¹ Jesu jan sɔn bo wa mɔ mɛɖe wɛ ye ji nukungba nɔ. ² Jesu we ahwanvi lɛɛ kan Jesu se ɖɔ: ''Cica, mɛ hwu ohwɛ wɛ ye ɖo ji mɛxe nu kungbanɔ? eyɔtesu wɛ hwu ohwɛ? a lo mɛ xɛ ni ji lɛ wɛ hwu hwɛ? ³ Jesu ka gbo ɖe go na ye ɖɔ: ''E ma hwu ohwɛ gɛ, mɛ xe ka ji, lɛ ma hwu ohwɛ gɛ, e tɔn nukun na Mawu na ɖo ɖe hɔnhlɔn etɔn xlɛ lɛ omɛ lɔ go. ⁴ Ɖó xe na óklé lè té, mi ɖó na wa mɛ xe ze mi ɖo xlan lɔ we ozɔn, ɖó ozan wo jàn dó wɛ mɛ mɛti ma kpego na wazɔn gɛ. ⁵ Hwe nu ɖe kpekpe mɛ na un le ogbɛ lɔ mɛ, nyɔ wɛ nyi weziza ogbɛ lɔ tɔn. ⁶ Xe na Jesu ɖɔ xo e nɛ vɔ, e tun tan ɖo anyizanmɔ, bo ɖo nya bàbà, bo sin ɖo nukunmɛ na omɛ lɔ. ⁷ Bo ɖɔ ni ɖɔ: ''Yi klɔ nukun lɔ le Silowé wè tɔmé.'' ⁸ Omɛ xe ni lɛ xwèkpà ha nukungbanɔ lɔ kpoɖo mɛ xe nɔ mwɛ e nɔ byɔ nu sàn lɛɛ ɖɔ: ''É ma nyi mɛ xe hɔ flan nyi bo nɔ le byɔ nu ɖu mɛ hɛ?'' ⁹ Mɛde ye nɔ ɖɔ: ''Eyɔ wɛ'', mɛ bu ye ka nɔ gɔ dɔ: ''Gbelekpɔn, mɛ di mɛ wɛ.'' É yɔtesu ka ɖɔ na ye ɖɔ: ''Nyɔ jàn wɔ.'' ¹⁰ Yé ka kɛnsé ɖɔ: ''Naɖe wɛ nukun tɔwe lɛ blo bo ɖó hun?. ¹¹ É gbó ɖe go na ye dɔ: ''Mɛ xe na ye nɔ yɔ dɔ Jesu bló bàbà kpɛ ɖe bo sin ɖó nukun-mɛ ha-un, bo ɖɔ e nyɔ ni bo yi klɔ le otɔ Silowe tɔn mɛ''. Wɛ un blo ɖe ji wɛ nukun cé nun titan lokpo. ¹² Ye kɛn sé dɔ: ''Bɔ Jesu lɔ lé?'' e gbo dé gɔ na ye dɔ: ''Un ma nywɛ gɛ''. ¹³ Ye hɛn mɛ xe gba nukun osan lɔ wa Falizitɔ ye ɖe. ¹⁴ Gbe xe gbe na Jesu ka blo nujawa lɔ, gbɔjwɛ zan gbe Jwiƒu lɛ tɔn wɛ. ¹⁵ Enɛ lɛ wɛ zɔn Falizitɔye ɖo kan mɛ lɔ se ɖɔ na ɖe nukun e tɔn lɛ hun ɖó ja, E ka gbo ɖe go na ye ɖɔ: ''É yan ókɔ bo sin ɖo nukun mɛ na-un, wɛ un yi klɔ, bo ka jɛ nu mɔ ji.'' ¹⁶ Falizitɔ ye ɖɔ: ''Mɛ xe ma kpo sɔn Mawu ɖe gɛ ɖó é gba osɛn le gbɔjwɛ zan gbé.'' Mɛ bu ye ka gɔ ɖɔ: ''Na ɖe wɛ hwɛ hwutɔ na jlɛ onu le man tɔn ɖó?''. Wɛ gbenɔkpɔ ma gɔ le ye mɛ. ¹⁷ Ye ka gɔ kan mɛ lɔ se ɖɔ: ''Omɛ xe ni hun nukun na we lɔ, à ni wɛ a kà lin ɖé gó?'' É ka gbo ɖe go nu ye ɖɔ: ''Ɖɔ ɖanyiɖɔtɔ Mawu tɔn we e nyi''. ¹⁸ Ónu nyi ɖo le ma co, Jwiƒu nu lɛɛ ma jlo na ɖi ɖɔ nukungbanɔ osan tɔn lɔ mɔ ónu gɛ. Nà ɖó ƒó, ye hɛn omɛ e tɔn lɛ wa. ¹⁹ Bo kan mɛ e tɔn lɛ se ɖɔ: ''Ovi mi tɔn wɛ hyi mɛ xe mi ji nukungbanɔ wɛ? Nade xa wɛ é nyi ɖó wɛ é ɖó le mɔ nu din?'' ²⁰ Omɛ e tɔn lɛ à gbo ɖé gó na Jwiƒu lɛɛ dɔ: Mi nywɛ ɖɔ óvi mi tɔn wɛ nukungbanɔ wɛ e nyi sɔn jijimɛ e tɔn. ²¹ Vɔ ɖe na onu nyi ɖó wɛ e ɖo wa le mɔ nu, mi ma nywɛ gɛ. Mi kan oxo sé wi, e wo yi mɛ xo bo na gbo ɖé gó na-mi. ²² Mɛjitɔ nukungbanɔ lɔ tɔn le ɖɔ lè mà ɖo yè ɖibu na Jwiƒu ga lɛɛ, ɖó ye wo kplé bo ɖó ɖó alɔ lókpó ji ɖɔ mɛ xe na zé Jesu ɖó mɔ klisu, myé lɛɛ bo nà nyɛ sɛ le okplɔn xɔmɛ mye lɛ tɔn. ²³ Onu xe zɔn ye ɖo ɖɔ é bó wo nyi mɛ xo, bo hɛn bó na tin onu gɔnmɛ nà yé lɔ nà. ²⁴ Jwiƒu ga lɛ ka gɔ ylɔ mɛ xe gba nukun ósàn lɔ awegɔ bo le ɖɔ ni ɖɔ: ''Kpà gigo na Mawu''. Mye mi nyɔ ɖɔ, dahwé énɛ lɔ, hwɛhwu tɔ wɛ. ²⁵ '' E ka gbo ɖé gó ɖɔ: ''E nyi hwɛhwu tɔ à ló e ma nyi hwɛhwu tɔ gɛ, nyɔ ma nywé gɛ. Vɔ onu lókpó xe na un nywé wɛ nyi ɖɔ: ''Nukunhbanɔ we un nyi san vɔ óɖin un le mɔ nu.'' ²⁶ Yé gɔ Kɛn se ɖɔ : “Á ni wɛ Jesu bló ná wé ? ɖɔ lɛ na e blo ɖó bo do hun nukun ná wé.” ²⁷ È Ká yɔ gbo de gó na yé ɖɔ : “un wo dɔ́ nú mí vɔ mí ma sé gɛ. A ní wutu mi lé din ma gɔ ɖɔ oxo lokpo lɔ na mi Á ló nye can jlo na nyí ahwanvi é tɔn ... ²⁸ Jwifu lɛɛ̀ je nukungba nɔ lɔ́ zunji bo ɖɔ : yɔ wɛ nyi ahanvi é tɔn , mye xwedotɔ Moyizi tɔn wɛ mi nyí. ²⁹ Mi nyɔ dɔ Mawu bo ɖɔ xɔ na Moyizi , vɔ mi ma nyɔ fixena mɛxɛ sɔn gɛ̃. ³⁰ Nukungba nɔ xɛ mɔ azɔn hɛn gbɔ lɔ gbɔ :« ɖɛ gɔ̃ na yé ɖɔ. É kpa ca' un ɖo mɛ ɖe hun nukun na un wɛ mye mi ma nyɔ̃ fi xe na mɛ lɔ sɔ̃ngɛ̃. ³¹ Mɛ kpɔkpɔ nywɛ́ ɖɔ Mawu bɔ mɔ nɔ sɛ nylaɖó nɔ we oɖé gɛ , vɔ na mɛɖe tɛ dɔ Mawu gɔ dɔmɔ wa ɔjlɔ e tɔn lɛ, Mawu nɔ sé dɛgbe nii.» ³² Sɔn hwenu xɛ na yé da ogbɛ lɔ̀ mi ma mɔ mɛ ɖe hun nukun nà ná mɛxe nu yé ji nukungbanɔ gɛ́. ³³ a ná mɛ xe ma do sɔn Mawu de gɛ, e ma jan blò nujawu e nɛ lɛ gɛ. ³⁴ Yé Ka gbɔ dé gɔ ni ɖɔ: "Yésu ohwɛ mɛ wɛ yé ji we do, wɛ aka jan kpla nú nyɛ wɛ ye yin tɔ́n." ³⁵ Xɛ ná Jesu sɛ dɔ yé bo ɖe mɛ xe na e hun nukun na le agún ye tɔn mɛ, e yí kpé ɖo mɔji bo Kɛn sé ɖɔ: «Aɖinu na ovi gbɛtɔ tɔn» ³⁶ Dahwe lɔ Ka yí gbɛ na Jesu dɔ̃ : «mɛ wɛ nyi omɛ lɔ, dɔ na un na ma ɖinu nii.» ³⁷ Jesu ka ɖɔ ni ɖɔ: «Omɛ lɔ ɖye , a lé mɔ, ɛ wɛ nyi nyɔ̃ omɛ xe ni le ɖɔ xó na we. ³⁸ Wɛ omɛ lɔ ɖɔ na Jesu ɖɔ: un ɖinu na we Aklunɔ we é jɛ Klo le akɔnmɛ na Jesu.» ³⁹ Jesu ka ɖɔ̃ be : “Unu wògblò mɛ : ho na dɔ̃ fé nù aɖé gbã le fĩ Xɛ, nú mɛ xɛ mɔ na mɔnu gɛ, an nu, na mɛ xɛ mɔ mɔnu na tro mɛtɔ̃nu. ⁴⁰ Faizitsyɛ ɖó ɖó Xɛ na Yesu ƒe bo kɛn sɛ ɖɔ : “Mɛ càn mĩ na gblɔ mɔnu o. ⁴¹ Yesu na ye ɖɔ : “Nà mɛtɔ̃naɖɔ wɛ wonyi, Ohlwe mĩtɔ̃ ma o, an le ƒu má mĩ gɛ o. Vɔ Xɛ na mĩ na ɖɔ mĩa le bɔmɛ mɔ nú, Ọhwɛ mĩtɔ̃ le kpɔ le Ɔkɔ̃ na mĩ''.