¹ Vɔ,yɔTitu,ɖɔ onu xeye ni sɔ ogbe xa onu kpinkplan adodwe lɔ. ² Ɖɔ na sunnuglo nyɔxonɔ ye ɖɔ,ye ni bo nɔ blo onu do ojlɛ ji,a bo nyi omɛ xeye na sisi jɛ xa ye, a bo nɔ bu otamɛ hwɛkpo a wa onu,ye na syɛnxu le yise mɛ,a bo syɛnxu le owanyiyi kpo vivɛdido onu mɛ. ³ Lemɔha ke,ɖɔ nyɔnusi nyɔxonɔ lɛye ɖɔ ye ni bo nɔ blo onu ɖi ɖena omɛ mimɛ lɛye bo nɔ blo onu ɖo ha,ye ni bo nɔ kpɔn nyi omɛxoɖɔtɔye gɛ,ye ni bo nɔ kpɔn gɔ jo yeɖe do na ahan nunu diin gɛ.Ye ni nɔ na okplan jijɔhun ye, ⁴ e nɛ,ye na kplan nyɔnuviye ɖɔ ye ni bo yi owan na yesu lɛye kpo vikpɛ yetɔn lɛye. ⁵ A bo nɔ bu otamɛ hwɛkpo a wa onu,a bo nyi omɛ mimɛ ye,a bo nɔ wa oxwegbe we ozɔn lɛye ganji,a bo ɖo walɔ jijɔhun,a bo nɔ sɔ yeɖe sɔ hwe na yesu lɛye,e nɛ omɛɖe ma gɔ do wa le kɔn acɔn do Mawu we oxo lɔ go xɔn gɛ. ⁶ Do akpakpa lanmɛ na omɛ winwyan leye can,na ye ni nɔ bu otamɛ,hwɛkpo a wa onu. ⁷ Le omɔ lɛye sese ji,yɔ tesu ɖo na nyi ikpɔn do e go le ozɔn jijɔhun lɛye wiwa mɛ.Onukpinkplan tɔwe ni nyi onukpinkplan adodwe a bo sɔgbe, ⁸ Ni nyi oxojɔxo, onu dindɔn ti ni nɔ kpɔn nɔ e go gɛ,e nɛ ŋunya na wa kɛntɔ wɛ e ma le mɔ onunyinyla ɖe bo le ɖɔ do mi go xɔn gɛ. ⁹ Omɛxixɔye ni nɔ sɔ yeɖe sɔ hwe na xwetɔ yetɔn lɛye le onu kpokpo mɛ,ogbɛ zinzan yetɔn lɛye na nɔ nyɔ le nukun mɛ na ye.Ye ni nɔ kpɔn gɔ nɔ dɔn onu xa ye gɛ, ¹⁰ ye ni bo nɔ kpɔn fin onuɖe do ye ge o,vɔ ,ye ni nɔ ɖe ogbeji ninɔ yetɔn sɔ xlɛ tɛgbɛ-tɛgbɛ,e nɛ sisi na do nɔ onukpinkplan Mawu hwlɛngantɔ mitɔn lɔ tɔn go. ¹¹ Ɖo Mawu o ɖe fɛnu etɔn xemɛ na hwl€ngan sɔn na omɛ lɛye sese,sɔ xlɛ. ¹² Fɛnu e nɛ lɔ le kplan onu mi xɔn ɖɔ miye ni bo ɖe okɔ le sisi ma ɖo na Mawu kpo ojlo ogbɛ xemɛ lɛye tɔn go.E nɛ le ogbɛ egbetɔn xe mɛ,mi na nɔ bu otamɛ hwɛkpo a wa onu,a bo nyi omɛ jijlɔ, a bo nɔ ɖo sisi na Mawu le ogbɛ ninɔmɛ mitɔn mɛ. ¹³ Na mi a do le ote kpɔn nukun ɖiɖo nyɔnatɔn kpo gigo xenaç Mawu ɖaxo mitɔn kpodo hwlɛngantɔ mitɔn Jesu Klisi na wa ɖe sɔ xlɛ. ¹⁴ E sɔ e ɖe sɔ xɔ na do ota mitɔn mɛ,bo do xɔ mi le onunyinyla ɖekpokpwe si,bo gɔ slawu na mi bo do sɔ mi do blo otogun etɔn tesu-tesu,na otogun lɔ a do ɖo,akpakpa na ozɔn jijɔhun lɛye. ¹⁵ Oxo e nɛ lɛye wɛ a ɖo na ɖɔ,a bo do akpakpa lanmɛ na omɛ,a bo gbɛ onu na omɛ kpo acɛkpikpa kpo.Omɛti ni nɔ kpɔn kɔn acɔn do go we gɛ.