¹ Wema xe lɔ ɖɔ onu xena jesu klisi dexlɛ. mawu wɛ sɔ ni-i a do dexlɛ ozɔnwatɔn Jaan, onu xena wa jɔ le madɛn-madɛn mɛ lɛye . Jesu klisi lɔ sɔ wɛnzangun tɔn ɖoxlan ozɔn watɔ etɔn Jaan ná ni -á do nyɔ onu nɛ lɛye. ² Jaan lɔ wɛ do kunnu do onu xena e mɔ lɛye kpokpo go . E ɖe kunnu do mawu lɔ go kpo oxojɔxo xena jesu klisi ɖɔ lɛye go. ³ Nyɔnanɔ wɛ nyi omɛ xeni le xlɛ ogbedido do Mawu nu we wema xe lɔ xɔn . Nyɔnanɔ ke wɛ na nyi omɛ xe le se xɔn ke lɛye tɔn , bo na hɛn e go a bo ɖo sisi na , ɖo oganxixo xena mawu ɖo na onu enɛ lɛye nado jɔ, o sɛkpɔ. ⁴ Nyɔ Jaan wɛ le do ogbe ɖoxlan agun canwe xe le Azi we kansimɛ xɔn . Mawu xeni lé le egbe , bo le osan , bo gɔ nyi Mawu xeni ja , ni na mi fɛnu kpo fifa. Lemɔ ha ke gbigbɔ canwe xeni le nukɔn na xɔlu zinkpwe etɔn can ni na mi fɛnu kpo fifa . ⁵ Jesu klisi xeni nyi kunnuɖetɔ ogbedjinɔtɔ bo nyi omɛ tintan fon sɔn oku bo kpa acɛ na anyizanji we xɔlu lɛye , ni na mi fɛnu kpo fifa kpo. Eyɔ lɔ wƹ nyi owan na mi bo hwlɛn mi gan le onu nyinylan mitɔn lƹye mƹ gbɔn ohun etɔn mƹ . ⁶ E we sɔ mi ɖo xɔlu lɛye we otogun bo gɔ sɔ mi do blo avɔsantɔ ye na mawu otɔ lɔ: Etɔn wɛ nyi gigo kpo hɔnhlɔn , sɔn mavɔ do yi mavɔ mɛ .Amǐ ! ⁷ Mi kpɔn ! E ja kpo akplɔkplɔ ye ! Nukun lƹye sese na mɔ-ɛ, omɛ xeni tɔ ohwan wi ye can na mɔ -ƹ . Akɔta xe le anyizandji sese na nɔ lutu mƹ do e yɔ wutu . Ɛɛn dena e na nyi ɖo nɛ! Amǐ. ⁸ Aklunɔ Mawu omɛ xeni le egbe , omɛ xeni le osan , omɛ xeni ja, Ganhu-nukpokpotɔ ɖo : Nyɔ wɛ nyi Alufa bo go nyi Omega . ⁹ Nyɔ miye nɔvi Jaan xeni le okpɔ xa mi le Jesu mɛ , bo le kpe ofun xa mi xɔn , bo le xɔlududu mawutɔn lɔ xa mi ,, bo le do vivɛnu xa mi xɔn , wɛ wlan wema xe . otɔdodo mɛ we oto xena ye nɔ ylɔ ɖɔ Patumosu mɛ wɛ un le ɖo oxo Mawu tɔn kpo kunnu xena un le ɖe do jesu klisi go xɔn wutu. ¹⁰ Le Aklunɔ we azandji, Gbigbɔ ɖedo ovo tɔn jɛ ji ye , wɛ un se ogbe ɖe ɖi le godo na-un kpo axwa lelele ɖi ahwankpƹn wɛ ye kun ha , ¹¹ bo le ɖɔ xɔn ɖɔ: «onu xena a le mɔ xɔn , xe wlan-ɛ do we ma mɛ , abosɔ ye ɖoxlan agun canwe lɛye xeni le Efɛzu , Siminu , Pɛganu , Tiyatii, , Sadi , Filadɛlifi kpo Lawodise » . ¹² Un lilɛ ba na do kpɔ omɛ xeni le dɔ oxo na-un xɔn lɔ bo mɔ zogbƹnhƹntin sika tɔn canwe . ¹³ Onu le ogbɛ ɖe xeni ɖi gbɛtɔ we ovi ha le zogbɛnhɛntin sikatɔ lɛye we agbla mɛ .E do awu gaga ɖe bo sɔ akpakan sikatɔn do bla akɔnnu ¹⁴ Ota etɔn kpo oɖa etɔn lɛye lɛ wewe ɖe ɖi agbɔ wewe we ofun ha bo we pepepe . Nukun etɔn lɛye nɔ klɛn ɖi o zo ha . ¹⁵ Afɔ etɔn lɛye le da ozo xɔn ɖi ogan vɛ xeni le ozokpo mɛ ha . Ogbe etɔn bo le ɖi otɔ sisa ɖaxo xeni le sa wa le yi xɔn ha . ¹⁶ E hɛn sunhwlɛvi canwe do adusi lɔ etɔn mɛ . Dɛnkpwe ɖiɖa onu awe nɔ ɖe le tɔ sɔn numɛ etɔn xɔn , nukumɛ etɔn nɔ klɛn ɖiɖena ohwe nɔ klɛn le hwemɛ gan nan gan nan ɖo ha . ¹⁷ Xena un mɔ-ɛ, un jɛ- anyi le akɔn mɛ ni-i bo le ɖi omɛ kuku ha . E do adusi lɔ etɔn ji ye bo dɔ : nɔ kpɔn di obu gɛ , nyɔ wɛ nyi tintan bo gɔ nyi vivɔ nu , ¹⁸ bo le ogbɛ .Un bo ku san , vɔ odin un le ogbɛ tɛgbɛ, oku kpo okutomɛ we cavi lɛye le asi ye. ¹⁹ E wɛ zɔn wlan onu xena a mɔ . onu nile jɔ le odinxɔn kpo xeni na wa jɛ ye. ²⁰ Sunhwlevi canwe na amɔ le aɖusi lɔ ce mɛ lɛye, kpo zogbɛnhɛnnu sikatɔn canwe na a mɔ lɛye , onuhwihwla xeni le e mɛ lɛ ye diye : sunhwlɛvi canwe lɛye wɛ nyi agun canwe lɛye wɛ wɛnzangun ye, zogbɛnhɛntin sikatɔn canwe lɛye bo nyi agun canwe lɛye .