¹ Piye ɛmɛ dindɔn Yesu Kliso tɔn na mɛ ke nyi mɛ jro ye kpodo mɛ ke ma dokpɔn, Galati, Kapodɔsi, Azi kpodo Bitini. ² Kpodo ɛmɛ ke na ye ɖo ye ɖi ke na kinkwɛn gningnin gbigbɔ tɔn na va do gni gbeji nɔn tɔ, a bo nɔn Yesu Kliso we ɛhun mɛ na ɛfɛnu kpo fifa a do sude ji. ³ Yayra na Mawu, mian tɔ we hlɛngan tɔ, ɖi dɔmɛ fatɔ ɖaxo, ɛgbio-ɛgbio sɔ gbɔndo, Yesu Kliso we fɔn sɔn mɛkuku mɛ. ⁴ Na dɔkunnu mian tɔn ye ɔn na do gu le jinukunsi. ⁵ Sɔ gbɔndo Mawu we hɔnhlɔn mɛ, mimɛ ke na ɖo xɔse le azan kpotuigɔ ye mɛ ye hlɛn mi gan. ⁶ Mi nɔn kpɔn jijwɛ, na e mɔn yɛ nyi bio mi nan nɔn dɔŋɖunu mɛ le titɛnkpɔn ye mɛ. ⁷ E nyi e mɔn na xɔse miatɔn a do lin okyɔn, xɔse e mɔn ha tɔn ke na ɖo kpikpɛnmɛ hu sika ke na nɔn gu na ozo fie ɔ. E xi e jɔ na mia we xɔse ye a do kpewu ɖe ohan jiji, gigo kpodo sisi sɔn na Yesu Kliso we viva. ⁸ Mi ɔn kpɔnɛn, vɔ mi nyi owan ni. Mi ɔn kpɔɛn siɛ, vɔ mi kando eji iwɛ mi gɔ kpodo jijwɛ ɖaxo ɖe. ⁹ Mia we hwlɛngan we ɖewu wɛ nyi mia we okla we hwlɛngan. ¹⁰ Hlɛngan e mɔn ha tɔn kpodo ɛfɛnu ke na ye jra ɖe nyi na mi san, e nyi onu do kikan na xolɔɖenyitɔ ye. ¹¹ Ye kan nan yɔn mɛke kpo gankemɛ nan gbigbɔ Mawutɔn nɔn lɔ oxo na ye. Nuxiye nɔn jɔ le gankemɛ nan gbigbɔ o nɔn lɔ oxo nan ye sɔn Yesu Kliso we vivɛsise kpodo gigo ke o gbɔnnɔn ye wu. ¹² Ye ɖe xle ye bio yetete mɔn nywɛ, vɔ yetete, na ye lɔ oxo sɔn onu ke ye lɔ na mi wu nɔn le siɛ sɔ gbɔndo mɛke do ɛwɛn nywɛn na mi nɔn na do gbigbɔ ɖedovo ke dɔn dodan sɔn jiŋkunsi onu kena Mawu we ɛwɛn do tɔ ye we susu le eji. ¹³ Iwɛdɔn, mi nɔn ogbe sisɔ. Mi nɔn ace ji. Mi ɖo omɔn kpinkpɔn bi le ɛfɛnu ke ye nan sɔ nan mi le Yesu Kliso we titrɔ va mɛ. ¹⁴ Leɖi ovi setonu ha, mi ko mɔn wasi leɖi ojro ke nan mi ɖo bo nɔn kan le ogankemɛ nan mi le man nywɛn mɛ. ¹⁷ Vɔ ke mɛke nan yɔ mi le kinkwɛn, mi ye can mi nɔn kinkwɛn le mia we onu wa nan ye mɛ. ¹⁵ Ɖo ye wlin ɖo onyi lɔ bio:«Mi nɔn kinkwen, ɖo botete ɔ ko le kinkwɛn». ¹⁶ Na e nyi mi nɔ yɔ «Otɔ» mɛ ke na ɔn nɔn kpɔn ŋmɛ nan ɛmɛ kpo odan ke mɛɖokpo ɖokpo wa nɔn do ɖo kojo, mi nɔn vo ni le mian we gbeji zɔn lin zizɔn mɛ. ¹⁸ Mi nywɛn lɔ bio ɔn nyi oho kpo sika ke nɔn gun hwɛn ye ṣɔ do trɔ xɔmi sɔn mia we ɛgbɛ gugu kena mi nyi sɔn mia tɔn ye kɔn. ¹⁹ Gbɔnvo ɔ ye trɔ xɔ mi kpo Kliso wɛ ɛhun adodwe leɖi lɛngbɔvi ke onu gugu ɖe kpodo oɖwu ti ɔn le ewu. ²⁰ Gbɔxwe nan ɛgbɛ ɔ nan jɔ ɔ ye o can Kliso ɔ, vɔ siɛ ɔ, le azan kpotwi ke ye mɛ ɔ, ye ɖe sɔ xlɛ mi. ²¹ Mi kando Mawu ji sɔ gbɔn do eji, ke na fuɛn sɔn ɛmɛ kuku ye mɛ kpo ɛmɛ ke e sɔ goto kikwɛn sɔ na na yise kpo oji ɖiɖe mia tɔn kpo a do nɔn Mawu ji. ²² Mi kɔn mia we okla wu sɔ gbɔn oto ɖiɖo na oxojɔxo ɔ. Eke ɔ nɔnvi niniɔn we owan nyi-nyi vivɛ wɛ, mi nyi owan nan minɔniɔn ye vivɛɖe sɔn oji mia tɔn. ²³ Ye mɔn trɔ ji mi bu, e ɔn nyi gbɔndo onukun gugu mɛ hwɛn vɔ sɔ gbɔndo onukun man gu man gu ke nyi Mawu we oxo ɛgbɛ ɛgbɛ ke le tɛgbɛ. ²⁴ Ɖo «Olankpo gbɛtɔ tɔn e ɖi ogbe, yi we goto kinkɔn bo ɖi ogbe we ɛsɛ. Ogbe e xu ɛsɛ ɔ bo flɛ, ²⁵ vɔ xwetɔ we oxo ɔ e le tɛgbɛ.» iwɛ nyi ɛwɛn nywɛn ke ye do nan mi.