¹ Hwexenu na, Jesu jɛ te sɔn oso lɔ ji gbɛtɔ ahwan kpɔ ɖe lɛye xo do-e. ² Eɖye gudunɔ ɖe wa jɛ oklo le akɔn mɛ ni-i bo le ɖɔ xɔn ɖɔ: Aklunɔ na e jlo we a na lɛ-un we. ³ Jesu drɛn alɔ etɔn bo sɔ ɖo e go bo dɔ ni-i ɖɔ: Un jlo, mɔ lɛwe. Zɔnɖokpo, gudu etɔn gbɔ e bo mɔ lɛwe. ⁴ Wɛ Jesu ɖɔ ni-i ɖɔ: Nɔ kpɔn ɖɔ na omɛti gɛ, amɔ wa yi sɔ ɖewe sɔ xlɛ avɔ santɔ Mawutɔn lɔ, a bo blo avɔsinsan xena Mɔyizi we osɛn lɔ byɔ, e nɛ lɔ wɛ na ɖe xlɛ ɖɔ azɔn tɔwe bo gbɔ. ⁵ Xena Jesu le ɖyɛ Kapɛnawumu xɔn, sɔja kanwekoga hlɔmatɔn ɖe sɛkpɔ-ɛ bo do kɛnklɛn ni-i ɖɔ: ⁶ Aklunɔ o zɔn watɔ ce le anyimimlɔ le oxwegbe, e kplibɔ bo le se vivɛ xɔn titeŋugbe. ⁷ Jesu bo ɖɔ ni-i ɖɔ: Nyɔ, na yi bo na gbɔ azɔn ni-i. ⁸ Amɔ sɔja kanwekoga lɔ ka ɖɔ ni-i ɖɔ: Aklunɔ un ma jɛ xa na ado ɖyɛ oxwe ce gbe gɛ, amɔ ɖɔ oxo go lokpo gee wɛ omɛsɛntɔ ce na mɔ azɔn hɛn gbɔ. ⁹ Ɖo nyɔ can gba un le omɛ we acɛ gɔ, sɔja ye can bo le agɔ na-un. Na un ɖɔ na omɛ ɖe ɖɔ ni yi flɛn, e nɔ yi-i, na un gɔ ɖɔ na omɛ ɖe ɖɔ ni bo wa, e nɔ wa, na un ɖɔ na ozɔnvi ce ɖɔ ni bo blo onuɖe, e nɔ blo-e. ¹⁰ Xena jesu se oxo xena sɔjakanweko ga lɔ tɔn vɔ, e vivi ni-i wɛ e ɖɔ na omɛ xeni xodo-e lɛye ɖɔ: Un ma mɔ omɛti le Izlayɛli wɛ e ɖo onu ɖiɖi ɖi omɛ xe ha gɛ. ¹¹ Un le ɖɔ na mi xɔn, omɛ susu na sɔn ohwezɛdo kpo ohweyixɔ kpo wɛ ye na wa flɔn-anyi xa Ablaxamu le tavo to kpodo Jakɔbu kpo Izaki kpo le axɔsuɖuta olɔntɔn mɛ. ¹² Amɔ, ye na sɔ omɛ xe tɔn ni nyi axɔluɖuto lɔ sɔ xɔ flɛn dozinvlu mɛ le gaji, o fi xena avi kpo aɖu kun-kun kpo le. ¹³ Jesu ɖɔ na sɔ ja kanweko ga lɔ ɖɔ: sɔn, ɖi ɖena a ɖi onu ɖo, ni bo nyi do le mɔ ha na we wɛ mɛsɛntɔ lɔ mɔ azɔn hɛn gbɔ le ogan xixo lɔ mɛ. ¹⁴ Hwexenu na jesu ɖyɛ Piyɛ we oxwegbe, e mɔ Piyɛ asyɛ nɔ le zanji wɛ vivɔ bo le ci-i xɔn. ¹⁵ Jesu ɖo alɔ alɔ go ni-i wɛ vivɔ lɔ hɔn ni-i; wɛ e cite bo jɛ jonɔ etɔn yiyi ji. ¹⁶ Xena hwedo do, omɛ ye hɛn azɔn nɔ susu xena gbigbɔ mawe le do tagba na xɔn wa ni-i, wɛ le oxo ɖiɖɔ etɔn lokpo mɛ e nya gbigbɔ mawe lɛye, bo gbɔ azɔn na omɛ xeni le jɛ azɔn xɔn lɛye sese. ¹⁷ Na onu xena ɖɔɖanyiɖɔtɔ Ezayi wlan a do wa cicɛmɛ, Ezayi ɖɔ: E bɛ lanmɛ gbigble mitɔn lɛye, bo bɛ azɔn mitɔn lɛye. ¹⁸ Xena Jesu mɔ ahwan kpɔ xeni lɛ oto do-e lɛye, e ɖɔ na xwedotɔ etɔn lɛye ɖɔ mi a da sa otɔ lɔ abo yi akpa ɖyɛ xwe. ¹⁹ Wɛ osɛn kplan omɛtɔ lokpo wa ede bo ɖɔ ni-i ɖɔ: Cica na xo do we do yi ofi ɖekpokpwe xena a na yi. ²⁰ Jesu yi ogbe bo ɖɔ ni-i ɖɔ: Owɔ lɛye ɖo nɔtɛn ye tɔn, oxɛ lɛye can bo ɖo adɔ ye tɔn, amɔ ovi gbɛtɔ tɔn lɔ ma ɖo ofi ti na e na sɔ ota sɔ xɔ ɖo gɛ. ²¹ Xwedotɔ bu gɔ ɖɔ ni-i ɖɔ, Aklunɔ na-un ogbe na ma yi ɖi atɛye hwɛkpo. ²² Amɔ Jesu ɖɔ ni-i ɖɔ: Xo do-un a bo jo ocɔ ye do na ye a ɖi ye ɖe. ²³ Xena Jesu ɖyɛ otɔ ji hun lɔ mɛ, xwedotɔ etɔn lɛye xo do-e. ²⁴ Iɖye, jɛhɔn ɖaxo ɖe bɛ le otɔ lɔ ji, wɛ osin le ɖyɛ otɔ jihun lɔ mɛ xɔn. Jesu bo le amlɔn mɛ tototo. ²⁵ Xwedotɔ etɔn lɛye wa e ɖe bo ɖɔ: Aklunɔ hwlɛn mi ɖo mina ku otɔ! ²⁶ Jesu ɖɔ na ye ɖɔ: A ni we o bu wɛ mi le ɖi xɔn, onu ovu ɖi tɔ ye? Wɛ Jesu cite bo ɖe ogbe do jɛhɔn lɔ, wɛ oɖa ɖo tototo. ²⁷ E kpaca gbɛtɔ nɛ lɛye wɛ ye le ɖɔ xɔn ɖɔ: Gbɛtɔ alɔ kpa bɔ tɔn ha wɛ gɔ nyi omɛ e xe, kaka gbɔn oxu kpo jɛhɔn nɔ se tonu ni-i? ²⁸ Hwexenu na Jesu wa yi jɛ otɔ lɔ we godo le Gadalɛnutɔye we kansinmɛ dahwe awe ɖe lɛye, xe mɛ na gbigbɔ mawe le, tɔn sɔn oyɔdomɛ bo wa yi kpe-e. Dahwe nɛ lɛye nɔ blo danu kaka gbɔɔn omɛti mɔ nɔ gɔ xaji, bo nɔ gɔ gbɔn omɔ nɛ lɔ gɛ. ²⁹ Omɛ awe nɛ lɛye jɛ axwa dido ji bo le ɖɔ xɔn ɖɔ: Mawu we ovi, ani wɛ le miye kpo yɔ kpo mɛ? Awa bo na do wa do vivɛsise na mi hwɛkpo vivɛsise we ogan lɔ na do xo wɛɛ? ³⁰ Zaanɖe, hanvi susu ɖe le bo le din onu ɖuɖu xɔn. ³¹ Gbigbɔ mawe lɛye do kɛnklɛn na Jesu bo ɖɔ: Na a nya mi, bo sɔ mi ɖoxlan hanvi nɛ lɛye mɛ. ³² E wɛ Jesu ɖɔ na ye ɖɔ: Mi sɔn! Gbigbɔ mawe lɛye bo tɔn bo ɖyɛ hanvi lɛye mɛ, wɛ hanvi wɔbu-wɔbu nɛ lɛye bɛ wezun gbligbligbli sɔn fi xena ye le bo wa yi ku do oxumɛ. ³³ Do gbɔn onu nijɔ nɛ lɔ go, hanvi cɔtɔ lɛye bɛ wezun bo ɖyɛ oto lɔ mɛ bo do jɛ oxo lɔ jijla ji, taŋu-taŋu onu xeni jɔ do gbigbɔ mawe nɛ lɛye ji. ³⁴ E wɛ oto lɔ mɛ tɔ ye sese tɔn bo wa kpe Jesu; xena ye mɔ-ɛ ye do kɛnklɛn ni-i ɖɔ ni bo lɛle kansin mye lɛye tɔn mɛ.