlɔn manvɔ-manvɔ jɛ nan. Ami! ¹⁷ Lɔ nan ganxixo siɛ tɔn we dɔkunnɔn bio ye ni ko mɔn kɔ yeɖe yiji, ye ni ko mɔn sɔ ye we mɔn nu kpin kpɔn do dɔkun vivɔ ji, vɔ ye ni sɔ do Mawu ji, ke nɔn nan nubi susu wu mi nan mian do nɔn jijwɛ mɛ. ¹⁸ Lɔ nan ye bio mi mɔn we onu nywɛn, ye ni yii dɔkun nɔn ke le onu nywɛn wiwa mɛ, ye ni ɖo dɔmɛ Faa, a nɔn man onu kpodo ɛmɛ. ¹⁹ E mɔn ha dɔku yetɔn ye sɔ do dodoe sisiɛnxu jinɔn, ado kpewu a yi ɛgbɛ manvɔ. ²⁰ Timɔte tɛye, hɛn onu ke nan Mawu sɔ do asi nan we nywɛɖe, kpɔn ɖiwe ji le oxo vovoe kpo oxo gugu ye wu. ²¹ Onu dindɔn onu nyinyɔn tɔn ke ɔn sɔgbe ke mɛ ɖeye wasi bo do bu le xɔse wu. Mawu we ɛfɛnu ni nɔn kpo mi!