¹ Ɛmɛ didɔn Mawu tɔn Pɔlu, ke Kliso Yesu yɔ na do nyi ɛmɛ didɔn kpo ɛfɛnu Mawu tɔn kpo do mia noviɔ le xɔse mɛ Sɔsitɛmu, ² na cɔci Mawu tyɔnle Colinti, mɛ ke Kliso Yesu lɛ ye na do nyi ɛmɛ ɖedovo mi mɔ nɔ wlan onu na mɛ ke nɔ yɔ Xwetɔ Yesu Kliso we unkɔ le fibi,ye wɛ Xwetɔ kpo do mia tɔn. ³ Na ɛfɛnu kpo fifa Mawu mia tɔn kpo Yesu Kliso tɔn ni nɔ kpo mi. ⁴ Ko mɔ do ɛkpɛ na bo we Mawu tɛgbɛ,do ɛfɛnu ke na Kliso Yesu na mi. ⁵ Yesu Kliso do na mi le onu bi mɛ, le xo bi mɛ,kpo do onu nyin nyɔ bi mɛ. ⁶ Kliso Yesu do na mi le ɖi kunu ke na Kliso ɖe le ɖi xojɔxo gbɔn mi ye ji. ⁷ Syɛ, onu nina gbigbɔ mɛ tɔn ti hɔn xodo mi nɔ, ke mi nɔtre kpɔn ɖeɖe xlɛ Xwetɔ tɔn mia tɔn Yesu Kliso. ⁸ E na trɔ kan mi gbun do yi vivɔ nu. Le ɛhwɛ ɖɔ zan gbe mia we ɛhwɛ na jɔ. ⁹ Mawu le gbe ji, yi ke na yɔ mi na nɔvi wiwa le Kliso mɛ oviɔ Yesu Kliso mia we Xwetɔ. ¹⁰ Ko do hɔnhlɔn na mɛ na mi nɔ syɛ nɔvi le xɔse mɛ unglo kpo do nyɔnusi ye, le Xwetɔ mia tɔn Yesu Kliso we unkɔ mɛ ke na mi mɛbi yi gbe na, na kiklan ɖe hɔn mɔn dole mia mɛ. Ko biɔ mi nɔ bio mi nɔ kpɔkpɔ mi mɛ bi le gbigbɔ ɖokpo mɛ kpo do walɔ ɖokpo. ¹¹ Ɖo ko se le Koli tɔ ɖe ye nu bio ojrɛ mɔ le mia mɛ. ¹² Syɛ,ko jro na ɖe nu ke we gɔn mɛ:« Mɛ ke nɔ lɔ nɔbio, blɔ kole kpo ɛmɛdidɔn Mawu tɔn Pɔlu», alo « Kpo Apolosu», alo « Kpo Kliso ». ¹³ Kliso e man wɛ? Ɛmɛdidɔn Mawu tɔn Pɔlu ye kin na mi wɛ? Mi nyrɔn mia ɖe le ɛmɛ didɔn Pɔlu we unkɔ mɛ? ¹⁴ Ko do ɛkpɛ na Mawu bio kɔn nyrɔn mɛ ɖe le mia mɛ, Klipusi kpo Gayisi. ¹⁵ Na mɛ ɖe hɔn na do lɔ bio bo we unkɔ mɛ mɛ e mɔ nyi nyrɔn le. ¹⁶ (Ko nyrɔnhwin do Stefani tɔn can, ke mɔ bɔ do e wu, kɔn hɔn nyrɔn na ko mɔ nyrɔn mɛ ɖe.) ¹⁷ Ɖo Kliso hɔnsɔ dodan bio ko mɔ va nyrɔn ɛmɛ, vɔ ado lɔ Mawu xo, ɔn hɔn nyin nunywin zinzin gbɛtɔ, na Kliso tisoga hɔn na do flɛ. ¹⁸ Ɖo tinsoga we ɛwin ɔn hɔn nyi nu ɖe le unmɛ na mɛ ke kunɔ ye. Vɔ le mɛ ke na Mawu xwlɛn gan ye mɛ, le ɛmɛ enyin Mawu we hɔnhlɔn. ¹⁹ Ɖo ye wlan bio:« Ko na gu onu nywɛn zizin nywɛn zizin tɔ ye tɔn. Ko na gu nyin nyɔ nu nyn tɔ ye tɔn.» ²⁰ Fie gbɛtɔ nu nywin zinzin tɔ le? Fie gbɛtɔ ke nyɔ nu le? Fie gbɛtɔ ke na wa nu na ɛgbɛ le? Mawu hɔn nunywin zinzin ɛgbɛ ke tɔn bo xɔ lɛ ha? ²¹ Sɔn gbe ke gbe gbɛtɔ ye le ye we nu nywɛn zizin mɛ gbɛ wan na Mawu, e jro Mawu na a xwlɛn mɛ ke na kando oha Mawu we xo tɔn ji. ²² ƉoJwifu tɔ ye kan undan do nu nɔ Glɛkitɔ ye o kan nu nywin zizin nɔ. ²³ Vɔ mi nɔ lɔ Kliso kikan we xo. Ɔfɔ klin nu Jwifu ye kpo oha na Glɛki tɔ ye ²⁴ Syɛ, na mɛ ke na Mawu yɔ ye, Jwifu tɔ alo kpo Glɛki tɔ ye mi nɔ lɔ bio Kliso mɔ nyi hɔnhlɔn kpo do nu nywɛn zizin Mawu tɔn. ²⁵ Ɖo oha Mawu tɔn enyɔn hwin hu gbɛtɔ ye tɔn, yi we gbɔjɔɛ mɔ ɖo hɔnhlɔn wu gbɛtɔ ye tɔn. ²⁶ Mi sɔ mia sɔ yɔ onu nɔvi le xɔse mɛ ye. mɛde ye le mia mɛ ye ɖo nu nywɛn zinzin le ɖi gbɛtɔ ye we nu nyin nyɔ. Mɛɖe ye we ɖo hɔnhlɔn le mia mɛ, mɛɖe we ɛmɛ son jiji xwe nu gun. ²⁷ Vɔ Mawu nɔ can onu ke hɔn nyi nuɖe ye le ɛgbɛ mɛ a do do unnya wu nuywɛn zinzin tɔ ye. Mawu nɔ sɔnu ke hɔn ɖo hɔnhlɔn. ²⁸ Mawu can nu ke nyi vitwoe kpodo ke hɔn nyi nuti le ɛgbɛ ke mɛ. E mɔ trɛ can nuke ye nɔ kpɔn nɔ bio ɔn mɔ ɖi nuti ye, ado gu ke ye lɔ nɔ bio e mɔ nyi unu nywɛn ye. ²⁹ Mawu wasi nuke na me ɖe hɔn na do va sa yi ɖe le unkɔn ni. ³⁰ Do nu ke Mawu wasi wu tu, syɛ mi le Kliso Yesu mɛ, ke va nyi na mi nu nywɛn zinzin ke Mawu na, mia we ɛhwɛ jijɔ, mia we mimɛ kpodo xwlɛn gan. ³¹ Le ɖi ke ye wlan ɖo:« Mɛ ke na ɖo yi ɖe nɔ, ni ɖo yi ɖe le Xwetɔ mɛ.»