¹ Pɔlu, ɛmɛ dindɔn Yesu Kliso tɔn do gbɔn Mawu we ogbe ɖiɖe mɛ mia we hwlɛngan tɔn Yesu Kliso ke na nyi mia we oji ɖiɖe, ² nan Timɔte ovi ado doe le yise mɛ: ɛfɛnu, dɔmɛ nywɛn kpo fifa ke sɔn Mawu otɔ mia tɔn kpodo Yesu Kliso mia we xwetɔ kɔn. ³ Ɖike nan ko dɔn we ɖo va yi ha bio yi mɔn wasi gbɔxwe nan man sɔn yi Mansedwanu, nɔn ɛfɛzu nan do kpewu a do lɔ nan ɛmɛɖe ye lɔ bio ye mɔn ko mɔn kplan onu ke na gbɔn ovo alo ye mɔn ⁴ ka mɔn ɖo oto dindɛn tito kpodo oxolɔ sɔn jijimɛ ye wu ke ɔn ɖo vivɔnu. Eke ɔ e nɔn hɛn onu dindɔn ye do va e ko nɔn nan nan Mawu we ɖiɖo nɔn nyi nukɔn, ke na nyi gbɔndo yise mɛ. ⁵ Siɛ ɔ osɛn ɔ we taji ɔ wɛ nyi owan nyi-nyi kena sɔn oji kinkwɛn ye mɛn, kpo susu o nywɛn kpo yise vivɛ ɖe mɛ. ⁶ Mɛɖe ye le gli onu ɔn do ye bo trɔ okɔ le onu xiye tɛ, bo sin oxo lilɔ ɖekpokpoe ye kɔn. ⁷ Ye jro nan nyi osɛn kplan ɛmɛtɔ, vɔ ye ɔn nyɔn onu kena ye lɔ nɔn alo do onu ke ji nan ye tɛ ogbe do nɔn wu. ⁸ Vɔ mi nywɛn lɔ bio osɛn ɔ e nyɔn hwɛn, nan ye zin nywɛnɖe. ⁹ Mi ye mi nyɔn onuke, ye ɔn osɛn ɔ nan ɛmɛke le jijɔ ye, vɔ ye wesi nan ɛmɛ ke ɔn le osɛn ɔ ji ye bo vɛ toli ye, ɛmɛ nyinylan kpo nu nyinylan watɔ ye ɔ, kpo ɛmɛ ke ɔn nɔn nyi cɔci kpo ɛmɛ gugu ye. Ye wesi nan ɛmɛ ke nɔn hu yetɔ ye kpodo yenɔn ye, nan ɛmɛ hutɔ ye, ¹⁰ nan ɛmɛ mankɔn-mankɔn ye(oga lɔtɔ ye) kpo ŋglo ke nɔn ɖo oxo kpo yeɖe ye, kpo ɛmɛ ke nɔn wle ɛmɛ ye a bo do wasi kannu miɔn ye , kpo ojo kantɔ ye, kpo kunnu ɖetɔ ojo kantɔ ye, kpodo ɛmɛ ɖekpokpoe ke na ci ote do okplan kinkwɛn ɔ wu. ¹¹ Okplan ke ɔ e leɖi ɛwɛn nywɛn Mawutɔn ke nyɔn hwɛn ke ko le ŋkɔn nan. ¹² Ko do ɛkpɛ nan Yesu Kliso mia we xwetɔ. E do hɔnhlɔn lanmɛ nan, ɖo e kpɔn ko le gbe ji e bo sɔ sɔ ɖo odan yitɔn mɛ. ¹³ Le sa-an ko nyi ɔcɔn kɔn do ɛmɛ wu tɔ, ɛtɛ ci nan ɛmɛtɔ, kpo ɛmɛ ɛdɛn nylan tɔ. Vɔ ko nyi dɔmɛn nywɛn Mawu tɔn ɖo ko wa onu ye le man nywɛn man nywɛn mɛ le yise manɖo mɛ. ¹⁴ Vɔ mia we xwetɔ we efɛnu ɔ e su nan le yise mɛ kpodo owan nyi-nyi ke le Klispo Yesu mɛ. ¹⁵ Oxo ke ɔ e nyɔn hwen bo jɛ nan ye na nyi bi, bio Yesu Kliso e va ɛgbɛ ɔ a do hwlɛn onu nyinylan watɔ ye gan. Ko nyi ɛmɛ nyinylan hu ye ɛmɛ xiye bi. ¹⁶ Vɔ do e wutu ɔ, ko yi dɔmɛn nywɛn Mawu tɔn, nan le blɔ mɛ ɔ, ɛmɛ hyɔn, Yesu Kliso e ɖe ohu kuku yitɔn xlɛ. E wasi e xi le ɖi kpɔndewu nan ɛmɛ kena xɔse do eji nan ɛgbɛ manvɔ. ¹⁷ Siɛ ɔ, nan xɔlu oxwe ye bi tɔn ke ɔn nɔn ku, ke ye ɔn nɔn kpɔn, Mawu ɖokpo ge, sisi kpo gigo ni sɔn manvɔ do yi manvɔ. ¹⁸ Ko sɔ osɛn ke sɔ ɖo ŋkɔn nan we, Timɔte, ovi tɛye. Ko wasi eke nɔn leɖi ke nan oxolɔɖenyi lɔɛ ɖo jɛŋkɔn do wuwe ɖo ha, nan do kpewu a do ɖyɛ ahwan mɛ. ¹⁹ Wasi ɖo emɔn ha nan do ɖo yise kpodo susu o nywɛn kpo. Ɛmɛ ɖe ye gbɛ ye jɛ otɔ le yise wu. ²⁰ Ye wɛ nyi Imene kpo Alɛsandru, ke ko sɔ do asimɛ nan legba nan do yi okplan e ko mɔn nan kɔn ɔcɔn do ɛmɛ wu.