¹ Blɔ Pɔlu kpo Silivɛn kpodo Timɔte wɛ wlan wema ke ɖodan mmi cɔci vi ke na le Tɛsaloniki, bo nɔn ɖo sisi na Mawu otɔ kpo xwetɔ Yesu Kliso kpo. Na Mawu we ɛfɛnu kpo fifa etɔn ni nɔn mian ji. ² Mi do ɛkpɛ nan Mawu do mian ta nɔn tɛgbe, bo nɔn xo ɛɖɛ do ota nan mi nɔn tɛgbɛ. ³ Le ogan ɖe kpekpe mɛ, mi nɔn flin, xɔse we odan miatɔn, kpodo owan nyi-nyi we odan miatɔn kpo mia we omɔn kpinkpɔn sisɛnxu do mia we xwetɔ Yesu Kliso ji. Le ŋkɔn na miatɔ Mawu. ⁴ Nɔnvi oawn nyina nɔn Mawutɔn ye, mi nywɛn bio mi mɔn nyi ɛmɛ ke Mawu oɖo san ye. ⁵ Mia we ɛwɛ nyɛn ɔ, ye ɔn due na mi le oxo lilɔmɛ kpowu, vɔ, kpodo hɔnhlɔn, kpo gbigbɔ kinkwɛn, kpo vivɛdonu tet wɛ ye ɖo doe na mi, ɖo mi ɔn wɔn bio emɔnha wɛ mi wasi ɖo le mian mɛ, ɖo mia ta. ⁶ Mi ye mi bo kpɔn do wuye e bo mɔn kpɔn do xwetɔ wu, bo do yi oxo ɔ le ofu kpinkpɔn gbigbɔ kinkwɛn tɔn, ⁷ E bo na nan mi bo tlɔ zun kpɔn do ewu nan xɔsetɔye le Mansedwanu kpɔ Acayi. ⁸ do e mɔn ha can, ɔnyi Masedwanu kpo acayi ɖo ɖio hwɛn ye se xwetɔ we oxo ɔ le ɖiɖo nan Mawu sɔ xlɛ lɛe, e bo nan bio miye ɔn mɔn ɖo oxo ɖe nan lɔ. ⁹ Ɛn, ye lɔ ke nan mi yi miɖo le gankemɛ mi va mianɖe yeee bo mɔn lɔ oxo do ke mi yise do Mawu ji ɖo bo gbɛ yɛhwue ke nyin oxojɔxoɖo. ¹⁰ A bo do nɔn ote kpɔn ovi etɔn ke lɛ fɔn le jinunkunsi, kee fɔn sɔn oku ɔ, ɛmɛ ke na na hwlɛn mi gan le aɖidido etɔn ke gbɔn nɔn si.