¹ A flin na ye ɖɔ ye bo ɖo na nɔ sɔ yeɖe xɔ hwe na otokplantɔye kpo otogaaye kpo, a bo nɔ se otonu na ye,a bo le ogbesisɔ na ozɔn jijɔhun ɖekpokpwe. ² Ye ni nɔ kpɔn gɔ kɔn acɔn do omɛti go gɛ o,a bo nɔ gbɔn akpa na ojlɛ wiwa lɛye,a bo nɔ ɖe fifa yetɔn xlɛ omɛ kpokpo. ³ Ɖo miye can,oklenɔye wɛ mi nyi le osan,bo nyi otonu masetɔ ye,omɛ bubuye,bo nyi omɛxixɔ na ojlo ɖekpokpwe kpo ogbɛ ɖuɖu ɖekpokpwe zinzan,danuwiwa kpo omɛnu jijlo,omɛye nɔ gbɛ owan na mi,mi ye can bo nɔ gbɛ owan na miɖe lɛye. ⁴ Vɔ,hwɛxenu na Mawu hwlɛngantɔ mitɔn ɖe xomɛ nywɛ wannyiyi etɔn sɔ xɔ xlɛ, ⁵ e hwlɛn mi gan,e ma nyi ogbɛ jijlɔ we ozɔn na miye tesu blo mɛ zɔn gɛ.Vɔ,dogbɔn dɔŋuɖunu kpinkpɔn etɔn mɛ,e hwlɛn mi gan dogbɔn awusisla xeni nɔ na vɔ ji yɔyɔ kpo ogbɛ yɔyɔ xena gbigbɔ ɖedovo tɔn nɔ na omɛ mɛ. ⁶ Gbigbɔ ɖedovo tɔn lɔ wɛ Mawu sɔ xɔ kɔn do mi ji gbɔn hwlɛngantɔ mitɔn Jesu Klisi ji. ⁷ E nɛ,xena mi tlɔ zun omɛ jijlɔ gbɔn fɛnu etɔn mɛ,mi na ogbɛ mavɔ-mavɔ xena mi le ɖo nukun xɔn lɔ we cinɔ sɔ tɔye. ⁸ Oxo e nɛ,oxojɔxo kpatakli wɛ,un jlo ɖɔ a tɛ oɖɛ e ji taŋu,e nɛ omɛ xeye ni ɖi onu na Mawu lɛye a do kpe nukun do ozɔn jijɔhun lɛye biblo go ganji.E nɛ lɔ wɛ jɔhun bo na na ale omɛ kpokpo. ⁹ Vɔ,gbɔn akpa na oxo gblo ɖiɖɔ lɛye, okunkanye xixlɛ,ojlɛ wiwaye,onu dindɔn xeye ni kunkpla osɛn,ɖo ye ma ɖo ale ti gɛ,onu vɔvɔye wɛ. ¹⁰ Na a gbɛ onu na omɛ xeni nɔ hɛn mima wa omɛye mɛ tintan,bo gɔ gbɛ ni-i awegɔ,wɛ e ma se gɛ,be bo ɖe-e do ovo. ¹¹ A bo nywɛ ɖɔ omɛ lemɔhatɔn,omɛ bubu bɛ,bo nyi onunyinyla wiwatɔ.Etesu le da ohwɛ na e ɖe xɔn. ¹² Hwexenu na na sɔ Atemasi alo Ticiki sɔ ɖoxlan we,tɛnkpɔn a bo wa diye le Nikopolɔsu.ƉO fllɛn lɔ wɛ un sɔ ogbeta na do nɔ le vivɔ hwenu. ¹³ Kpe nukun do Zenasi osɛn zɔnwatɔ kpodo Apolosu we ohwɛnzizɛ go,onuti ni nɔ kpɔn hwe do ye gɛ. ¹⁴ Miye nɔvi yi senɔ lɛye can ɖo na kplan ɖena ye nɔ blo onu jijɔhun ye ɖo, a bo do kpego omɛ xeye ni le hudo mɛ lɛye go.E nɛ ye ma gɔ do le zan ogbɛ xeni ma tɔn ale ti na omɛ ɖe xɔn gɛ. ¹⁵ Omɛ xeye ni le diye lɛye sese do ogbe na we.Do ogbe na omɛ xeye ni yi owan na mi le yise mɛ ye.Mawu we fɛnu ni nɔ xa mi omɛ sese kpo.